My Favorite Oat Brand .. أفضل ماركة چرانولا

My Favorite Oat Brand  .. أفضل ماركة چرانولا

Good Morning ,, صباح الخير

oat, breakfast, photo, life style , شوفان ، فطور، صورة

onlydalya.com

كيفكم يا حلوين..

بما أن الأجواء الحين بدت تصير شتوية ودرجة الحرارة بتقل حبتين  ..

فالطاقة عندي بتقل وكل ما تكون الجلسة ع السرير اكثر 😂 طبعا بتكلم عن نفسي أنا 😁..

وبما أني معطيه حق نفسي بريك خفيف فقلت يالله نسوي فطور محترم ونتربع على السرير طول الصبح 😍♥️

وكفطور دائما يفوزعندي الشوفان / الچرانولا بأي طريقة كانت وأصبح يوسف مثلي 😍 ..

oat, breakfast , photo, life style , فطور، شوفان ،نظام حياة ، فطور ملكي ،

onlydalya.com

وللأسف اكثر مشكلة تواجهني هو أني اسوي فطور حق نفسي .. ويكون صحي وما يسمن لاني بصراحة بديت اسمن هذا ان ما سمنت خلاص .. ومشكلتي كسولة مافيني للخرابيط الكثير .. صحيح احيان يجيني مود ابي ابدع بس مو دايم ..

جربت كثير منتجات ودايم يبيلها شغل كثير ..🤨

بودّي بشي بس أضيف له حليب بارد بدون ما اسخنة وخلاص واهم شي يكون لذيذ .. أو اضيف زبادي يوناني .. يعني أي اضافة بسطية بس مو شغل كثير ..🤪

بالامس كنت بمانويل اشتري اكل ليوسف .. قلت خلني امر جهة السيريالز واشوف لي شي كتغيير .. وفجاة عيني طاحت بهالمنتج الجميل شكلاً وطعمًا❤️
والله حتى سعره حلو مو حامض 😂👌🏽❤️

oat, breakfast , photo, life style , فطور، شوفان ،نظام حياة ، فطور ملكي ،

onlydalya.com

والاهم من كل هذا .. انه سهل التحضير فقط أضيف الحليب وفيه كل المكونات اللي احبها من مكسرات وفواكه وبكذا يكون قضينا وقدنا ناكل ❤️

فيني طبع مو جيد .. عيني تاكل قبل بطني، يعني بكل بساطة ممكن ما اكل عشان شكل الاكل ما اعجبني 😓

طبيعية ولا مو طبيعية !!؟ 🙂 ..

المهم وانا قاعدة اكتب الحين قاعدة استمتع بأكله وجا ببالي اضافات حلوة تفتح النفس اكثر .. 💜

ليتني شريت التوت الازرق والأسود والأحمر بعد عشان لا تزعل وارشهم فوق الطبق بيطلع شي خرافي ..

يالله مرة ثانية إن شاء الله ..

oat, breakfast , photo, life style , فطور، شوفان ،نظام حياة ، فطور ملكي ،

onlydalya.com

مدري هنا حسيت ان تصويري تصوير إعلاني .. بس بجد هذا مو إعلان ولا درو عن سما داري 😅🤣

لا اطول عليكم .. شلون تحصلون هذا المنتج الجميل ..بيكون في مانويل جهة السيريالز
قيمته بـ 36.22 ريال ممكن البعض يشوفه غالي بس انا اشوفه على كل هالمواصفات فهو كسعر اوك مع العلم انه لو كان في اي بلد ثاني بيكون أرخص كثير ..💜

🙄

في حاجة تقرقع بقلبي من زمان ودي افهم ليه برا اسعارهم مع الضرايب يطلع ارخص من عندنا وعاد هنا بدون ضرايب .. اجل الحين والوضع تغير مع الضرايب وين بتوصل الاسعار .. الله يستر ..💔

شكله نهايتنا صيام .. عاد صدق يمدحوه صحي وينحف وله فوائد كثير ..  ❣️

oat, breakfast , photo, life style , فطور، شوفان ،نظام حياة ، فطور ملكي ،

onlydalya.com

وبس .. هذه اخر صورة شكل الشوفان من قريب .. بجد شكله يحمس للأكل ..

يالله شاركوني شنو الفطور المفضل عندكم !!؟؟ 

وبس مو حابة اكثر حكي ونخلي البوست شوي خفيف..😋😊

واشوفكم في موضوع ثاني قريب 💜

Follow:

Leave a comment

  1. January 31, 2018 / 5:06 PM

    ماشاء الله أيش الجمال هذا 😻💛💛 من جد داليا الشوفان رهيب رهيب وله نكهة خاصة كفطور 💛 والاجمل انك تتحكمين بالنكهة ، ترا شوفان هناء جداً جميل وسعرة رهيب على حجمه وماياخذ وقت بالطبخ همس دقايق ويكون جاهز 😻 عشان التنويع بالمنتجات وارخص لك ، بس شكله فنااان المنتج 👌😻 احس انك بتبدعين بالشوفان بعدين ، عوافي وصحتين وهنا وبالنسبة للاسعار اي والله ربي يستر ماترتفع اكثر من كذا 💭 والحمدلله على كل حال. ترا تصويرك جميل ورهيب 😻👍👍👏🌷

    • onlydalya
      Author
      January 31, 2018 / 5:56 PM

      حياتي انت.. وعلى طاري شوفان هنا اصلا ما استخدم غيره 😍😍 بس هذا عجبني اني ما اضطر احط مكونات او حته احطه ع النار .. جاهز و كل اللي احبه موجود فيه من مكسرات وبذور حتى جوز الهند مبشور قطع نحيفة وفيه هم بعد التوت الأزرق والاسود مجفف وطعمه مبين بس اكيد لو نحن سويناه بنفسنا رح يكون أطعم .. 😋😉
      بس هي المشكلة احيان ما اكون رايقة ويومي محكوم اني ما اطول في فطوري فاضطر اني اشرب قهوة وامشي .. عشان كذا هاذا كثير ناسبني 😍💜💜💜 ومحا يخليني اكنسل وجبة الفطور اذا كنت حيل مشغولة 😋😋💜

Leave a Reply || اترك تعليق هنا