Ikea Purchases .. مشترياتي من آيكيا

Ikea Purchases  .. مشترياتي من آيكيا

أهلين ..

كيف الحال ؟!! إن شاء الله تمام وعال العال ..

اليوم الموضوع اللي بحكي عنه يمكن كثير ناس تكلمت فيه لين ممكن للبعض اصبح ممل بالنسبة له ..

واللي هو مشترياتي من آيكيا ..

بس هالمرة مشترياتي موب أثاث واكسسوارت منزل !!

هالمرة شريت اكل من عندهم !! ما أقصد المطعم .. اللي اقصده قسم الأغذية 😂

المهم قبل لا نبدأ نجهز قهوتنا عشان نستوعب شنقول 😉

المهم قبل لانبدأ نجهز قهوتنا عشان نستوعب شنقول ..

onlydalya.com

onlydalya.com

بصراحة على كثر ما أروح آيكيا .. واشوف قسم الأكل الا عمري ما رحت وشريت غير الشوكولاته اللي قالي عليها محمد وامشي بدون لا افكر او حتى ألقي نظرة على المنتجات بحكم اني أكون تعبانه وودي اطلع او مستعجلة  ..

ولكن هالمرة تغير الوضع يمكن بحكم اني كنت ابي اسكت يوسف عبال ما محمد يحاسب قلت خلني اروح اشتري له شوكولاته وكذا ..

وأنا ماشية لفت عيني الشوفان .. 😍 وبصراحة نقطة ضعفي خصوصا أنه فيه التوت الأزرق والفواكة الثانية اللي يحبها قلبي ..

لذلك قمت قشيت مثل اللي في الصورة ..

وقلت خلني اجرب موب خسرانه ابد 😌 ..

OLYMPUS DIGITAL CAMERA Processed with VSCO with a5 preset

كل هذه الأشياء ماجات١٠٠ريال بالضبط طلع لي٧٢ ريال فقط .. 🤓

المهم نبدأ بحبيب القلب ..

 الشوفان .. 😻♥️

بجد شهادتي فيه مجروحة ..

من كثر انه طعم صرت اكله بروحه وكرنشي كذا يقرمش وحتى ان حطيت معه حليب واكلته على طول عشان لا يتشربه

الحليب كثير فيه شوي قرمشة ..

لذيذ لذيذ لذيذ ..

أتعب وأنا أقول أنه لذيذ ..

وسعره هم بعد لذيذ .. في حدود الـ ٣٠ ريال ما تتعدى ٣٥ ريال ..

 Processed with VSCO with a6 preset

شايفين شكثر شكله لذيذ .. هذا وأنا ضايفة الحليب وهو مقرمش ..

وفي هذه الصورة أضفت عليه عنب أسود بدون بذر …

يا قلبي ما أقول شكثر لذيذ ..

OLYMPUS DIGITAL CAMERA          Processed with VSCO with a5 preset

بجد ما أبالغ هذا ذوقي وأنا حرة فيه بجد اطعم شوفان ذقته  .. خفيف وهش ..

💜💜💜💜

ونجي للمنتج إللي بعده ..

بسكوت بالزنجبيل .. 🧐

Processed with VSCO with a5 preset

حبيته .. وحاولت اتفلسف فيه وقمت حطيت فوقه جبنة بيضاء مع أوراق من النعناع ورشة كمون ..

بالبداية طلع اليم .. بس بعدين ما قدرت استسيغه 🤪

بس الحقيقة شكله  كان مشهي ..

Facetune_11-02-2018-13-32-50

والحقيقة أنه طعم بروحه بدون الإضافة والفلسفة اللي سويتها .. يعني لو كان مالح كان تمام..

كم سعره ؟!!

بصراحة ما اذكر ولكن سعره جميل وخفيف ..

هل انصح فيه أي .. لكن في اللي احسن منه بكثير ومراحل وهو المنتج اللي بعده ..

بسكوت بالقرفة

OLYMPUS DIGITAL CAMERA          Processed with VSCO with a5 preset

هذا البسكوت الجميل واللذيذ كل عيلتي حبته وخصوصا يوسف القلب ♥️

صار كل ما يشوفه يعطيه شهقة ويصفق بيدينه فديت قلبه والله

كميته كبيرة وسعره هم بعد حلو بس ما اذكر بكم لأن الحقيقة والواقع إني رميت الفاتورة بالغلط .. 😤

هل أنصح فيه نعم وبقوة .. يكفي أن يوسف عجبه 😋😉

يذوب في الفم ويقرمش وحلاوته لذيذة يعتبر من البسكوتات الحالية لكن حلاه موزون

ما يغث ابد ..

والحين نجي للكلام الكبير .. الشوكولاتات ..

♥️♥️  ♥️♥️

هالشوكالاته .. لذيذة .. وطعمة ↡

OLYMPUS DIGITAL CAMERA          Processed with VSCO with a5 preset

اعطيها ٨،٥ من ١٠ .. رح اشتريها اكيد مرة ثانية

.. ..

أما هذا النوع من الشوكولاته ..

OLYMPUS DIGITAL CAMERA          Processed with VSCO with a5 preset

OLYMPUS DIGITAL CAMERA          Processed with VSCO with a5 preset

فهو طعم ولذيذ بس مو مثل الأولى أطعم منهم

 بكثير يعني الأولي ماعندي مشكله اتعنى لها

بس هذولي لاء يعني ممكن ما اشتريهم واجرب أشياء ثانية بدالهم ..

.. ..

وبس في الختام ان شاء الله ما أكون ثقلت عليكم أو اني غثيتكم بموضوع قديم ..

وابيكم تشاركوني بمشترياتكم اللي شريتوها من قسم الأغذية في آيكيا ..

شنو تنصحوني ؟!!!

♥️♥️ ♥️♥️

آخر صورة مع الحبيب ..

Processed with VSCO with a6 preset

Follow:

Leave a comment

  1. February 26, 2018 / 11:44 AM

    والله ي أنا لي قرن عن آيكيا 😂 من زمان عنه وشكلهم تطوروا وجابوا اشياء جديدة
    وأهم شيء الشوفان ❤ اذا هو مقرمش فهو اكيد قرانولا 😻 القرانولا جداً لذيذة
    اما التشوكلت ، خلينا نقول وش معنى الحياة بدون تشوكلت 💔✨
    البسكوت الي بالقرفه شدني صراحة ، اذا يوسف عجبه اكيد لذيذ 😋 😹 بسم الله عليه
    تدوينه جميلة جداً حبيتها ، وعوافي ياجميلة 🌸.

    • onlydalya
      Author
      February 26, 2018 / 11:27 PM

      يا بِعدي أنت والله .. بالنسبة للسكوت القرفة مو بس يوسق حتى محمد بجد بجد لذيذ جدا اذا قدرت تمري على آيكيا لا تنسي تجربيه مارح تندمي ♥️♥️♥️ الله لا يحرمني من تعليقاتك الجميلة مثل روحك

  2. February 28, 2018 / 5:00 PM

    ما شاء الله تدوينة جميلة ولطيفة وخفيفة
    ولا مرة زرت قسم الأكل في إيكيا
    المرة الجاية عندما أذهب إليه سأزوره
    شكرا لك 🌷

    • onlydalya
      Author
      February 28, 2018 / 5:47 PM

      تسلمي على مرورك وهم بعد مدونتك رائعة ويجد مفيدة لكل واحد يفكر بالتدوين او عنده مدونة ..
      استمري ♥️♥️

  3. March 3, 2018 / 8:56 AM

    بالعكس اشوف الموضوع جديد انا بس جربت البن وفعلاً لذيذ بجرب الباقي ان شالله

    • onlydalya
      Author
      March 3, 2018 / 9:02 AM

      تصدقي ما كنت اعرف ان عندهم بن .. يبيلي اروح لهم ثاني واجرب .. اذا عندك اسم البن اللي جربيته قولي لي يصير اروح اجربه وبحدث المدونة

  4. March 18, 2018 / 4:37 PM

    اشتهيت الشوفات ن من وصفك
    شكله يمي
    عليك بالعافيه

    • onlydalya
      Author
      March 18, 2018 / 4:43 PM

      اذا تحبي الشوفان اذا لا تفوتيه لانه بجد شهي وطعم الفواكه المجففة جدا جيد وقوي 💗💜💜💜 غير مذا سعره يعتبر جميل .. بس للمعلومية هذا چرانولا يعني شوفان ومجموعة فواحة ومكسرات حاهزه للاكل على طول يعني بس تضيفي حليب او زبادي يوناني وبالعافية 💜

      • March 18, 2018 / 4:50 PM

        الله يعافيك. شكرا للتوضيح❤️

  5. ghaidaa
    March 19, 2018 / 9:57 AM

    يممممي ماشاءالله بالعافيه عليكم. انا زيك نادرا ماطالع في الجزء هذا من ايكيا وغالبا اكون انتظر يخلص محاسبه بس مره حمستيني انزل واجرب اشياء جديدة منهم

    • onlydalya
      Author
      March 19, 2018 / 11:22 AM

      جربي ومحا تندمي .. بصراحة ناوية انزل ثاني عشان اشتري الچرانولا وبسكوت القرفة 👌🏽♥️♥️♥️

Leave a Reply || اترك تعليق هنا