My experience at Jean Louise David | تجربتي في صالون جون لويس ديفد

” Invest in your hair, it is the Crown you Never Take Off “

” A women who cut her Hair is about to change her Life” – COCO CHANEL

Processed with VSCO with a5 preset

صباح / مسا الخير ..

ببداية ٢٠١٨ حبيت اسوي تغيير جذري للوك تبعي ..وبعد مشاورات أنا وأخواتي العزيزات

تم الاتفاق على هذا الصالون اللي هو..

Jean Louis David Beauty Salon

السبب في أني الأن كتبت عن الموضوع لأنه بصراحة

الحقيقة الأولى توي فضيت بالإضافة بعد ما رحت لهم سافرت على طول

وثانيًا حبيت أخذ وقتي عشان أشوف كيف مستوى الخدمة بعد هذه الفترة لأني سويت عندهم تريتمنت للشعر

وحبيت اشوف بعد كم رح يبدأ يخف وكذا ..

في هذا البوست رح أغطي الجوانب التالية:

موقع الصالون

جودة الخدمة

الأسعار

العروض

Hospitably – الضيافة

اللاونج

The Cleanness  نظافة المكان والأدوات –

** ** **

نجي نتكلم على أول نقطة موقع الصالون

طبعًا هو بجدة على شارع الملك في برج الشاشة

الموقع جداً جميل اللي صدمني شوي أنه لم ادخل من المبنى واضغط على الدور حق الصالون

حسيت أني تهت شوي لم وصلت الدور وانفتح لي المصعد على جهة مواقف سيارات

بس بعدها لقيت مدخل الصالون ودخلت ..

بالأسفل صور مدخل برج الشاشة ..

Processed with VSCO with a5 preset

طلعت الدور الثاني ومنها للمصعد عشان اقدر اطلع للصالون ..

الصالون عبارة عن دورين ..

Processed with VSCO with a5 preset

هنا جهة المواقف وهذا مدخل الصالون أول ما تخرجي من المصعد

على يسارك بتلقي هذا المدخل ..

Processed with VSCO with a5 preset

بعد ما تدخلي تلقي مدخل ثاني وهو عبارة عن  جدار ثاني كبير ديكور مكتوب عليه اسم الصالون بحيث أنه يغطي مدخل البوابة من الكشف على داخل الصالون وبصراحه شكله أنيق ..

Processed with VSCO with a5 preset

بعد كذا تدخلي على الريسبشن وهم بخدمتك بنات سعوديات جميلات البسمة مرسومة على وجييهم

للآن افتكر البنت اللي اتسقبلتني بابتسامتها وخدمتها كانت ذوووق جدا ..

وهالشي خلاني أحس أني داخله بيتي ومرحب بي ..

استفسرت عن الخدمات وطلبت أني اقص شعري واسوي التريتمنت حق الشعر

بعد كذا توجهت لجهة غسل الشعر .. ما أوصفلكم شكثر احب لم أحد يسوي لي مساج بشعري ..

أي لم غسلت لي شعري سوت لي شوية مساج لفروة راسي وهالشي كثير حبيته ..

واللي عجبني أن كل موظفينهم مبتسمين ..

بعدين رحت للأخصائية سميرة عشان تقص لي شعري ..

Processed with VSCO with a5 preset

بصراحة يدها جدا جميلة في القص وتعطيك نصايح إذا هالقصة تناسب وجهك ستايلك ولا لاء

إن شاء الله دايم عندها ..

ولازم ندلع نفسنا شوي ونشرب قهوة ..

Processed with VSCO with a5 preset

ولأنه كانت الفترة المسائية و نهاية الدوام ما مداني اسوي التريتمنت بنفس اليوم

فقالت لي انا الحين قصيت لك بكرة لم تجي عشان تسوي التريتمنت و تخلصي مريني عشان اخلص لك القصة كاملة ..

وشوفي اذا حابة تقصري كمان زيادة ما عندي مشكلة

لان وقتها كان شعري طويل وقصيته قصير عند كتوفي وشوي اقصر ..

من قدام طويل شوي ومن ورا اقصر ..

تقريبا كان شعري بهذا الطول ولكن طول واحد بدون تدرج وبدون صبغة وكانت الفكرة إما أني اقص شعري مثل الصورة الأولى على اليسار للشعر القصير من ورا وطويل من قدام أو اللي مثل الصورة اللي باليمين يكون طويل..

يعني بس قص اطراف وكذا ..

بالأخير .. توكلت على الله وقصيت شعري قصير ،،

مثل هذه القصة ..

IMG_9904

صورة من النت تمثل قصة الشعر اللي أخترت أقص مثلها

** ** **

بالأخير توكلت على الله و قصيت قصير

كتغيير للنفسية وكل شي ..

** ** **

جا ثاني يوم ورحت لهم الظهر

واستقبلتني اخصائية الشعر وهي الأخت ريم متخصصة بعلاجات الشعر..

قلت لها شنو ابي واقترحت لي علاجين وتوكلت على الله وسويته

كان العلاج ما بين الكولاجين و اوقا فلر بروتين

فأخترت الثاني ..

** ** **

عن نفسي كان اختيار موفق بالنسبة لي .. تقريبا بتقرب السنة ومازال التريتمنت في شعري حتى لم بدأ

يروح صاير شعري ويفي مستشور وهالشي عاجبني كثير ..

أفكر اسويه بعد ما أولد بإذن الواحد الأحد ..

بس حاليا فكرة القص قاعدة تلعب براسي وناوية عليها ..

** ** **

طبعًا الشغل جدا متقن وأخذ منها يوم كامل ..

سويت التريتمنت على شعري ونزلت الكفتريا اشرب قهوة وافطر عبال ما الوقت يمشي شوي

المكان جدًا مرتب ..

والحلو بعد أنه ممكن يطلعوه لك فوق تاكلي وهم يشتغلوا على شعرك عشان لا تتأخري ..

بعد ما نسفت الأكل 😅🤣 مبين علي شكثر جيعانه صح 🙂

بس الأجواء رايقة جدا والمسيقى جميلة ..

لوهله حسيت روحي بكفي موب صالون وهالشي عجبني كثير..

واكثر شي حبيته أنه مو زحمه وواسع المكان ..

** ** **

كان ودي اصور اكثر وبعد ودي اصور فيديو بس لأني مو مستاذنه منهم ما حبيت ولا الود  ودي اوثق تجربتي بفيديوا واحطه بقناتي .. ولكن يوم ما ..

** ** **

عقب ما خلصت نادتني عشان تشيك على شعري وتشوف اذا جاهز عشان تستشور شعري ..

Processed with VSCO with a5 preset

رجعت لمكاني وشيكت على شعري وكان جاهز ..

غسلت شعري وشوية مساج بعدها نزلت تحت عشان البنات يستشوروا شعري ويسون لي الإلستريتنر  ..

طبعًا الاستشوارالإلستريتنر نزلوني تحت بغرفة خاصة بروحي

وسويت الاستشوار و الإلستريتنر هناك ..

وكان ثنتين فوق راسي عشان يخلصوا بسرعة ..

** ** **

عقب ما خلصوا طلعت فوق ثاني عشان تشيك على شعري

أنا توقعت أنها بتقولي نعيما وخلصنا ..

قامت طلبت من الموظفة المختصة تغسل شعري ثاني وتشيك عليه عقب الغسيل

رحت لها وطلع في منطقة بالأسفل يعني العلاج مسك فيها شوي بس مو مثل الباقي ..

عادت علي التريتمنت وجلست تقريبا ساعتين ثانيين نفس الآلية غسلت شعري

ونزلت تحت بالغرفة الخاصة وسولي الاستشوار و الإلستريتنر مرة ثانية ..

وطلعت لها عشان تشوف شعري إذا خلاص ولا يحتاج شي ثاني ..

Processed with VSCO with a5 preset

أعيشكم الجو معي وأصور الدرج وأنا طالعة ونازلة 😂

 

المهم ..

 غسلت شعري ثالث مرة واعطته بالهوا وتأكدت من باقي شعري أن كله مضبوط

بعدها قالت لي نعيما 🙂

بصراحة النتيجة كانت جدا جدا مرضية حبيتها كثير ..

** ** **

بعد ما خلصت من التريتمنت رجعت لأخصائية الشعر عشان تشوف القصة مرة ثانية إذا تحتاج تقصير وتعديل ..

رحت عند سميرا ..

وجلست على الكرسي وكملت قص وخلصت ..

وبكذا انتهت تجربتي من صالون جون لويس ديفيد وكانت من أحلى الأوقات اللي قضيتها وتعاملهم جدًا راقي ..

** ** **

بالنسبة للأسعار تعتبر شوي مرتفعة ..

قص الشعر كان  ٢٥٠

  والتريتمنت للشعر اللقصير كان بـ ٢٠٠٠ ريال

والشامبوا والبلسم والسيروم في حدود الـ ٤٠٠ ريال أو أقل شوي ..

طبعًا أنا اشوفها أسعار عالية إذا بنقارن بالخارج ..

لكن إذا بنقارن بصوالين جدة فأنا أشوفه مقابل جودة الخدمة ممتاز

والمكان جدا جدا نظيف والأدوات نظيفة ومعقمة ..  حتى الديكور متعوب عليه والنظافة مستمرة

ما شفت شي أقول عليه لو سوا كذا كان أفضل وفوقه موظفاتهم يفتحوا النفس مبتسمين دائمًا

ولبسهم موحد ونظيف ومرتب ..

وهم بعد موقعهم في طريق الملك في برج الشاشة يعني المكان جدا جدا راقي

المهم ..

 حاسبتهم ونزلت تحت الكوفي شوب اللي ببرج الشاشة اسمه

Bert’s

بالنسبة للعروض دايم يسوا عروض جميلة مع كل مناسبة بالإضافة إذا دفعت عن طريق بطاقة البنك الأهلي أو فيزا البنك الأهلي تحصلي على خصم ١٠٪ من قيمة الفاتورة 

هم بعد تابعي حسابهم دايم يسوا عروض للعرايس والمتخرجين وكذا .. 

Jean Louis David Account 

** ** **

Processed with VSCO with a5 preset

عشان أروق شوي من صوت الاستشوار

وانتظر اخوي يجي ياخذني وارجع للبيت ..

This slideshow requires JavaScript.

المهم وجا أخوي ونزلت عشان أروح لبيت الماما وأشوف يوسف لأنه مو دايم ابعد عنه طول هالوقت ..

Processed with VSCO with av8 preset

وبكذا انتهى يومي الجميل في هذا المكان الأكثر من رائع ..

Processed with VSCO with av8 preset

 

وفي الختام .. اتمنى لكم وقت ممتع ..

وشاركوني رأيكم بالموضوع أو حتى تجاربكم مع الصوالين .. 😍

Follow:

17 Comments

  1. September 17, 2018 / 4:36 PM

    جميل تقريرك وشامل. أحترم الي يجيبون لك وحده فاهمه تعرف وش يناسبك وتعطيك اقتراحات
    مالي تجارب كثير لأني أقص شعري بنفسي في البيت لكن لو كنت من سكان جده غالبا ً بروح لأن من كلامك شغلهم عجبني وتعاملهم برضو، وواضح مبدعين بمجالهم
    أعجبني كثير تصويرك للمكان والمقهى، يعطيك العافيه

    • onlydalya
      Author
      September 17, 2018 / 6:05 PM

      تسلمي ياقلبي هذا من ذوقك .. واسعدني كثير تواجدك هناك ..

  2. September 17, 2018 / 11:03 PM

    الله عليك استمتعت جداً بالقراءة وكأني معك ونعيماً ياجميلة ❤️❤️

    • onlydalya
      Author
      September 18, 2018 / 1:54 AM

      عزيزتي ولاء .. استانست كثير لأن الموضوع نال اعجابك ..
      دمت بود..

  3. September 23, 2018 / 4:57 PM

    يالله يا داليا انبسطت وأنا اقرأ جدًا. اكتشفت إني أحب أشوف أشياء زي كذا وتابعت يوتيوبرز بس ما كنت أدري إن تجربة القراءة مساوية للفيديو. عيشتيني الجو وحبيت أنك تكلمتي بالتفاصيل اللي خلتني آخذ فكرة عن المكان وسعره وطريقة تعاملهم (من إنهم يخلوك تعيدي العلاج عشان تتأكد إنه كويس) شكرًا لك، وصورك جميلة جدًا. ونعيمًا.

    • onlydalya
      Author
      September 23, 2018 / 5:24 PM

      استانست حيل لانه عجبك البوست خفت اني اكون كثرت حكي والناس ممكن تمل ..
      لكن بالنسبة للصوالين انا احتجت هالمعلومات وكثير انبسطت من تعامل الموظفين اللي هناك عندهم أمانة في الشغل وهالشي خلاني كثير استانس وبصراحة نحن نحتاج ريفيوهات عن الصوالين لان الغالب اسعارهم مبالغ فيها والخدمة مو ذاك الزود ..

      لذلك حبيت افيد كل شخص عانى مثلي ويحتاج معلومات مفصلة وذكرت الاسعار لأني اشوفها شي مهم في ناس يشوفونها عادي وفي ناس بالنسبة لهم لاء يعتبر غالي جدا ..

      • September 25, 2018 / 12:30 AM

        مشكورة والله. فعلا الوحده تحتار تثق في مين بالذات في موضوع الشعر.
        انا حطيت تعليقين من أول..مادري وين راحو؟ شكله حسابي معلق

        • onlydalya
          Author
          September 26, 2018 / 6:15 PM

          أي عزيزتي شفتهم وظهرتهم عشان سويت تحديث للمدونة فالسيستم اعتبرهم سبام .. يشرفني حبيبتي تواجدك في مدونتي

          • September 26, 2018 / 6:22 PM

            لي الشرف والله.
            عادي عادي ههه

    • September 24, 2018 / 10:15 PM

      بالعكس الفيديو بتشوفي الشي مرة وحدا. أما القراءة انتي بتتخيلي الصورة بوصف الكاتب. طبعا الصور المرفقة بتساعد كمان و تعطي دفا و جمال و هدوء للمكان. الفيديو حيتضمن كلام و أصوات الأجهزة و كذا.

      • onlydalya
        Author
        September 26, 2018 / 6:17 PM

        أتفق معك بس هم بعد الفيديو ممكن يظهر لك اشياء انا عاجزة عن وصفها وبالنسبة لصوت الأجهزة اقدر اخفيها .. بس أحس أنه لازم موافقة ادارة الصالون عشان لا تصير مشاكل وكذا .. لأن في أماكن في الصالون كثير حلوة كان ودي اوثقها بس كان في ناس ماحبيت اخرق خصوصيتهم ..

  4. September 24, 2018 / 10:13 PM

    ماشاءالله تقرير جميل و شاااامل حمستيني اسوي تريتمنا زمان والله.
    مو مشكلة لو غالي طالما النتيجة مرضية و التعامل حلو. عاد أنا حظي سيء مع الصالونات نادرا مع يعجبني. والله اذكر وحدا خربتلي شعري قبل كم سنة قصت غلط و زادت حرقتو بالسشوار لدرجة قوامه راح. المفروض انه نوارا و مكان خبره يعني. ووحدا ثانية زمااان لطعتني ساعة تحت الطاقية حقت خصل الميش، كنت ابغى أحمر وقتها قللك مايا نصري. الشعر لصق في الطاقية مو راضي يطلع و صدعت و تنتف آخر الشي اللون ما مسك ههههههههه
    لسه عندي قصص مع اللي تعاملهم سيء و تكلمك من خشمها كأنك تتصدق عليكي 😏

    • onlydalya
      Author
      September 26, 2018 / 6:19 PM

      يااااه أكره ذولي الفئة أحس اللي وظفهم ما عنده ما عند جدتي بالنسبة لخدمة العملاء ضروري يكون في لباقة واسلوب جميل في التعامل مع العملاء وما يهتموا بمظهر العميل الخارجي .. منا جايا صالون عشان اتضبط مو اروح اتضبط عشاني رايحة صالون ..

  5. November 4, 2018 / 5:53 PM

    حبييييت مرة
    عشت معاك جو هههههه، حبيت انك ذكرتي التفاصيل مثل الأسعار وكذا
    بقول لأمي عليه خل تغير عن صالونها المفضل 🤪

    نعيماً دالياً 💗

    • onlydalya
      Author
      November 4, 2018 / 6:58 PM

      حبيبتي انت 😍 هذا هو الهدف اني اعيشكم الجو اللي عشته وان شاءالله يكون وصلكم ..

      الله ينعم عليك بتول نورتي مدونتي يا قمر ♥️

Leave a Reply || اترك تعليق هنا