” Invest in your hair, it is the Crown you Never Take Off “
” A women who cut her Hair is about to change her Life” – COCO CHANEL
صباح / مسا الخير ..
ببداية ٢٠١٨ حبيت اسوي تغيير جذري للوك تبعي ..وبعد مشاورات أنا وأخواتي العزيزات
تم الاتفاق على هذا الصالون اللي هو..
Jean Louis David Beauty Salon
السبب في أني الأن كتبت عن الموضوع لأنه بصراحة
الحقيقة الأولى توي فضيت بالإضافة بعد ما رحت لهم سافرت على طول
وثانيًا حبيت أخذ وقتي عشان أشوف كيف مستوى الخدمة بعد هذه الفترة لأني سويت عندهم تريتمنت للشعر
وحبيت اشوف بعد كم رح يبدأ يخف وكذا ..
في هذا البوست رح أغطي الجوانب التالية:
موقع الصالون
جودة الخدمة
الأسعار
العروض
Hospitably – الضيافة
اللاونج
The Cleanness نظافة المكان والأدوات –
** ** **
نجي نتكلم على أول نقطة موقع الصالون
طبعًا هو بجدة على شارع الملك في برج الشاشة
الموقع جداً جميل اللي صدمني شوي أنه لم ادخل من المبنى واضغط على الدور حق الصالون
حسيت أني تهت شوي لم وصلت الدور وانفتح لي المصعد على جهة مواقف سيارات
بس بعدها لقيت مدخل الصالون ودخلت ..
بالأسفل صور مدخل برج الشاشة ..
طلعت الدور الثاني ومنها للمصعد عشان اقدر اطلع للصالون ..
الصالون عبارة عن دورين ..
هنا جهة المواقف وهذا مدخل الصالون أول ما تخرجي من المصعد
على يسارك بتلقي هذا المدخل ..
بعد ما تدخلي تلقي مدخل ثاني وهو عبارة عن جدار ثاني كبير ديكور مكتوب عليه اسم الصالون بحيث أنه يغطي مدخل البوابة من الكشف على داخل الصالون وبصراحه شكله أنيق ..
بعد كذا تدخلي على الريسبشن وهم بخدمتك بنات سعوديات جميلات البسمة مرسومة على وجييهم
للآن افتكر البنت اللي اتسقبلتني بابتسامتها وخدمتها كانت ذوووق جدا ..
وهالشي خلاني أحس أني داخله بيتي ومرحب بي ..
استفسرت عن الخدمات وطلبت أني اقص شعري واسوي التريتمنت حق الشعر
بعد كذا توجهت لجهة غسل الشعر .. ما أوصفلكم شكثر احب لم أحد يسوي لي مساج بشعري ..
أي لم غسلت لي شعري سوت لي شوية مساج لفروة راسي وهالشي كثير حبيته ..
واللي عجبني أن كل موظفينهم مبتسمين ..
بعدين رحت للأخصائية سميرة عشان تقص لي شعري ..
بصراحة يدها جدا جميلة في القص وتعطيك نصايح إذا هالقصة تناسب وجهك ستايلك ولا لاء
إن شاء الله دايم عندها ..
ولازم ندلع نفسنا شوي ونشرب قهوة ..
ولأنه كانت الفترة المسائية و نهاية الدوام ما مداني اسوي التريتمنت بنفس اليوم
فقالت لي انا الحين قصيت لك بكرة لم تجي عشان تسوي التريتمنت و تخلصي مريني عشان اخلص لك القصة كاملة ..
وشوفي اذا حابة تقصري كمان زيادة ما عندي مشكلة
لان وقتها كان شعري طويل وقصيته قصير عند كتوفي وشوي اقصر ..
من قدام طويل شوي ومن ورا اقصر ..
تقريبا كان شعري بهذا الطول ولكن طول واحد بدون تدرج وبدون صبغة وكانت الفكرة إما أني اقص شعري مثل الصورة الأولى على اليسار للشعر القصير من ورا وطويل من قدام أو اللي مثل الصورة اللي باليمين يكون طويل..
يعني بس قص اطراف وكذا ..
بالأخير .. توكلت على الله وقصيت شعري قصير ،،
مثل هذه القصة ..

صورة من النت تمثل قصة الشعر اللي أخترت أقص مثلها
** ** **
بالأخير توكلت على الله و قصيت قصير
كتغيير للنفسية وكل شي ..
** ** **
جا ثاني يوم ورحت لهم الظهر
واستقبلتني اخصائية الشعر وهي الأخت ريم متخصصة بعلاجات الشعر..
قلت لها شنو ابي واقترحت لي علاجين وتوكلت على الله وسويته
كان العلاج ما بين الكولاجين و اوقا فلر بروتين
فأخترت الثاني ..
** ** **
عن نفسي كان اختيار موفق بالنسبة لي .. تقريبا بتقرب السنة ومازال التريتمنت في شعري حتى لم بدأ
يروح صاير شعري ويفي مستشور وهالشي عاجبني كثير ..
أفكر اسويه بعد ما أولد بإذن الواحد الأحد ..
بس حاليا فكرة القص قاعدة تلعب براسي وناوية عليها ..
** ** **
طبعًا الشغل جدا متقن وأخذ منها يوم كامل ..
سويت التريتمنت على شعري ونزلت الكفتريا اشرب قهوة وافطر عبال ما الوقت يمشي شوي
المكان جدًا مرتب ..
والحلو بعد أنه ممكن يطلعوه لك فوق تاكلي وهم يشتغلوا على شعرك عشان لا تتأخري ..
بعد ما نسفت الأكل 😅🤣 مبين علي شكثر جيعانه صح 🙂
بس الأجواء رايقة جدا والمسيقى جميلة ..
لوهله حسيت روحي بكفي موب صالون وهالشي عجبني كثير..
- مبين شكثر أنا جيعانا
- فطوري/ غداي المتواضع
- ممر يطل على اللاونج
- شكل اللاونج بداخل الصالون
واكثر شي حبيته أنه مو زحمه وواسع المكان ..
** ** **
كان ودي اصور اكثر وبعد ودي اصور فيديو بس لأني مو مستاذنه منهم ما حبيت ولا الود ودي اوثق تجربتي بفيديوا واحطه بقناتي .. ولكن يوم ما ..
** ** **
عقب ما خلصت نادتني عشان تشيك على شعري وتشوف اذا جاهز عشان تستشور شعري ..
رجعت لمكاني وشيكت على شعري وكان جاهز ..
غسلت شعري وشوية مساج بعدها نزلت تحت عشان البنات يستشوروا شعري ويسون لي الإلستريتنر ..
طبعًا الاستشوارالإلستريتنر نزلوني تحت بغرفة خاصة بروحي
وسويت الاستشوار و الإلستريتنر هناك ..
وكان ثنتين فوق راسي عشان يخلصوا بسرعة ..
** ** **
عقب ما خلصوا طلعت فوق ثاني عشان تشيك على شعري
أنا توقعت أنها بتقولي نعيما وخلصنا ..
قامت طلبت من الموظفة المختصة تغسل شعري ثاني وتشيك عليه عقب الغسيل
رحت لها وطلع في منطقة بالأسفل يعني العلاج مسك فيها شوي بس مو مثل الباقي ..
عادت علي التريتمنت وجلست تقريبا ساعتين ثانيين نفس الآلية غسلت شعري
ونزلت تحت بالغرفة الخاصة وسولي الاستشوار و الإلستريتنر مرة ثانية ..
وطلعت لها عشان تشوف شعري إذا خلاص ولا يحتاج شي ثاني ..

أعيشكم الجو معي وأصور الدرج وأنا طالعة ونازلة 😂
المهم ..
غسلت شعري ثالث مرة واعطته بالهوا وتأكدت من باقي شعري أن كله مضبوط
بعدها قالت لي نعيما 🙂
بصراحة النتيجة كانت جدا جدا مرضية حبيتها كثير ..
** ** **
بعد ما خلصت من التريتمنت رجعت لأخصائية الشعر عشان تشوف القصة مرة ثانية إذا تحتاج تقصير وتعديل ..
رحت عند سميرا ..
وجلست على الكرسي وكملت قص وخلصت ..
وبكذا انتهت تجربتي من صالون جون لويس ديفيد وكانت من أحلى الأوقات اللي قضيتها وتعاملهم جدًا راقي ..
** ** **
بالنسبة للأسعار تعتبر شوي مرتفعة ..
قص الشعر كان ٢٥٠
والتريتمنت للشعر اللقصير كان بـ ٢٠٠٠ ريال
والشامبوا والبلسم والسيروم في حدود الـ ٤٠٠ ريال أو أقل شوي ..
طبعًا أنا اشوفها أسعار عالية إذا بنقارن بالخارج ..
لكن إذا بنقارن بصوالين جدة فأنا أشوفه مقابل جودة الخدمة ممتاز
والمكان جدا جدا نظيف والأدوات نظيفة ومعقمة .. حتى الديكور متعوب عليه والنظافة مستمرة
ما شفت شي أقول عليه لو سوا كذا كان أفضل وفوقه موظفاتهم يفتحوا النفس مبتسمين دائمًا
ولبسهم موحد ونظيف ومرتب ..
وهم بعد موقعهم في طريق الملك في برج الشاشة يعني المكان جدا جدا راقي
المهم ..
حاسبتهم ونزلت تحت الكوفي شوب اللي ببرج الشاشة اسمه
Bert’s
بالنسبة للعروض دايم يسوا عروض جميلة مع كل مناسبة بالإضافة إذا دفعت عن طريق بطاقة البنك الأهلي أو فيزا البنك الأهلي تحصلي على خصم ١٠٪ من قيمة الفاتورة
هم بعد تابعي حسابهم دايم يسوا عروض للعرايس والمتخرجين وكذا ..
** ** **
عشان أروق شوي من صوت الاستشوار
وانتظر اخوي يجي ياخذني وارجع للبيت ..
المهم وجا أخوي ونزلت عشان أروح لبيت الماما وأشوف يوسف لأنه مو دايم ابعد عنه طول هالوقت ..
وبكذا انتهى يومي الجميل في هذا المكان الأكثر من رائع ..
وفي الختام .. اتمنى لكم وقت ممتع ..
وشاركوني رأيكم بالموضوع أو حتى تجاربكم مع الصوالين .. 😍