أحلام يقظة ..

أحلام يقظة ..

هذه الايام اللي اقضيها مدري كيف أصنفها .. اغلب الوقت فاضية بس مشغولة بنفس الوقت .. يعني ماسوي شي كعمل الا تلبية طلبات حبايب قلبي يوسف ورهف .. 

هذه الفترة احسها فترة جدا حساسة ومهمة في حياتهم .. شخصياتهم قاعدة تتشكل يوسف بدأت تظهر ملامح شخصيته .. واسلوبه بدا يبين ..رهوفة حبيبة قلبي هم بعد صحيح تقلد اخوها بكل شي بس هم بعد احيانتفرض رايها عليه 🤪♥️

احيان كثير اتضايق أن فعليًا ما اسوي شي غير طبخ وتنظيف وتلبية احتياجات الحلوين .. يعني اشياء روتينية ما احبها .. شغل البيت كله ما احبه ولا استمتع فيه .. على عكس التصوير والتدوين والبزنس طبعا اكثر شي اشتقت له .. اجتماعات العمل والتحدث مع بالغين .. 

لكن كل ما تذكرت يوسف ورهف يوم فجاة ينادوني  ماما وما يسكتوا لين اقول نعم .. 

يردون علي ماما أحبك ..

وفجاة يباغتني حضن جميل ولذيذ ..

بجد هذه اللحظات لا تعوض..

الحين قاعدة اكتب هاللحظات و اوثقها تقريبا والفجر يأذن وكنت شوي منفسة لأَنِّي ما كتبت تدوينة ببالي ودي اسويها وما بديت حتى فيها 🤪

فقلت متى الحين بيمديني ..

بس فجاة تخيلت حياتي بدون يوسف ورهفحسّيت انه لاء مو لازم .. هم اولى وحسيت اني مقصرة معهم الفترة الاخيرة بتواجدي معهم .. 

وانا قاعدة اكتب الحين ودي اقوم واحضن كل واحد فيهم .. بس ادري لوسويت بندم .. فبتعود من ابليس ولاحقة على حضنهم ♥️♥️♥️♥️♥️

تواجدي العقلي وليس الجسدي .. 

يعني احيان اكون معهم وببالي مليون حاجة فما العب معهم .. اليوم قررت اني اقضيه كله معهم واترك ذكريات جميلة معهم وناوية اوثقها بالصور ..

بالأخير الحمدلله كان بداية اليوم جميلة .. وكنت مهيئة نفسيًا وأول ما صحيو فليناها بعدها رهوفة نامت وظليت أنا ويوسفي الجميل .. عاد هو يحب الإهتمام الله يحفظه قالي ماما صوريني .. ف

فقلت له ابشر ما طلبت شي .. عاد أنا استانست وقمت صورته  صور كثيرة وفيديو بس حبيت أشارك صور بسيطة له كتوثيق لليوم الجميل .. 

**

واصبح وقتي الخاص

اللي اقضيه عشان اشحن طاقتي من بعد الساعة ١٢ الصبح يبدأ حق ساعة ساعتين بالكثير بحكم أن طول اليوم أكون صاحية فمحا اقدر اكمل اكثر .. أو أني أنام معهم وأصحى على بعد الساعة ١٢ وبكذا يصير اقدر اسهر شوي بحيث أني اخلص الأمور المعقلة بالنسبة للبزنس واقدر افر فر شوي باليوتيوب والبلوق وكذا .. 

**  

وبكذا وصلنا لنهاية التدوينة وبالأسفل صور يوسفي وهو مستانس يفطر ويتفرج افلامه وأنا جهزت قهوتي وظليت أصوره وقضينا وقت ممتع وجميل سوا .. 

Follow:

Leave a Reply || اترك تعليق هنا

%d bloggers like this: