Dior Fashion Show Cruise 20 | عرض أزياء ديور لـ كروز ٢٠

Dior Fashion Show Cruise 20 | عرض أزياء ديور لـ كروز ٢٠

” Fashion is the most powerful art there is “

It’s movement, design, and architecture all in one, it shows the world who we are and whe we’d like to be .. 

– Blair Woldorf.

**

مرحبا

قبل أسبوع تقريبا جاتني دعوة من ديور لحضور ايفنت خاص لكولكيشن Cruise 20

والحمدلله أني حضرت لأنه بصراحة كان من أجمل الإيفنتات اللي حضرتها ..

كثير تلفتني هالدار والحقيقة أني أعشقها ويمكن رح تلاحظوا تحيزي الواضح لها  بس ما رح تلوموني

لأنه بكل بساطة تجمع ما بين الأناقة والبساطة

Dior

غنية جدا عن التعريف وتعتبر من البراندات الفاخرة جدا

**

قبل لا ابدأ وندخل بصلب الموضوع حبيت ادخلكم الجو وأعيشكم نفس الأجواد اللي عشتها في الإيفنت

فأولاً ..

 جهزوا مشروبكم المفضل وشغلوا موسيقى جميلة

عشان تستمتعوا بمشاهدة أجمل القطع لهذه الفترة ..

عن نفسي جهزت لي هالمرة شاي بنكهة البرتقال والقرفة ..

على هذه الموسيقى

اضغط هنا

**

بالأول تم ضيافتنا بعصيرات جميلة ولذيذة

أول شي قدموه لي هو موية وشاي مغربي

www.onlydalya.com

تدرون ليه ؟!!

أنا أقولكم ليه .. مافي شي كذا .. لأن هالكوليكشن مستوحى من الستايل الأفريقي المغربي تحديدًا ..

وبعدها تم تقديم عدة مقبلات وعصيرات لذيذة جدًا ..

وأنا كان نصيبي Ginger tea with Sparkle water

www.onlydalya.com
www.onlydalya.com
www.onlydalya.com

أحم أحم خلاص راح احط لكم صور العرض لأنه أدري جايين مو عشان الأكل والمقبلات

بس بصراحة والله لذيذة وأول مرة ذقت عندهم جبنة مدري شنو اسمها بس طلعت لذيذة

كان ودي اسألهم منوا الكاترينغ حقهم حق التقديم لذاك اليوم ..

كل شي كان لذيذ وجميل وراقي ..

**

خلصت مقدمة والحين رح أعرض صور وفيديوهات للكولكشن الجميل ..

وكذا كنت مستانسة لأنه مستوحى من دولة عربية اللي هي المغرب

فكان الطابع كله مغربي أفريقي ..

من أكل ومقبلات إلى الموسيقى الخاصة بالعرض والملابس والإكسسوارت مثل ما رح تشوفوا

بالجاي ..

**

تقريبا هذا الثيم الأساسي للكولكيشن

والحين رح ابدأ بعرض صور المودلز

هذا اللوك كله على بعض قطعة جماااااال درجة لون البني جميلة جدا وهالسنة طالع ترند

أنك تلبسي لون واحد بتدرجاته يعني لون الشنطة بيج  والجاكيت لونه بني والتنورة درجة أغمق من البني والقميص

الداخلي أبيض والشوز أسود فكأنه من أفتح لون لأغمق لون ..

حبيت كثير الشال والبرنت اللي عليه جميل جدا ..

بصراحة ع الطبيعة جميل جدا خصوصا التنورة عشقتها كثير وخامة القماش جدا جدا جميلة

وهم بعد من الطبعات اللي حبيتها في هذا الكوليكشن ..

شايفين كيف الكسر اللي في التنورة تأخذ العقل بجد ..

والشنطة ماخذه قلبي حيل بس الحجم الصغير حبيتها أكثر

هذا الفستان مو أخذ قلبي إلا جاب راسي هو والشنطة اللي معه ..

عرفتوا ليه ؟!! ..

بساطة و أناقة بهالفستان مو طبيعية ماشاء الله

والمودل بصراحة بعد تفوز محليته 🙂

هالفستان يمثلني

ولا غلطة ..

أنيق جدا ..

وبهالطقم الجميل رح أنهي فيه الكوليكشن طبعا ما مداني أصور كل شي ..

بس صورت أغلب اللي عجبوني

وبعد ما أنتهى العرض أخذنا لفة في البوتيك ونشوف القطع

ما قلت لكم تصميم ساعاتهم جميلة جدا وأنيقة وأبدا ماهي عفشة بالعكس ناعمة

جداً وتحلي اليد..

هم بعد هالسنة اللون الأخضر مكتسح الساحة ..

بصراحة ما دخل بشي إلا زاده جمال فوق الجمال اللي هو فيه 

ومن ضمن الجولة قعدنا نشوف القطع والظاهر هذه من الكوليكش السابق

هنا كنت اقيس الصندل اللي أخذ قلبي لونه جميل جدا ع الطبيعة وكنت

 بصراحة محتارة بينه وبين الكلاسيك اللي هو الأزرق

المشكلة أن الأزرق بيناسب أغلب القطع اللي عندي بالبيت والأخضر جميل جدا بس

لبسي فيه رح يكون محدود

لذلك لسه ما قررت بس اقرر بسوي انبوكسنق 😜♥️

لون هالشنطة آسر جدا ..

أما تفاصيل هذه الشنطة تدخل القلب والعقل وتخرق الجيب شوي 😜♥️♥️

**

وبكذا وصلنا لأخر التدوينة اللي ما ودي أنها تخلص من كمية الجمال والأناقة اللي فيها

طبعًا هذا أول تدوينة فاشن لي في هالمدونة الجميلة

في حال أعجكم تكفون اكتبولي رأيكم في التعليقات

بحيث أنه إذا عجبكم يصير أكثر من هالمواضيع ..

وفي حال حبيتوا تشوفوا الكوليكشن فيديو تقدروا تضغطوا على الصورة الجاية

ورح تشوفوا تغطيتي على قناتي OnlyDalya

وشكرًا على وقتكم وأشوفكم في التدوينة الجاية ..

Follow:

2 Comments

  1. December 23, 2019 / 8:17 AM

    كمية التفاصيل الممتعة في تدوينك رائعة ياداليا 💜
    تحمست أشوف/أقرأ لفاشن شوز

    • onlydalya
      Author
      December 23, 2019 / 8:31 AM

      بالنسبة للتفاصيل فأنا أعيش عليها أعشقها .. بس احيان اخاف أنها تكون مملة للقارئ أو المشاهد لذلك بحاول أختصر مع شوية تفاصيل ترضي ضميري ..

      شرفتيني عزيزتي 😘♥️♥️♥️

Leave a Reply || اترك تعليق هنا

%d bloggers like this: