Pangkor Island || تدوينة رحلتي لجزيرة بانكور .. ملغمة بالصور 👌🏼😜

You were born to do more than just go to work, pay bills and die. Go and see the world”

قبل كل شي نجهز مشروبنا المفضل 

وشغلوا الموسيقى تحت عشان تدخلون الجو اكثر 

 

 

على نهاية سنة ٢٠١٧ وبالنسبة لنا أنا ومحمد كانت سنة كبيسة فقررنا نكافئ نفسنا بسفرة جميلة والهدف الاستجمام يعني ما نبي نطلع من المنتجع ولا نتعب نفسنا كل شي نبيه يكون في المنتجع ان طلعنا يكون لشي بسيط ونرجع ..

 

 

 

وكانت الوجهه لليونان تحديدا سانتوريني .. واخترنا الموقع وكل شي مشي تمام إلى وقت الدفع .. وكل ما نحاول ندفع في شي يطلع في النهاية اكتشفنا عشان يسوفي الجميل كان عمره صغير والمنتجع ما يقبل أطفال ..

 

 

 

فكل شي راااااااااح ما يقبلوا إلا بعمر ١٤ سنة وفوق اقل من كذا سوري ووقتها يوسف عمره ٨ شهور .. يعني انسي .. 

 

 

 

ومهما بحثنا عن منتجعات مثل اللي شفناه مافي تخيلت نفسي وانا قاعدة فيه خلاص فنبي شي بنفس المستوى وكان بصراحة شي خرافي من الأخر .. بس للأسف ما ضبط حتى الأقل منه ما يقبلوا أطفال ..

 

 

 

 

فقررنا نشوف جزر ثانية ووقع الاختيار على هذا المنتجع الجميل .. برغم أني طفشت من ماليزيا بس هالمنتجع خلاني اغير رأيي فيه .. والحمدلله محمد سوى البحث حقه بحيث أنه يتأكد من أن المكان مو مقلب .. وكل الأمور مشت في السليم ..

 

 

 

 

كانت السفرة أسبوع كوالالمبور وبعدها خمس أيام في هذه المنتجع الجميل وبعدها نرجع على كوالالمبور تقريبا أسبوع وكم يوم ..

 

 

 

الوصول للجزيرة كان هناك كذا طريقة منها كان ..

طيارة شراعية .. ومع الأجواء كان صعب .. لأنه مطر وهوا ..

 

 

 

فقررنا نحرك بسيارة خاصة وبعدين وصلنا لأقرب منطقة لهالجزيرة وبعدين من هذه المنطقة للجزيرة نفسها ركبنا بوت..

 

 

 

الجزيرة بكبرها عبارة عن منتجع واحد بس ..أو هالمنتجع ماخذ الجزيرة كاملة ..

هالجزيرة اسمها Pangkor

قضينا فيها أجمل خمس أيام .. استمتعت بكل لحظة جميلة ..

وهنا مجموعة صور للمطعم والاستقبال في الفترة المسائية .. 

بجد المكان تحفه فنية .. 

من أجمل الطقوس كتابة مذكرات السفر ..

متعة حقيقية ..

وهنا رح احط مجموعة صور لشاطىء السباحة 

وهنا مجموعة صور للفيلا اللي أخذناها وهي فيلا على البحر لشخصين في اكبر لعدد اكبر من الأفراد ..

 

مع أن محمد كان وده ياخذ اللي بوسط البحر بس أنا عندي رعب من الأسماك وأخاف من العصافير والطيور والحشرات فكان أسلم قرار أنا ناخذ فيلا على الشاطىء

من أكثر الأشياء اللي حبيتها اهتمامهم بالتفاصيل ونوعية البراند اللي حاطينها .. 

بالإضافة استانست حيل أنهم حاطين ملح البحر عشان تحطينه في الجاكوزي وتستمتعي .. 

غير الورد اللي يستقبلونك فيه .. والجميل اكثر أن العامل اللي يجي ينظف لك الفيلا خلاص يظل معكم كل يوم ينظف وبأي وقت تبين مو يتغير وما تعرفي مين اللي نظف الغرفة .. 

العاملة يوم شافتني مدمنة قهوة صارت تجيب لي كبسولات قهوة وكل يوم تشكلي وتحطلي ورد وحماس .. غير كذا يوسف كثير حبها .. واصبح لم تجي ينتظرها عن الباب لذلك يوم رحنا السبا طلبنا من المنتجع أنها تكون هي اللي تمسكه وتظل بالفيلا ونعطيها بالساعة كبيبي ستر .. فعلا .. 

كانت من أجمل لحظات عمري ولو أني كنت كثير متوترة لأني أول مرة اترك يوسف بروحه فتخيلوا أول ما نزلنا بالليل عشان موعدنا قعدت ربع ساعة انتظر برا اشوف يوسف يبكي أو لاء ولأنه كله قزاز يبين كل شي لقيت يوسف يلعب معها وخلاص بينام ..

ويوم رجعنا لقينا يوسف نايم ياعمري ويوم درت أنه لسا ما تعشينا قالت لنا روحوا تعشوا ولا تخافوا أنا اعرف اتعامل مع الأطفال ما شاء الله عندها خمسة أطفال ومسلمة .. وهالشي ريحني كثير .. ورجعنا كملنا عشا .. وشكرناها وهم بعد مدحناها قدام الإدارة عندها وكذا .. المهم ضبطناها لأنها بجد تعرف تتعامل مع الأطفال ماشاء الله عليها وشغلها نظيف حيل ما شاء الله .. 

وبس والله بكذا وصلت لنهاية التدوينة ورح احط لكم رابط الفيديو عشان إذا حبيتوا تشوفوا على الطبيعة وللمعلومية الفيديو ما حطيت فلاتر يعني بتشوفوا الألوان على اصولها .. وبصراحة الطبيعة أجمل بمراحل من الصور والفيديو .. 

لمشاهدة الفيديو الرجاء الضغط على الصورة التالية..