” Being a Mother will Break Your Heart… You worry so much because you love them so much “
الساعة التاسعة صباحًا ..
اسمع خطوات صغيرة متسارعة لباب مكتبي لأجد حبيبي وملاكي يوسف يحمل في يده الصغيرة رضاعته وعيناه بالكاد مفتوحة يبحث عني فلم يجدني .. وكأنه يقول لم تركتني ..
يقترب إلى مكتبي ويأخذ بيدي ليسحبني إلى الصوفة ليستلقي عليها ويشرب رضاعته ويمسك بيدي وكأنه يقول لا تتركيني ..
في هذه اللحظة بالذات وهي ليست بالأولى لأجد قلبي يخفق وكأنها المرة الأولى ..
يتحسس يدي ويمرر يداه الصغيرتان الناعمتان على يداي وينظر إلي فلا أستطيع المقاومة وأقوم بتقبيله ألف قبله ليرتسم على شفتاه الورديتان الصغيرة أجمل ابتسامة تراها عيناي ..
أحبه ..
بل أعشقه ..
من اللحظات التي لا تقدر بثمن ..
١٩-١٠-٢٠١٨
تذكرت هذا الاقتباس اللطيف “كأنّ يديك بلد.. آه من وطنٍ في جسد”
Author
عشقت كثير هالاقتباس جدا جدا. جميل حسيته بجد يجسد هالاحساس .. شرفني كثير مرورك 🙏🏽♥️♥️♥️♥️
مشاعرك لامستني خصوصاً وانا رافضه موضوع الخلفه
Author
كنت مثلك .. بعد ما تزوجت كنت بس ابي اجيب يوسف والله حققلي اللي تمنيته وأكثر ..
والحين اخته جاية بالطريق ان شاءالله بعد شهر وشوي .. بس انا مازالت ضد الخلفة الكثير واذا الوحدة ما تبي تخلف لا تخلف لأن الشخص اذا ما عنده استعداد للتضحية حرام نجيب اطفال .. بس اهم شي ان القرار يكون مبني على اتفاق الشريكين سوا 🙏🏽♥️♥️
أيادي الأطفال إذا مسكت يدي أحس بشعور غريب، أحس انهم فعلا ً يعبرون عن مشاعرهم ، كأنهم يقولون داري اني شغله بس ممتن انك تهتمين
لاحظي حتى دايم يمسكون يد الي يهتم فيهم بعد ما يكرفونه ويطلعونه وينزلونه من الدرج مليون مره، أو يخلونه يترك شغله ويجي يقابلهم، بعدها يحطون يدهم بيد هالشخص وفعلا ً يمتصون كل الغضب أو الانزعاج الي فيه
Author
فعلا .. وهذا دليل أنهم يحسون بالأمان من الشخص اللي يمسكو اصبعه .. أحيان حتى لم اخاصم يوسف لأنه سوا شي غلط يروح فورا يمسك ايدي ويحط راسه بحضني كأنه يقولي خلاص لا تخاصميني ..وأحيان يقعد يرطن بكلامه الغير مفهوم ويحرك بيده كذا كأنه يقولي عادي ولم عرف شلون يقول عادي صار يقولها يقعد يحش وبعدها يقولي عاااااادي .. 😅😂
😂 😂 😂 😂 😂 😂 😂 😂 😂 😂 😂 😂 😂 ظرييييف ماشاء الله، وموسع صدره! هذا يمتص الغضب بأسلوب بعد، مب بس يمسك يدك 😂😂😂
Author
فعلا.. الاطفال أذكياء يعرفوا نقاط ضعفنا ويستغلوها .. يعرف اني لم اخاصمه شنو الشي اللي ممكن يخليني ابكي من الضحك عشان لا اخاصمه ..
مرة كسر قزازة وكنت خايفة عليه لا يدخل القزاز برجله قمت عصبت وقبت لا تمشي خليك واقف وكان باين علي التوتر وانا كنت مرتبكة حيل هو واقف مكانه ما تحرك وبإيدينه الصغيرة يحركها وبصوت هادي يقولي عادي وقعد يعيدها لين بجد هديت وعرفت شلون اشيله من بين القزاز .. هذا موقف من مواقف كثيره وطبعا يوم حضنته لاني حمدت ربي انه ما تأذى من القزاز قعد يضحك بصوت وحضني وقعد يعيد الكلمة لين مت من الضحك 😂😂😂
يااحليله شخصيته حلوه ماشاء الله 😍 حلوين في العمر الي تبدأ تبان فيه شخصياتهم. الله يحفظه ويخليه لك. ولدك نبيل الاخلاق 😂😂 مره رهيب الله يسعده
Author
ويسعدك يا قلبي .. بجد اسعدني تعليقك 😍🙏🏽♥️♥️♥️♥️♥️
ياااااه اقرأ ومخي يصور المشهد .. يخليه لك ويخليك له يارب .. ♥️🤤
Author
آمين يا رب تسلمي 🙏🏽💜💜💜💜 .. عقبال نفرح فيك وبعيالك ان شاءالله ♥️
الله ياداليا تلك الحظات الجميلة
🙂
الله يحفظه
Author
ويحفظ لك احبابك يا رب ..
الله يخليه لك ياه يارب و يقومك بالسلامة 🌷
Author
امين يا قلبي تسلمي لي والله 🙏🏽♥️