Givenchy Liquid Lipsticks Review | ريفيو أرواج جيفينشي السائلة

Givenchy Liquid Lipsticks Review |  ريفيو أرواج جيفينشي السائلة

” Beauty Begins The Moment You Decide To Be Yourself “

– Coco Chanel
OnlyDalya.com

هلا بالحب والجمال 

لي فترة طويلة ما نزلت مواضيع بخصوص الريفيوهات  مع أني كثير هالفترة قاعدة اجرب منتجات كثيرة

بس الحقيقة مو حابة أكتب إلا عن الأشياء اللي أحس أنها فعلا تعجبني وماعندي مشكلة تاخذ من وقتي لأني هالفترة كثير مشغولة ويا دوب ألقى وقت حق نفسي .. 

الفترة الأخيرة كنت مخففة مشتريات بس يوم رحت وجوه وشفت الباكجنج حق أرواج جيفينشي وقعت بغرامها مع محاولات عدة لمنع نفسي من الشراء بس ما قدرت أقاوم جمالها .. 

الفترة الأخيرة كنت ومازلت طايحة بغرام ارواج النوووود ولأني دايم استهلكها بحكم أني ما أحط كثير ميك أب فقررت أني اشتريها مع أني كنت مبلغة الموظفة أني قاعدة بس اتفرج window shopping 

بس يوم شفتها ما قدرت أقاوم خصوصا درجة اللون جدا جدا جميلة .. عشقتها من أول نظرة .. المهم الموظفة استانست بأني غيرت رأي وقررت أشتري بس قلت لها أبي هذه الدرجة غيرها ما أبي .. 

وقعدت تدور تدور لين ما لقت لي الدرجة وأنا طرت من الفرحة .. وشريته ورحت على بيتي بدون ما أشيك .. وانشغلت وما فتحت الروج إلا عقب يومين بحكم الإنشغال <– ولا كأني كنت مشفوحة عليه 🙃😅

المهم فتحت الروج ولقيت الصدمة .. 

onlydalya.com

مو نفس الدرجة اللي كنت ابيها .. 

لون جريء جدا جدا جدا .. يعني أحطه لمناسبات فقط وتبددت الأحلام .. 

المهم ماعلينا رجعت لهم الفرع وكانت بصراحة الخدمة سيئة خصوصا من مديرة الفرع طلعت من عندهم وقررت أني أبدا ما أعتب عندهم ثاني مرة .. 

خرجت من عندهم ورحت لسيفورا والحمدلله لقيت أنه عندهم هالبراند الجميل .. رحت للموظفة وقلت لها الروج والدرجة .. 

طلعته لي على طول شريته .. وفتحته قدامهم عشان بس اتأكد .. تعرفوا يعني اللي اتلسع من الشربة ينفخ في الزبادي .. 🤣

المهم ما علينا من المقدمة الطويلة .. 

الباكجنج حق الروج تحفه فنية ما عندي مشكلة احتفظ بالروج حتى لو خلص .. اتوقع أن الغطا جلد أو أنه معطي إحساس الجلد ..  

onlydalya.com

المهم لا أطول عليكم وشريت اللون وهذه درجة النود اللي أحبه مناسب جدا على لون بشرتي يعني كني مو حاطة روج بس معطي لون جميل على البشرة يعني مو قالب على رمادي

النود اللي الاندر تون حقه تحسونه رايح شوي على لون بصلي اللون اللي أحبه ويعطي منظر صحي لبشرتي مو كنها مشهبة .. 

وهذه صورته .. 

onlydalya.com

وهنا سواتش للونين .. 

الأول لون النود والثاني لون الدرجة اللي جاتني بالغلط .. 

onlydalya.com

المهم استانست حدي واصبحت استخدمه دايم في طلعاتي .. حتى أنه جميل جدا وأنا مو حاطة ولا نقطة ميك أب .. 

درجة اللون جدا جميلة والفورميلا حق المنتج نفسه جدا ناعمة وتعطي احساس وشكل كأنه مخملي على الشفايف والأجمل أنه ما يحتاج تحطي محدد .. واللون ما يفش أبدا .. جميل وأتعب و أنا أقول جميل ولا بوفيه حقه .. وهم بعد يعطي إحساس بإمتلاء الشفايف وما يظهر خطوط الشفايف بالعكس يعطي كذا شكل جميل وأملس للشفاه .. 

سعره يعتبر شوي غالي بحكم أنه براند هاي إند يعني نحن ندفع حق اسم البراند اكثر من كون المنتج مكلف .. بالإضافة الباكجنج أتعب و أنا اوصف جماله .. وفوق هذا كله ملمسة على الشفايف كثير حلو ويعطي ترطيب عالي للشفايف .. 

اضغط على السعر رح يوديك لصفحة المنتج في سيفورا 

سعر الروج 184

بس مشكلته حاجة وحدة وبالنسبة لي مهمة جدا وممكن اترك الروج وما اشتريه بس ما قدرت مع هذا الروج وتعايشت مع الوضع .. 

أنه يطبع على الكوب يعني ثباته بيكون وسط بالكثير ساعتين والروج قده انمسح من الشفايف بس حتى لم يختفي يختفي بطريقة جميلة ويعطيك ملمس الشفايف المرطبة الإ إذا عندك جفاف هذا شي ثاني .. 

onlydalya.com
onlydalya.com

وبكذا وصلنا لآخر التدوينة ..

في حال أعجبكم المحتوى يهمني تشاركوني رأيكم في التعليقات .. 

وأشوفكم بموضوع جديد بإذن الله وأتمني لكم يوم سعيد 

Follow:

Vlog WK 36 Spend The Weekend with me | فلوق :اقضو الويكيند معاي + جمعة بسيطة في بيت ماما

Vlog WK 36 Spend The Weekend with me  |   فلوق :اقضو الويكيند معاي + جمعة بسيطة في بيت ماما

مرحبا .. 

في هذا الفلوق يتضمن احداث جميلة وخفيفة وهم بعد فيه جمعة عائلية ببيت الماما ..

 

لا أطول عليكم واترككم ببعض المقتطفات وكالعادة بأخر صورة اشاركم فيها برابط للفيديو ،،

في حال اعجكم محتوى قناتي فدعمكم لي بلايك والاشتراك بالقناة كثير يدعم استمرارية قناتي 

 

وهنا وصلنا لنهاية الفلوق ..

في حال اعجبكم وحابين تشوفوا الفيديو كامل 

اضغط على الصورة التالية 

 

اتمنى لكم يوم سعيد 

Follow:

Vlog – My Lovley City In October |فلوق- مدينتي الجميلة في شهر أكتوبر

Vlog – My Lovley City In October |فلوق- مدينتي الجميلة في شهر أكتوبر

“Give people time, give people space, don’t beg anyone to stay. Let them roam. What’s meant for you, will always be yours”

 

مساء الخير يا حلوين .. 

فيديو اليوم مختلف شوي عن باقي الفلوقات ..

بما أنه دخلنا شهر اكتوبر والأجواء الخريفية بدت تبان معالمها في مدينتي الجميلة فحبيت أشارككم الأجواء هذه بفلوق بسيط ولطيف وتشوفوا مدى جمال مدينتي جدة في فصل الخريف ..

 

ما رح اطول عليكم رح اعرض لكم هنا كالعادة بعض الصور وبأخر صورة بيكون رابطها تحولكم للفلوق 

 

وهنا وصلنا لأخر التدوينة وإذا حابين تشوفوا الفلوق 

اضغطوا على الصورة التالية رح تحولكم على الفلوق ..

 

Follow:

W Café & Lounge | تتوقعوا قابلت مين من اليوتيوبرز 💜

W Café & Lounge  | تتوقعوا قابلت مين من اليوتيوبرز 💜

Not all who wander are lost .. some are just looking for Coffee

اسمعوا هالأغنية وانتوا تقرأو التدوينة عشان تعيشون الأجواء

هالمرة الفلوق غير والأجواء جدا مختلفة عن كل مرة .. 

هالمرة برجعكم لأجواء الستينات والسبعينات .. 

كنت أخترت هالأغنية للفيديو بس طلع لها حقوق فأضطريت أغيرها في آخر لحظة .. 

المهم قررنا أنا وآسيا يوتيوبر تجنن بأن نتقابل ووقع الأختيار على هذا المكان الجميل ..

المهم وكان اليوم يصادف اليوم الوطني .. 

وتم اللقا وكان أجمل لقاء وتعرفنا على بعض وكنا كأننا من زمان نعرف بعض .. 

المهم المكان خرافي جدا .. 

رح آتركلكم مقتطفات للمكان ورابط الفيديو بيكون بآخر التدوينة كالعادة 

 

 

وأخيرا ..

إذا حابين تشوفوا الفيديو كامل من أحداث بيني وبين صديقتي أضغطوا على رابط الصورة التالية ..

 

أتمنى لكم مشاهدة ممتعة 

 

Follow: