Last days in Ramdan & Eid Celebration || آخر أيام رمضان & وتجهيزات العيد

” Sometimes that thing you’re looking for comes when you’re not looking at all ”

مرحبا ..

 

في هذا الفلوق أشارككم أخر يومين برمضان والأزمة اللي صارت لي يوم ٢٩ والحمدلله عدت على خير

وكيف قضيت العيد ..

هذا الفيديو عبارة عن سوالف أكثر من أنه فعاليات ..

 

وطريقة عمل قهوتي سواء الباردة أو الحارة

..

 

أضغط على الصورة لمشاهدة الڤلوق

Follow:

Souq.com تجربة شرائي من موقع

” The secret of your future is hidden in your daily routine “

قبل فترة شركة أمازون قامت بشراء موقع سوق.كوم .. وأصبح سوق.كوم هو موقع امازون الخاص بدول الخليج والعالم العربي ..

وبما أني من عشاق موقع أمازون قررت اجرب الشراء من موقع سوق وأقارن بينهم من ناحية التالي :

الخدمة

الأسعار

تنوع المنتجات

التوصيل

وبحكم حبي للتصوير فأنا أحب احتفظ بكل الصور والفيدوهات بالإضافة لتعدد الصور عندي من كذا زاوية وتعديل وكذا فتدريجيا رح تلقون أني خلصت مساحتي بكل سهولة ويسر ..

بالنسبة لخدموة موقع سوق .كوم جدا جميل .. وهل أنصح بأن الواحد يشتري من عندهم أي عادي التنوع عندهم كبير مقارنة بالمواقع المتوفرة في االشرق الأوسط ..

ولم نجي نتكلم عن الأسعار دايم تجيني علامات استفهام مو طبيعية .. طبعًا أسعار سوق أكيد أغلى من أمازون حتى لو المنتج نفسه هنا وهناك رح تلقى فرق السعر عن سوق يتفوق عن موقع امازون ..

لكن يشهد الله أني مبسوطة بأني جربت هذه التجربة وحبيت كثير تفوقهم في خدمة التوصيل جدًا عالية وهالشي خلاني من عميل متخوف إلى عميل دائم ..

بصراحة كذا منتج لافت نظري عندهم ولكن قلت مبدئيا رح اشتري من عندهم هذا الهارد ديسك المتحرك وقلت مرة وحدة نجرب خدمتهم ..

الحق خدمتهم جدا ممتازة بس لقيت أن أسعار امازون نفسه أرخص من موقع سوق. كوم

مثل ما ذكرت قبل هالمرة قررت اشتري هارد ديسك متحرك ..

عملت بحث عن هارد ديسك متحرك وحجمه كبير وسعره معقول خصوصا مع التخفيض اللي صاير فيه الحين .. لقيت ضالتي ..

مثل ما انتوا شايفين بالصورة ..

تم التقاط هذه الصورة حديثًا .. لذلك العرض مختلف الآن الحمدلله على العرض اللي كان لي ممتاز جدا

يوم شريت المنتج كان سعره

 بـ ٤١٨.٩٥ ريال ومع التخفيض شريته بـ ٢٧٩.٩٩ ريال ..

والأجمل التوصيل مجاني للبيت

وتمت عملية البيع .

شريت المنتج يوم ١٤ فبراير واستلمته بعد يوم ١٦ فبراير الظهر يعني حتى ما كمل يومين كاملة

 

صورة

 

تم تحديد موعد استلام الطلبية ..

والجميل أن سويت العملية مثلا اليوم يصير بعد يومين استلم طلبي ..

 

 

وبالأخير شاركوني تجاربكم في حال شريتوا من سوق أو أي موقع الكتروني وكيف كانت تجربتكم ؟!!

Follow:

Eid Mubark || عيدكم مبارك

يوم ٢٩ رمضان ..

بعد المغرب قريب العشا ..

تأكدنا أنه ليلة العيد ..

فجأة صحيت على نفسي وقررت اقضي حق العيد ..

اذن العشا وركبت السيارة أنا و أخوي وتوجهنا بمجمع العرب ..

توقعت أن القى أغلب المحلات مفتوحة ولكن الصدمة !!!

أن كل المحلات مسكرة 😿

وأنتظرنا حول الساعة والنص ..

ومازالت أغلب المحلات مسكرة 😿 أنا هنا بديت اتوتر 🙄

قلت خلني اتمشى واشوف المحلات ايش فيه عندهم وكذا ..

كالعادة مافي شي يعجبني ..

لمحت زارا واخوي يقولي شوفي اي مكان غيرة مرررة زحمة ما رح تطلعي بشي ..

قلت له اوك 😅

لم قربنا قلت له بس نظرة سريعة يمكن القى شي .. قالي طيب ..

ودخلت زارا والحمدلله

لقيت لي ثلاث اشياء جميلة ومريحة ومثل ما أبي..

 

بالنسبة للبس الثاني لبسته ورفعت أكمامه شوي لفوق فأعطى نفخة شوي في الكم وعطاه حركه حلوه وهي فاتحة الفستان شوي من فوق أنا مخليته كنه مقفل عادي طلع شكله أحلى من اللي ع العارضة .. 

الثالث هو عبارة عن قميص حرير لونه رايح شوي على ذهبي ناعم بس ما لقيت صورته بصراحة تعبت وانا أدور .. بس إن لقيته بحطه .. 

ومن كثر الصدمة اقول لعموري ها حلو يقوم هو يفتش على مقاسي ويقولي لقينا مقاسك يالله اللي بعده

والحق طوابير الكاشير كان شكلها مرهق لدرجة أن فرحة أنه أخيرا لقيت اللي ابيه بدت تختفي 😅

فجإة فتحوا كاشير وقالوا لحق الشبكة ..

نطيت عليها وقلت لها انا شبكة

وحاسبتني وطلعت ..

بعدها دخلت اوشيو ..

على طول لقيت بجامة العيد اللي أبي ..

بالنسبة للروب اللي يتلبس فوق البجامة أخذت لون ثاني مو هذا نفس لون البجامة جاي على بيج ولو أنه لو

لقيت هذا اللون رح اشتريه عادي ..

المهم شريتهم وطلعت ..

 

وبعدين لقيت ناين ويست قلت بس احتاج صندل ..

بس للأسف لم تضبط معنا لقيت الصندل

بس ما لقيت المقاس وكانت موظفة وحدة بس في المحل

مشيت وتركتهم ..

طلعت على ماماز & باباز

وشريت بجايم وداخلي ليوسف ورهف

خلصت كل مقاضي في يوم واحد بس واقل من ثلاث ساعات وانا مخلصة 😂😂😂

تعرفوا ايش المشكلة .. أن رمضان كله وانا كنت في السوق عشان البوث وأحيان ادخل زارا .. المشكلة ان عمري ما لمحت ولا قطعة من القطع اللي اخترتهم اليوم 😍♥️

في العادة قبل رمضان اكون مقضية وخالصة .. بس هالسنة كل شي مو راضي يمشي مثل ما أبي 😂😂😂

بس الحمدلله عدت على خير ..

والمهم ..

بعد ما خلصت ..

رجعت بيتي 😌

تروشت ترويشة العيد ولبست بجامة العيد أنا ويوسف ورهف 😍😍😍

وطبعا كان أول عيد لرهف 🥰

وعلى الفجر محمد رجع من البوث لانه خلاص سكرنا .. وتروش ولبس ثوب العيد وحضر صلاة العيد بالنيابة عننا 😍♥️

جهزنا العيال محمد مسك يوسف وانا رهف ..

وخلصنا ورحنا عند خوالي وفطرنا فطور العيد عندهم ووزعنا العيديات واستلمنا عيديات يوسف ورهف 😍♥️💵💵💵💸💸💸

وبالليل مقررين نودي يوسف ورهف الالعاب ..

وبكذا ينتهي اول يوم عيد لنا ♥️

Follow:

EBATES website Review|| ريفيو عن موقع EBATES

” Money Flows Easily to me ”

مسا الخير ..

 

موضوع اليوم مخصص لعشاق الشوبنق أونلاين مثل حالتي وعندهم الإدمان وصرف كل مافي الجيب ..

 

 

شنو أحلى من أننا نصرف فلوسنا ويرجعلنا مبلغ منها ولو جزء بسيط ..

 

أكيد بنستانس ع الآخر ..

 

 

 

اليوم رح يكون موضوعنا عن موقع EBATES

 

وهالموقع الجميل لو شريتي عن طريقة رح يرجع لك مبلغ من قيمة مشترياتك كل موقع يختلف نسبته عن الثاني

يعني نقدر نعتبره أكبر موقع يقدم لك Affiliates links

 

 

حاولت اترجم المعنى بس بجد ماعرفت ..

اللي يعرف معناها بالعربي ترجمة صحيحة يقولي ورح اعدلها

 

 

شلون يرجع لنا فلووووووووس

 

 

 

بقولكم عاد شلون

 

أول شي أكيد نبي نعرف أيش هذا الموقع ؟!!

 

 

Ebates

هو عبارة عن موقع تدخلي عن طريقة مواقع ثانية تشتري عن طريقه ..

هل هو موقع نشتري منه لاء ..

 

 

بالمختصر هو عبارة عن بائع وله نسبه عشان كذا يقولك شوفي هذا الموقع ان شريتي منه بيرجع لك مثلا ٥٪ من قيمة مشترياتك

عشان تقدري تسترجعي المبلغ لازم تدخلي الستور عن طريق موقع Ebates

 

طيب كيف يشتغل موقع Ebates ?!!

 

مثلا تدخلي موقع Monica Vinader  رح يرجعون لك 2% من قيمة مشترياتك

فلما تدخلي موقع Monica Vinader  عن طريق Ebates هذولي رح يكون لهم نسبة من قيمة مشترياتي لأنهم يعتبروا كأنهم هم دلوني على موقع Monica Vinader  وبالمقابل Ebates  رح يعطوني نسبة من النسبه حقهم لأني شريت عن طريقهم ..

 

 يعني بالعربي

أنا شريت حلق من موقع Monica Vinader  بس قبل لا أدخل على موقع مونيكا دخلت على Ebates وبحثت عن ستور مونيكا وطلع لي الرابط ضغط عليه ودخلت موقعهم ..

 

مثل ماهو مبين عليه كاش باك ٢٪ من قيمة المشتريات

**

نضغط على Shop Now


هنا يقولي مبروك بأنه على طريقي لاسترجاع ٢٪ من مشترياتي من هالموقع

هنا دخلت على الموقع واخترت الحلق اللي كنت ابيه ..


أضفت الحلق لسلة المشتريات


وتميت عملية الشراء

 

بعد ما تميت عملية الشراء بنجاح رجعت لموقع Ebates

ودخلت حسابي ولقيت المبلغ تحول ..

ممكن ياخذ وقت عبال يظهر المبلغ في حسابك 

 

بكذا بعد ما سويت علمية الشراء رجعلي من قيمة مشترياتي

طيب الحين متى اقدر استلم فلوسي ؟!!

بصفة عامة في السنة تنرسل الفلوس ٤ مرات يعني .. كل ما شريتي عن طريقهم الفلوس رح تتجمع لك في حسابك حق Ebates  وكل يوم  15 مايو / 15 أغسطس / 15 نوفمبر / 15 فبراير

 يتم تحويل الفلوس لحسابك اللي بالـ PayPal

** ** **

الحين نجي للمهم

اضغط على الرابط التالي ورح يحولك ع الموقع

سجل/سجلي فيه ورح تحصلي على ١٠$ عند اول عملية شراء عن طريقه وهم بعد أنا رح يعطيني مبلغ 🙂

Win Win

اضغط هنا

طريقة التسجيل سهلة جدا  ولو عندك حساب بقوقل أو سجلت عن طريق الفيس بوك هم بعد بتطلع أسهل و أسهل ..

تدخلي على الموقع .. اضغطي على الرابط التالي ..

اضغط هنا

بعدين بتطلع لك نافذة صغيرونه مثل هذه

اختاري الطريقة الأنسب لك .. مثل ما قلت قبل في حال ضغطي على اول خيارين بيكون سهل جدا ..

وفي حال ما عندك لا قوقل ولا فيس بوك

يصيري تضيفين ايميلك مثل الصورة الجاية ..

بحكم أن ايميلي Gmail  فأقدر اختار التسجيل عن طريق الـ Gmail

في حال ايميلك تابع لشركة ثاني اكتبيه وحطي الباسورد اللي تبيه ..

بعد ما تخلصي رح تفتح لك هالصفحة ..

وبكذا رسمي صار عندك حساب في Ebeats

طيب الحين خلصنا من الجزء الأول ..

الجزء الثاني وهو المهم نربط حسابنا حق الـ PayPal  

عشان تتحول الفلوس عليه ..

نروح على الـ Account Setting

راح ينقلنا على الصفحة هذه

هنا يصير تعبي البيانات المطلوبة وتسجلي ايميلك حق الـ PayPal  لأنه عن طريقه رح يتم تحويل المبلغ لهناك ..

تحطي/تحط  بيانات حسابك حق الـ PayPal

وبكذا يكون سجلت حسابك البنكي حق الـ PayPal

**

وهنا

صورة حسابي لم تم تحويل المبلغ على حسابي في الـ PayPal

لم تم التحويل جاتني مسج على بريدي تقولي أن جاني تحويل مبلغ من موقع
Rakuten/Ebates cash back

قبل ما أنهي التديونة حابة أشارككم أفضل المواقع اللي مدعومة من قبل هالبرنامج اللطيف ..

My Top 5 Favorite websites

My Theresa – 3% cash back

Monica Vinader – 2% cash back

Net-A-Porter – 3% cash back

Ulta Beauty – 8% cash back

ShopBop – 6% cash back

وهم بعد بزيدكم موقع الكل يحبه وهو Sephora

** **  

نقطة أخيرة

حابة أضيفها وبضرب عليها مثال في موقع سيفورا 

وهي أنه

 تقدري/تقدر تحمل البرنامج على جهازك اللابتوب أو الجوال ويصير كل ما تدخل موقع يقولك إذا مدعوم من قبلهم وبكذا يصير ما يحتاج كل مرة تدخلي علي موقعهم وتبحثي ..

بمجرد ما تدخلي أي موقع تظهر لك شاشة صغيرة مثل الصور اللي بالأسفل تنبه اذا حابة تفعلي الكاش باك ..

أضغط/ي هنا لتحميل البرنامج على جهازك 

** ** **

فوق أن سيفورا الأمريكي أسعاره ارخص من هنا فوقه بعد كاش باك 4%  من قيمة الفاتورة

ولا أحلى ..

وهذه صور سريعة كيف جاني التنبيه بعد ما حملت البرنامج في اللابتوب جاني تنبيه أن عندي 4% كاش باك من موقع سيفورا 

بحث بقوقل عن موقع سيفورا واتوقع الكل حافظة ما يحتاج بحيث
هنا لازم نختار سيفورا الأمريكي مو السعودي
هنا ظهرت الشاشة الصغيرة اللي تنبه أن فيه كاش باك لهذا الموقع
مهم هالمسج تظهر لك عشان تتأكدي أن خاصية الكاش باك مفعلة

** ** **

وبكذا يكون وصلنا لنهاية التدوينة

وإذا في أي استفسار عادي اكتبوا في التعليق ورح أوضح لكم اكثر ..

أتمنى يكون الشرح سهل لأنه بصراحة كتبته بصباح رمضان يعني بدون قهوة ومواصلة بعد ..

وهم بعد هنا شرح ثاني لنفس الموضوع  للبلوقر نورا وشرحها جدا جميل وسلس  ..

أضغط هنا

** ** **

أتمنى لكم يوم سعيد وكل عام وأنتم بخير

Follow: