5 Things in January 2020 | خمس أشياء في يناير ٢٠٢٠

5 Things in January 2020 | خمس أشياء في يناير ٢٠٢٠

” Change your thoughts and you’ll change your  world “

من أهم الأمور اللي ناوية أركز عليها هالسنة هو مدونتي الجميلة برغم إهمالي

الشديد لها بسنة ٢٠١٩ إلا أنها أعطتني الكثير ..

 

 

*هالتدوينة المفروض أنها تشوف النور كل ٥ الشهر من كل شهري اجنبي بس للأسف الظروف كانت ضدي

 

لذلك قررت ابدأ سلسلة شهرية بمدونتي أذكر فيها أهم خمس أشياء أدخلت

السعادة لقلبي أو أنها أضافت لي إضافة حلوة لكل شهر

 

والمهم قيمتها الروحية والنفسية بالنسبة لي ..

وبكذا أتمنى أنها تنال على اعجابكم وتستانسوا فيها ..

 

**

 

وبما أننا ببداية السنة فرح أذكر أهم خمس أمور صارت لي وادخلت السعادة

 

بقلبي أو تجارب مريت فيها وتعلمت منها في شهر جانيوري ٢٠٢٠

 

 

أولاً : يوم ميلادي

 

دايم كل بداية سنة تكون بدايات لأشياء كثير .. ميزة أن يكون يوم ميلادك هو يوم رأس السنة .. وهو بداية سنة جديدة ..

 

فيحمس أكثر برغم أنه هالسنة كان ميلادي بعيد عن محمد وأهلي الإ أني قضيته هم بعد مع عيلتي الثانية ويوسف ورهف ..

 

كان بسيط ورايق عبارة عن كوب قهوة دافي مع أجواء شتوية وناس فعلا تحبك ..

 

Holding My Morning Coffee In Cold Weather .. 
Coffee , Morning Coffee, قهوة الصباح 
, cozy
Holding My Morning Coffee In Cold Weather ..

 

السفر دايم أحسه يصقل شخصية الأنسان .. لأنه يكون بمكان خارج عن المكان اللي متعود عليه حتى الناس اللي حولة فممكن بعد يكونوا من غير ناطقي اللغة نفسها ولا نفس العادات وكذا .. فالسفر أحسه يوسع مدارك الشخص ويكون أكثر وعي للتفاصيل الصغيرة ..

 

ولأني من عشاق السفر بكل أنواعه .. فرح أتكلم عن سفرتي لمصر..

 

سفرتي لمصر صحيح كنت مسافرة من ٢٥ديسمبر ٢٠١٩ بس الرجعة كانت ٢٤ جانيوري ٢٠٢٠ لذلك أغلب شهر جانيوري مقضيته بمصر فا كتوثيق لذكريات جميلة وعشت تجربة جميلة ومرعبة شوي من ناحية السفر بروحي مع يوسف ورهف ..

 

A baby boy holding his car toy , طفل يحمس لعبة سيارة بداخل الطائرة
Yousef in the airplane holding his Car toy
a baby girl stand beside airplane window watching the clouds , طفلة تشاهد السحب من نافذة الطيارة
Rahaf Stand beside the window watching the clouds

 

هالسفرة علمتني شلون أكون أقوى وصبورة حيل خصوصا أن سفرتي هذه مع يوسف ورهف بدون محمد فكان كل الضغط حسيته علي ..

 

يوسف عمره سنتين ونص ورهف توها كملت عامها الأول .. يعني من الأخرة ربوني صح 🙂

 

شلون اتعامل معهم في المطار وفي الطيارة وكيف اتعامل معهم في فترة سفري خصوصا أن الفترة طويلة ما كانت قصيرة أبداً .. أحس أحيان كثير كان ودي بس طبعًا كنت اسكت وابتسم .. وأقول مشي .. مشي ..

 

هي تجربة صقلتني وقوتني كثير .. بس هل رح اكررها قريبا .. طبعًا لاء ..

 

Baby Boy and Girl  watching
Me & My Yousef & Rahaf ..
boy and a girl playing together
Yousef & Rahaf Playing Togather ..

 

يا نسافر كلنا يا نقعد كلنا .. أما حكاية أني اسافر أنا مع يوسف ورهف بروحنا بدون محمد لاء لأني كنت احتاج فترات أني ارمي يوسف مع ابوه وانسى وضعه أو رهف بس مدري ..

 

 

This Lovely View From Airplane window ..Leaving Jeddah heading to Cairo

 

ثالثًا : التأمل

 

 

التأمل من الطقوس المهمة بالنسبة لي .. والفترة الماضية ما كنت ابدا اقدر القى وقت لهالشي..  لذلك لم جيت مصر وبصراحة بلكونة بيت عمي جدا جدا جميلة ..

 

ومع الأجواء الشتوية كنت استمتع كثير أصحى الصبح بدري وأجهز  قهوتي أو الهوتشوكلت وأقعد هناك بالساعة والساعتين اتأمل السماء واستمتع بأصوات الناس وهي رايحة للدوامات ..

 

 

Cairo in the early morning .. القاهرة في بداية اليوم
Cairo From My Uncil Balcony view ..
holding my starburst's coffee in the balcony
Drink My Starbucks Coffee in the Balcony in Cairo watching the Sunset ..
Cairo in this day was so cloudy and barely can see the sun ..

وكنا أوقات نشهد نزول المطر ويكون الجو خرافي ..

وأحيان إذا يوسف ورهف كانوا نايمين قبل المغرب فأحب استمتع

بمشاهدة غروب الشمس ..

Clouds View From My Balcony Cairo 2020
Cairo2020 .. Sunset View from the Balcony
Clouds View From My Balcony Cairo 2020
Cairo 2020 .. Sunset View from the Balcony

 

 

ثالثًا : التدوين

 

 

التدوين بصراحة من سنين من الأمور الأساسية بحياتي بس أحيان استمر وأحيان أنقطع عنه فترة .. ولأن لي طقوس معينة في التدوين كثير مرات ودي أكتب بس ما أقدر .. يعني مثلا ما أقدر اكتب بدون كوب قهوتي بجنبي .. وما أحب أدون من جهاز الجوال ..

 

 

Apple Mac Book Pro on my cozy bed with my hot drink ..
I Always like to have a cozy place to write my blog ..

 

مدري أحسني أني شوي معقدة من ناحية التدوين بس هالسنة غير نويت أني اتغير شوي وأكون أكثر مرونة لذلك واستمر بالتدوين لو أيش يصير لذلك أدخلت الكتابة في الأجندة الخاصة فيني فأصبحت فعلا تعطيني شعور لذيذ ..

 

My LV Agenda and World Map, Planner , Plan, Map
My LV Agenda and World Map

 

اكتب رؤوس أقلام بالنسبة للموضوع .. وبعدين خصصت قسم في الأجندة خاص بالتدوين يصير اكتب فيه كل المواضيع اللي ودي اكتبها في حال عجزت اقعد على مكتبي وأكتب .. وبصراحة كان من أجمل القرارات ..

 

لأني لاحظت أني في خلال شهر كتبت اكثر من ثلاث مواضيع اثنين نزلتهم خلاص وواحد قاعدة اكتبه الحين غير أني لو خلصته رح ابدأ في اللي بعده ..

 

 

رابعًا : مشترياتي

 

مشترياتي من Megan Hess

 

Megen Hess Boxes From My First Purchases..
Megen Hess Boxes From My First Purchases..

 

Travel Mug

 

My SMEG Coffee Maker and Megan Hess Travel Mug
Megan Hess Travel Mug
My Desk Place and Megan Hess Travel Mug , كوب ميقان هيس على مكتبي
My Office & Megan Hess Travel Mug

 

المق عبارة عن تحفه فنية .. ابدعت في الرسم ماشاء لله تبارك الرحمن .. وبصراحة اللي يتابعني بانستغرام

 

رح يعرف شكثر عشقته غثيتهم فيه بالستوريز تقريبا شبه يوميًا أشرب فيه ..

 

 

واللي خلاني أعشقه ويكون عندي ولاء لهالبراند الجميل أنه لم سويت فيه قهوتي كانت الموية حارة جدًا وبيتي بارد فكان المق بارد

 

ولأنه برسلان صار فيه شرخ فتواصلت مع البراند وشرحولي كل شي وعوضني بواحد ثاني جايني بالطريق ..

 

 

آه بجد أتمنى القى خدمة عملاء مثل الغرب ..

 

Megan Hess Travel Mug & Her book about the Fashion House, my Apple AirPods
Megan Hess Travel Mug & Her book about the Fashion House

 

 

 

المهم أنا حاليا بقمة سعادتي .. وناوية اطق لي كم واحد كمان ..

 

 

الشي الثاني اللي شريته من هالبراند الجميل وهو

كتاب يتكلم عن الـ Fashion House

 

 

جدا جدا جميل أتعب وأنا أقول رائع

Flower and Book Fashion House for Megan Hess
Megan Hess Book Fashion House

 

الأكيد أني رح أشتري باقي كتبها وبعض لوحاتها أزين فيها جدران بيتي ..

 

My Morning Coffee & Megan Hess Book for Fashion House
My Morning Coffee & Megan Hess Book for Fashion House

شايفين شكثر مطلعة ابداعاتي فيه وصاير رفيقي مع قهوتي كل صباح ..

 

**

مشترياتي من نون

 

حصلت على كوبون بـ ٥٠٠ ريال شريت فيه من نون سماعتي الاير بود

 

My Apple AirPods
My Apple AirPods
My Morning Coffee and iPhone xs and AirPods
My iPhone and AirPods

وهذه السماعة كنت احسب أنها مجرد اكسسوار مارح تغير شي بحياتي ..

 

لكن حسيت بصراحة بندم أني ما ادخلتها بدري في حياتي لأنها سهلت علي حياتي

وحسيت بخفة وأنا لابستها ..

 

 

**

 

الـ Dressing Gown  من OYSHO

My Dressing Gown from OYSHO

أنا إنسانه أعشق روب البيت أحسه من أهم الأساسيات عندي .. ولازم يكون شكله مرتب

لأنه ماعندي مشكله استقبل فيه بعد

 

هالبراند OYSHO

مرررة أعشقه أحسه مرتب وأنيق وأغلب منتجاته ذات جودة عالية

 

 

خامسًا : رجعتي للوطن لبيتي ولمامتي ..

 

الحمدلله أن لنا وطنًا نعود إليه ..

 

 هالمقولة كنت دايم أشوف ولاء هارت تكتبها دايم لم ترجع من سفرة .. وكنت دايم استشعرها بس هالمرة غير .. حسيت فيها بقوة .. يمكن لأن محمد مو معي وحسيت شوي بضياع والسفرة كانت طويلة جدا بصراحة أول مرة أغيب عن بيتي وعن محمد هالمدة

 

وخصوصا أن حاليًا وأنا بمصر قرر يسوي شوي تغيررات بالبيت وتحمست بصراحة أني أكون معاه وقاعدين نغير ديكور الصالة من بوية واثاث مو شي كبير بس تغيير بسيط رح يفرق ويضيف أثر جميل في حياتنا اليومية ..

 

و أكثر شي اسعدني يوم رجعت للوطن هو حضن ماما وجلستي معاها .. فبعد طول هالمدة قررت أزور واحد من أجمل الكفيهات اللي تمنيت ازوره من قبل وشريت قهوة لي ولماما عشان نكيف ونسولف مضبوط .. وبصراحة كانت القهوة مضبوطة مرة .. ولي زيارة ثانية له برواق ..

 

 

اسم الكافيه Hideout

Hideout Cafe
Hideout Cafe
Hideout Cafe
Hideout Cafe

وهذه قهوتنا الجميلة مع أجمل قرص عقيلي من يد الماما .. 

Hideout Coffee With Mama Hand Made Cake ، قرص عقيلي وقهوة
Hideout Coffee With Mama Hand Made Cake

 

بالأخير هذه الأحداث صادف وأني وثقتها بقناتي بفيديو فإذا حابين تشوفوا وهم بعد تشوفوا بعض التمشيات وكيف اقضي أيامي بمصر

أضغط على الصورة الجاية وبتوديك ع الفيديو ..

 

أتمنى لكم مشاهدة ممتعة

My Youtube Channel OnlyDalya

 

وأشوفكم  بتدوينة الشهر الجاي ..

 

Follow:

The Black Friday & Shoptagr |الجمعة السوداء وتطبيق الشوبتاقر

The Black Friday & Shoptagr |الجمعة السوداء وتطبيق الشوبتاقر

” Shopping is never bad idea”

يعني التسوق أبدا ماهو فكرة سيئة ..

خصوصًا إذا كان التسوق بذكاء ..

 

اليوم حبيت أتكلم واكتب عن هذا الموضوع لأنه مهم جدا من وجهة نظري المتواضعة .. خصوصًا بأن هالفترة الأغلب إن ما كان الكل توجه للتسوق أونلاين لمميزات كثيرة من أهمها فرق الأسعار جدا كبير .. اختصار للوقت هم بعد توفر ماركات غير موجودة في السوق المحلي ..

 

 

بالإضافة أصبح حتى الشركات المحلية توجهها للسوق الإلكتروني وبقوة مثل زارا و H&M  ومانجو ماسيمو دوتي والكثير الكثير من البراندات بدأ توجهها للأونلاين .. لأنه بصراحة العميل اصبح أكثر وعي ومتطلب ..

 

 

لذلك إذا كنت من محبي التسوق الإلكتروني وماعندك هالبرنامج / التطبيق فلا تضيعين وقت اكثر وحمليه وابدأي استمتعي  بالتسوق الذكي ..

 

 

كثير قطع نشوفها ومثلا اللي مخلينا نوقف نشتريها مثلا سعرها المبالغ فيها من وجهة نظرنا أو ننتظر التخفيض وكذا ..

 

 

خصوصا أن الأغلب الحين يسوي لست خاصة بالبلاك فرايدي و الـ Cyber Monday 

  .. لأنه يصير خصومات عالية جدا في هذه الفترة ..

 

 

التاجر يصرف بضاعته والعميل يشتري بسعر مغري .. يعني أشوفها wine wine

 

وقبل لا أدخل بصلب الموضوع جهزوا لكم مشروبكم المفضل ويالله نبدأ 

 

www.onlydalya.com

 

 

فلا أطول عليك اكثر اسم البرنامج

Shoptagr

هالبرنامج الجبار والرائع والكلمتين هذه قليلة جدا في حقه ..

 

من مميزاته أنه اذا في قطعة عاجبتك أو مخلصة Sold Out  وودك تاخذيها بس مو عارفة متى تتوفر أو أن هالقطعة على طول تخلص يعني ما يمديك تشتريها .. يعطيك تنبيه على القطعة بأنها توفرت بمقاسك مثلا أو أنه صار عليها تخفيض .. لأنه كثير أحيان ننتظر التخفيض ومع الانشغال ننسى نشيك ويروح علينا ..

هالبرنامج أعتبره صديقي الصدوق اللي يقولي على التخفيضات أو توفر القطع اللي دايم تكون Sold Out  وينقذني واشتريها قبل لا تصير سولد أوت ..

 

رابط التحميل ..   https://www.shoptagr.com/get_the_button

وهم بعد في منه تطبيق خاص بالجوال 

خطوات تحميل التطيبق هي جدا سهلة ولكن نحطها كمساعدة للي محتاج 🙂 

 

نكتب اسم البرنامج في قوقل
رح يظهر لنا بهذا الشكل نضغط على كلمة Shoptagr
التطبيق مجاني وتضغط على الأيقونة الزرقة وتحملي التطبيق
يعطيك خيارين في التسجيل .. وهالشي اشوفه ميزة حلوة إما انك تسجلي عن طريق حساباتك في السوشيال ميديا أو ببريدك
أنا أخترت بريدي الإلكتروني
لم تجيك هالصفحة معناه كل شي تمام ..
وبكذا تم تحميل التطبيق في الجهاز وفتحنا حساب فيه

 

والحين بوريكم شلون نستخدمه بجد ما في اسهل منه 

ويدعم كثير الكثير من المواقع العالمية سواء كانت براندات هاي إند أو هاي ستريت وحتى مواقع عادية مثل ASOS , Nordstorm , Amazon, Forever 21 … 

هنا فتحت موقع Nordstorm

 

اول ما تفتحي أي موقع والبرنامج يدعمه رح تظهر لك ايقونة زرقا على جهة اليمين في الأعلى تضغطيها وتختاري اللي تبيه


أنا هنا اخترت المقاس واللون ومتى ينبهني لم يصير عليها تخفيض 50%

 

Et Voila 

وبكذا خلصنا اضافت أول منتج للقائمة ومن مميزات التطبيق أنه تقدري تسوي كذا قائمة بالتفصيل مثلا فساتين، شنط، جزم، ادوات منزلية … وبكذا يكون منظم وسهل البحث و الوصول  للمنتج .. 

ومن أهم المميزات اللي فيه هم بعد عند مرحلة الدفع قبل لا تتم عملية الدفع يبحث لك عن كوبوانات وقسائم ممكن تكون متوفرة لك بالإضافة للخصم اللي صاير من العروض يعني أحلى من كذا مارح تلقي أبدًا مريح جدا وجميل وسهل والأجمل بعد أنهم وفروا منه تطبيق للجوال ولا قبل ماكان موجود .. 

 

والحين رح اترككم مع أغلب اختياراتي من المواقع اللي أحب استخدم فيها هذا التطبيق ..

 

 

مثل ما أنتوا شايفين مدعوم من قبل أجمل موقع أحبه وهو فارفتش 

موقع براندات عالمية فاخرة ويوصل للسعودية دايركت بعد 

 

 

أي حتى مواقع هاي إند براند مثل لويس فيتون يدعمها في أجمل من كذا ..

بس حاليًا موقع لويس فيتون ما يوصل للسعودية ولا فيه أونلاين بس ممكن لا صار عليه تخفيض تشيكين بالفرع اللي عندك بالمنطقة اذا مسويين على القطعة اللي تبيها أو لاء .. 

 

 

هم بعد مدعوم من موقع Gucci

والأجمل أنه تقدري تتسوقي من الموقع ويوصل للسعودية مثل ما أنتوا شايفين الأسعار بالريال .. وهالشي جدا جدا جميل عقبال الباقي بجد 😍♥️

وهذه قائمة بمواقع يدعمها وفيها منتجات جدا جميلة سواء فاشن أو أشياء للبيت .. 

  1. White Company 
  2. Net a Porter
  3.  Nordstorm
  4. Harrods
  5. Amara 

كل هالمواقع توصل دايركت للسعودية 

 

أما المواقع المتخصصة بأشياء البيت غراااااام لأبعد حد ..

منها Nordstorm

وفيها هالبراند The White Company

بس مو كل شي

وهالموقع حق The white company

جميل ويوصل للسعودية بعد دايركت  

 

 

حتى موقع زارا  وزارا هوم مدعوم من قبل هالبرنامج الجميل 

وطبعًا مثل ما انتوا عارفين الحين زارا اصبح عندها خدمة الاونلاين والتوصيل وهالشي جميل جدا .. 

 

 

بالأخير في حال نسيتي شنو حطيتي باللست وكذا تقدري تدخلي على حسابك

بالبرنامج ويطلع لك كل اختياراتك وكذا 

 

 

وبكذا أتمنى أني افدتكم ولو بشي بسيط .. 

وأشوفكم على خير ..

Follow:

Happiness in a Box || السعادة في صندوق – الصداقة الحقيقية

Happiness in a Box || السعادة في صندوق – الصداقة الحقيقية

 

 

ما في أجمل من الصديق والصداقة الحقيقية الخالية من الزيف والتصنع ..

 

لذلك حبيت في هذا الفيديو اوثق لحظات جميلة وسعيدة لبوكس السعادة اللي جاني من صديقة عزيزة كثير على روحي ..

 

اعتبرها توأمي في هذه الحياة ..

 

 

قيل في الصداقة .. 

 

من بين كل الأصدقاء هناك صديقٌ واحدٌ يُشبهُ البحر، تزورهُ كلما ضاق بالآلام صدرُك، ولا تُغادرهُ إلا وقد زال همُّك، فتمضي مبتسماً راضياً على الرغم من أنك لم تتحدث إليه ولم تبُح لهُ بشيءٍ من كل ما يُحزنُك.

 

 

 

هناك من يكون حضوره في حياتك علامة فارقة، وهناك من يكون علامة فارغة، فانتقي الصديق الحقيقي، واحذر من الصداقة المزيفة..

 

 

التسامح أساس الصداقة الحقيقية، والحب الحقيقي.

 

ثمار الأرض تجنى كل موسم، لكن ثمار الصداقة الحقيقية تجنى كل لحظة..

 

 

الصداقة الحقيقية كالمظلة، كلما اشتد المطر، كلما ازدادت الحاجة لها.

 

 

متى أصبح صديقك بمنزلة نفسك فقد عرفت معنى الصداقة الحقيقية.

 

الصديق الحقيقي هو الصديق الذي تكون معه كما تكون وحدك.

 

الصداقة الحقيقية شيء رائع تتغنى به النفس، وفي بعض الأحيان قد يكون هاجساً يحرك الإحساس.

 

كالعادة .. أترككم مع بعض المقتطفات ..

 

 

 

لمشاهدة الفيديو اضغط على الصورة التالية.. 

وأتمنى لكم مشاهدة ممتعة ..

 

Processed with VSCO with a4 preset
Follow:

Vlog WK 34 | فلوق: شنو اكلت في اسبوع + مشترياتي من آيكيا + انبوكسنغ من نيسبريسسوا + محمد رجع

Vlog WK 34 | فلوق: شنو اكلت في اسبوع + مشترياتي من آيكيا + انبوكسنغ من نيسبريسسوا + محمد رجع

“ACCEPT YOURSELF, YOUR STRENGHTS, YOUT WEAKNESSES, YOUR TRUTHS, AND KNOW WHAT TOOLS YOU HAVE TO FULFILL YOUR PORPUSE.”

STEVE MARBOLI

مرحبًا بصديقاتي ..

بالأول حابة أقولكم كل عام وأنتم بخير وجعل يا رب هالسنة سنة خير وسعادة

وتحقيق كل الأهداف والأحلام ..

المهم في هالفيديو أشارككم فيه أهم الأحداث اللي صارت لي أنا وعيلتي ..

آهم شي أن أهلي أخيرا رجعوا من السفر وهم بعد محمد رجع من السفر وسويت شوية مشتريات من آيكيا ونيسبريسوا ..

وبصراحة هالفلوق يعتبر أطول فلوق سويته في الفترة الأخيرة

لذلك جهزوا مشروبكم المفضل وتفرجوه على رواق ..

أترككم الحين مع مقتطفات بسيطة من الفيديو وأتمنى ينال على رضاكم ..

وما يكون ممل بإذن الله ..

مشاهدة ممتعة

أشارك يومياتي في انستغرام ستوري

وفي حال حبيتوا تشوفوا الفيديو اضغطو على الصورة اللي بالأسفل 

Follow:

Back to Uni/work – Stationary || مشتريات مكتبية للعودة للجامعة/العمل

Back to Uni/work – Stationary || مشتريات مكتبية للعودة للجامعة/العمل

” If your dreams Don’t scare you, They are Too Small”

فيديو اليوم هو عبارة عن مشترياتي للعودة للجامعة أو الدوام ..

 

 وهو بالتعاون مع قناة

2mavensisters

 

 

اضغط على الصورة عشان تروحوا على قناتهم باليوتيوب

 

ولا تنسوا تشوفوا الفيديو حقهم على الرابط التالي ..

 

 

 

وكالعادة نجهز مشروبنا المفضل وهذه صور مقتطفات عن مشترياتي

 

 

 

وفي حال تحمستوا وحابين تشوفوا الفيديو كامل

 

اضغطوا الصورة اللي بالأسفل رح تاخذكم على الفيديو ..

 

 

Follow:

Dior Candle Unboxing + Review || انبوكسنق لشموع ديور وريفيو بسيط عنها

Dior Candle Unboxing + Review || انبوكسنق لشموع ديور وريفيو بسيط عنها

” Unique fragrances for an atmosphere full of character. Even your home is pervaded by the Maison Christian Dior art of living.”

الفترة الأخيرة دار ديور للعطور أنتجت مجموعة من الشموع العطرية الفاخرة
٨ روائح مختلفة .. التي صنعت يدويًا تماشيا على صناعة الشمع لتعبر عن ثراء وتطور فن المعيشة في ديور
 
 
عن نفسي اخترت شمعة
 
30 MONTAIGNE
Candle
 
لأني أحب عطر Gris Dior  وهو قريب منه في الريحة

** ** **

أجمل وصف قرأته عن هذه الشموع هو لـ  ماغي باتيار عنيد

” كلّ شمعة عطرية لها عبق مميّز يدوم تأثيره 70 ساعة، وهي مصنوعة وفق أعلى المعايير العالمية، وتأتي موضّبة داخل بورسلين Limoges موقّع بإسم Dior.”

رابط المقالة

 

** ** **

من الوقت للثاني أحب أقضي وقت حق نفسي وأكافئها بشي أحبه ..

ومن الأشياء اللي كثير أحبها وأحب تفاصيلها هي الشموع ..

كنت دايم اشتري من جو مالون وما زلت .. بس لم عرفت أن ديور انتجت خط شموع عطرية

 

تحمست كثير اجربها ..

البوتيك بصراحة حكاية بروحها ..

أنك تروحي وتقضي وقت هناك متعة بحد ذاتها فما بالك لم تشتري وتدلعي روحك ..

 

ممكن ناس تشوفه ترف أو سخافة بس كل واحد له اهتماماته ..

ولازم تحترم لو أيه ما تكون بسيطة بنظرنا هي شي مهم وكبير بنظره وهالشي يكفي ..

 

** **

 

أولا موقع البوتيك الخاص بالعطور مختلف عن البوتيك اللي يهتم بالفاشن وكذا ..

 

بالنسبة لجدة الموقع بيكون

بالريد سي مول الدور الأرضي ..

 

والحين رح أترككم بمجموعة من صور البوتيك ..

 

تحت الصورة اللي معلقة بالجدار حاطين الشموع وبعدين حاطين مكان انتظار جميل جدا ..

كنت انتظرهم يخلصوا تغليف مشترياتي ..

طبعًا ما أحكيكم عن مدى سعادتي ..

وهنا قسم الصوابين والبودي لوشن ..

اليمين قسم الصوابين والبودي لوشن واليسار هو قسم العطور اللي اشتهرت فيها ديور وفي واجهة البوتيك رح تلقون عارضين الميك اب بس بصراحه ما صورته ..

ومثل ما انتوا شايفين طريقة العرض

شي خرافي .. أعشق التفاصيل هذه .. المكان جميل جداً ومريح

** ** **

الحين نجي للأنبوكسنق

بالأول قبل كل شي 

ريحة الشمعة تفوح بالمكان من قبل لا أفتح البوكس جدا جدا جميلة

ثانيًا

تعالوا شوفوا معاي مدى روعة التغليف

والإهتمام بأدق التفاصيل ..

رح اترككم مع الصور ..

وهنا شكلها النهائي بعد ما فتحت البوكسات ..

في حال عجبكم تقدروا تضغطوا على الصورة اللي بالأسفل عشان تشوفوا الفيديو كامل وطريقة تنسيقي ..

بس لا تنسوا تجهزوا مشروبكم المفضل ويالله نبدأ ..

Follow:

My New Bag & The Story Behind.. || اشتريت شنطة من موقع مو معروف!! تتوقعوا اتنصب علي؟!!

My New Bag & The Story Behind.. || اشتريت شنطة من موقع مو معروف!! تتوقعوا اتنصب علي؟!!

” Be Your Own Kind Of Beautiful “ 😉

مرحبًا ..

بهذا الفيديو بشارككم قصتي في المجازفة وشريت شنطة لفتت نظري وما قدرت اقاومها من موقع مو معروف

تتوقعوا اتنصب عليا ولا لاء ؟!!

عشان تعرفوا 

اضغطو على الصورة لمشاهدة الفيديو

قبل آخر شي للي حاب يتصفح الموقع اللي شريت منه الشنطة 

ولعيونكم هذا كود خصم خاص ١٠٪؜ للي 

يبي يشتري الشنطة من موقعهم 

Discount code : Royalty10

هذا هو الرابط .. 

https://www.zoetworld.com/

اتمنى في حال عجبكم المحتوى بالاشتراك في قناتي ونشره بين صحباتكم ..

** ** **

متواجدة في حساباتي في السوشيال ميديا على :

انستقرام : @dalya

https://www.instagram.com/dalya/

تويتر: @onlydalya

https://twitter.com/OnlyDalya

Follow:

Unboxing Jo Malone & Tiffany & Co. | بعض مشترياتي من سفرتي الأخيرة

 

 

” Enjoy the Little things ” – unknown

مرحبًا يا حلوين

 

من فترة صورت هالفيديو Unboxing  لبعض مشترياتي من آخر سفرة  لي ومع الحمل وبهدلته ما قدرت انزله وغبت فترة عن السوشيال ميديا ..

لكن الحين مع ولادتي برهف ورجعتي لروتيني قررت انزله .. وبما أنه فيديو مشتريات مين مننا ما يحب يتفرج هالنوع من الفيديوهات عن نفسي كان ادمان وكنت اقضي ساعات وانا بس اتفرج عليهم واكون بقمة الاستمتاع واخذ خلفية عن المنتجات واختلاف اذواق الناس في المشتريات ..

المهم هالفيديو رح يكون عن ماركتين وهي Jo Malone & Tiffany & Co.

 

لا أطول عليكم وهذا

رابط الفيديو 

 

في حال عجبكم أتمنى تدعموني بـ لايك وسبسكرايب وتضغطوا بعد على جرس التنبيه عشان يوصلكم كل جديد انزله

Follow:

My Amazon Purchases| مشترياتي من أمازون

My Amazon Purchases| مشترياتي من أمازون

مرحبا يا حلوين !!

 شخباركم.. إن شاء الله طيبين وبسعادة دائمة يا رب

موضوع اليوم جميل وخفيف وأتوقع أن الكل أصبح يحبه ويعشقه ..

وقبل لا نبدأ خلينا نجهز قهوتنا عشان نستمتع بالقراءة

في السنوات الأخيرة أصبح الناس أكثر جرأة بالنسبة للتسوق الإلكتروني خصوصًا أن الأسعار خرافية مقارنة بالسوق المحلي عندنا، عن نفسي أقدر أقول وبكل ثقة أني من الأشخاص المدمنين بالنسبة للتسوق الإلكتروني .. ومن سينين طويلة قبل ما تنتشر هذه الظاهرة..

كيفني بس وأنا أتفلسف .. 😉

بصراحة أكثر جزئية أحبها لم توصلني شحنتي وافتحها مثل الطفل اللي يفتح هديته ويلقى اللعبة اللي كان يحلم فيها .. أي هذا أدق وصف لحالتي .. يعني استحالة اتشافى من هذه العلة 🙃

  محمد زوجي يأس وأعلن استسلامه عن محاولة اقناعي للعدول عن هذه العادة  المدمرة للجيب ولكنها جدًا جميلة للنفسية ..😅

يعني بدل ما أروح جلسة علاج عند دكتور نفسيه بسبب اكتئابي أو أني اروح صالون اصرف الميات وأحيان الالاف عشان بس أشعر بشوية صنفرة اقدر أسويها في البيت .. خلني أصرفها على مشتريات دائمة عندي وتسعدني ..🤣😉

وأنا أكتب هالتدوينة شريت لي كم غرض من أمازون ..

المشكلة أن توي شارية منهم وموضوع هذه التدوينه مشترياتي من أمازون ..

شكلي بخليه سيريز موضوع متجدد .. 

المهم نجي للزبدة والمهم .. لي فترة قاعدة اتقضى عشان اجهز مكتبي والكوفي كورنر الخاص فيني وناوية انقلهم لغرفة ثانية .. ومن الأشياء المهمة والجميلة في الكوفي كورنور هي الكتب اللي تحطيها في طاولة القهوة غالبًا ما يكون شكلها جميل وتتحدث عن الفن والديكور والجمال بصفة عامة .. كل شخص يحط الأشياء اللي تستهويه.. 

عن نفسي هالفترة طايحة بالفاشن وكذا براندز حابتهم حيل وكذا مدري كيف كذا حبيت ادخل بتفاصيل تاريخهم وكيف بدأوا وكيف أصبحوا ومن هالسوالف .. ونكون صريحين شكل اصدارات كتبهم تعطي شكل للمكان وفخامة وهم يعتبروا اساس الفاشن .. وبعدها قلت بحط أشياء عامة بخصوص البيوتي من ميك أب وعناية بالبشرة..

 لذلك قررت أني أغير الكتب اللي كنت حاطتهم بطاولة القهوة وأخليهم فاشن وكذا ..ما ننكر أن شكل كتب الفاشن كثير جذاب وجميل، لذلك بدأت رحلة البحث عن الكتب في بعض المكتبات اللي بجدة والحق مو من قلب بحثت بس كنت اتصفح بعيوني اذا في كتب شكلها جيد مثل كتب دار شانيل وديور وهالبراندز .. المهم ما لقيت اللي نفسي فيه ..

المفروض أروح فيرجن وبصراحة ما مداني لكن اللي كنت متخوفة منه أن ممكن بعد ما اشتري الكتاب ألقاهم مشخطين على بعض الصور أو انهم مغطيين أو حاذفين فملعيش بكون دافعة مبلغ وقدرة على الكتاب أقل شي تكون الصور كاملة وكذا فقررت أني أشتريها من أمازون. 

لذلك مالي غير حبيب القلب موقع أمازون خصوصا أني طالبة مجموعة أكياس خاصة للبزنس توصل  على بريدي الأمريكي قلت يالله خليني اقضي كم كتاب من أمازون ويوصلو كلهم سوا .. خصوصا أن اسعار الكتب مثل اللي أبيها تجيك غالية عندنا وممكن يكونوا مشخطين على بعض الصور مافيني أشوف صور جميلة مشوهه .. لذلك شمرت عن ساعداي وبديت مرحلة البحث عن الكتب اللي ببالي في أمازون..

أول كتاب جا ببالي اشتريه هو حق شانيل بعد فحص وتمحيص أخيرًا لقيت الكتاب اللي ابيه وقعدت اشوف آراء المشتريين السابقين وتصويرهم للكتاب وآرائهم اذا يسوى ولا لاء ..

ليه كتاب شانيل؟!

أحب ستايل ملابسهم تبهرني كلاسك و أنيقة وبسيطة بنفس الوقت٫ لذلك قررت اشوف الكتب التابعة لهذه الدار الراقية والجميلة .. أكثر شي كنت خايفة منه جودة الصور والورق تكون رديئة لذلك كنت كل ما اختار كتاب اشوف الفيدباك عنه وتصوير الزباين له لين ما وقع على عيني هذا الكتاب الجميل والكبير والمثير في نفس الوقت .. وحطيته بسلة المشتريات .. 

الحمدلله وصل وكان مثل ما تمنيت وأكثر بعد .. الصور جودتها جدا رائعة وكله صور وقليل فيه الكلام بحيث يوم اشرب قهوتي اقعد اتفصح فيه واتفرج .. وبصراحة شكله تحفة فنية .. وفيه صور من بدايات دار شانيل إلى سنة ٢٠١٥ خاص بعروض الـ Cat walk ..

رابط كتاب شانيل 

الكتاب جاني مغلف تغليف شفاف عشان يحميه من عوامل التعرية اللي ممكن يمر فيها .. وبجد وصلني مافيه أي مشاكل والغلاف هو عبارة عن قماش يعني ممكن يمسك فيه أي شي لذلك كثير مبسوطة لانهم مغلفينه ..وجودة الورق جدا جميلة وتعتبر هاي كوالتي ..

الحين خلصنا من الكتاب مع أنه ببالي أخذ كتاب ثاني وهو حق دار ديور بس قلت خلني اجرب كتاب واحد وأتاكد من جودته وبعدها اكمل مشترياتي للكتب .. 

لذلك شريت بس كتاب واحد .. لين أتأكد من جودة الكتاب الثاني وابحث بقلب عشان لا اتخم .. ما فيني اتنصب أو يطلع الكتاب بجودة سيئة بقعد أندب على حظي كثير.. 

نجي للشي الثاني اللي تعبت ادور فيه المكتبات وهو قلم تعبئة حق كارتيه شريت قلم من سنين من باريس جاليري  والحين خلص الحبر ومهما اشتري من قلم تعبئة ما يطلع مناسب للقلم قلت مالي غير أني اشتريه من نفس الماركة .. فقررت ادور في المكتاب بس مافي .. لذلك توجهت لأمازون حبيب قلبي وسويت سيرش ولقيت عندهم نفس قلم التعبئة اللي كان موجود بقلمي من الفرحة خذيت لي اثنين عشان يكفوني فترة طويلة .

رابط أقلام التعبئة لكارتيه

المهم ما تتصوروا شكثر فرحتي يوم لقيت اكثر اثنين تعبت وأنا ادورهم .. ومن زود فرحتي شريت اثنين من اقلام التعبئة بس الصدمة أنه ما طلع نفس مقاس القلم ..

لو تشوفوا شلون مركبة قلم التعبئة كارتيه بتسحبه مني، المهم أني اكتب فيه و مرررة أحب اكتب فيه بالأجندة وهم بعد جدا متناسق مع أجندتي الجميلة ..

طبعًا حطيت حلطمتي بالانستغرام وجاتني ردود جميلة فادتني أن الأفضل أروح لكارتيه وهم أكيد يوفرون اقلام التعبئة الخاصة بأقلامهم المشكلة مدري ليه ما جاني هالخيار 🤣🧐🤨 أو حتى أني اروح لباريس جاليري ليه كنت اروح للمكتبات الله أعلم ..

المهم وبما أن طلبيتي الثانية وصلت و أنا لسه ما بعد نزلت البوست الأول رح أضيفهم كلهم هنا لأن بصراحة

كل مشترياتي مو كثير هذه المرة ..

مجموع مشترياتي كلها كتابين فاشن وقلمين كارتيه والجغ الخاص بالحليب حق ألة القهوة ..

بالنسبة لأغراض الشغل فمارح اعرضها لأنها تخص الشغل .. ومو مهمة بنظري إلا إذا سويت موضوع خاص بالنسبة للشغل الخاص شلون توفرون أشياء أساسية بأسعار معقولة وبجودة عالية ..

فإذا مهتمين لهالنوع من البوستات اكتبوا في الكومنت عشان اجهز بوست منفرد خاص بالأعمال الخاصة من تكاليف ومواقع مساعدة ممكن ترفع من مستوى البراند الخاص فيك..

المهم نرجع ثاني لمحور حديثنا ..

بعد ما فتحت القلم .. شايفين شلون ملصقة قلم التعبئة عشان يمسك نفسه 😅😂

لحظة الحقيقة ..

قلم التعبئة طلع قصير وما ينفع .. 🙃🤨😕

المهم لملمت اغراضي مرة ثانية وقررت احدد يوم ثاني واروح كارتيه واقولهم ابي قلم تعبئة لهذا القلم وافتك ..

** ** **

المهم الحين نجي للطلبية الثانية اللي وصلت ..

وهالمرة تحتوي على كتاب لدار ديور وجغ شريته حق آلة القهوة

وبصراحة كنت متحمسة كثير على كتاب ديور توقعاتي وصلت السما من بعد كتاب شانيل ..

وبدون صبر فتحت البوكسات حتى أوصل لكتاب ديور

رابط كتاب ديور

مثل ما أنتوا شايفين غلاف الكتاب من القماش وللأسف ما جاني مثل شانيل مغلف بنايلون جاني كذا مفتوح أشوى أني ما طلبت معه شي ممكن يخرب القماش ..

ومو بس كذا لقيت أن فيه آثار تراب وشوية أوساخ على القماش بس مو مرة كثير يعني الحمدلله أنها جات على كذا ..

لو أتكلم عن شكل الغلاف لين بكرة ما رح اخلص .. شايفين شكثر رائع واللمعة خرافية جدا

اللون الرمادي خطير .. أبدا مو ندمانه أني شريته أبدًا أبدًا ..

الحمدلله جودة الكتاب جدًا جدًا عالية والصور واضحة وجودة الورق عالية ..

وهالشي مهم بالنسبة لي ..

مليان صور وفيه هم بعد تاريخ دار ديور .. حبيته كثير ..

المهم ارتحت نفسيا الحمدلله أن الكتابين مبسوطة فيهم وأبدا مو ندمانة أني شريتهم

وقاعدة أخطط لكتب ثانية بس بخليها شوي قدام  ..

هنا بحط لكم صور الكتابين مع بعض ..

This slideshow requires JavaScript.

 

** ** **

نيجي لآخر شي شريته من أمازون وهو الجغ حق الحليب لآلة القهوة ..

بصراحة ما كنت ناوية اشتريه من أمازون بس يوم قعدت ادور في النت من المواقع اللي توصل دايركت للسعودية أو متاجر سعودية توصل

لقيت ماشاءالله على الأسعار جدا مبالغ فيها وهالشي يقهرني ..

وهذه أحد الأسباب اللي تخليني اشتري من أمازون أو حتى مواقع اجنبيه وقلت طالما أني طالبة من أمازون خلاص خليني اطلب الجغ بجودة ممتازة وسعر حلو ..

فريت موقع أمازون لين طحت بهذا الجميل

سعره جميل وجودة جدًا عالية والحجم اللي أبيه لأني ما أحب اكثر حليب كثير فحبيت حجمه الصغير ..

رابط الجغ

اسم هذا الجغ : Star Coffee 12, 20 or 32oz Stainless Steel Milk Frothing Pitcher 

والأجمل أن فيه قياس بداخل المق وجودة جدًا عالية وفعلا يستحق التقييم اللي معطينه هو أمازون ..

وبكذا وصلنا لختام البوست ..

أشوفكم قريبًا ..

ويسعدني تعليقكم .. هل تحبوا بوستات المشتريات وايش اكثر المواقع اللي تحبوا تشتروا منها ؟!

Follow:

Youtube || My Last Purchases .. مشترياتي الأخيرة من سيفورا و نورد ستورم & Monica Vinader

Youtube || My Last Purchases .. مشترياتي الأخيرة من سيفورا و نورد ستورم & Monica Vinader

Screen Shot 2018-08-16 at 8.12.51 AM

 

صباح / مسا الخير ..

شلونكم شخبارك .. إن شاءالله دوم طيبين ومستانسين ..

 هالمرة الفيديوعبارة عن مشترياتي الفترة الأخيرة من الأماكن التالية:

محل سيفورا اللي بهيفاء مول

وموقع Nordstorm

و موقع Monica Vinader

** ** **

تكلمت بصفة عامة عن مشترياتي من هذه الأماكن ورأي بالمنتجات ..

رأيكم وملاحظاتكم تهمني ..

لمشاهدة الفيديو اضغطي على اللصورة

Screen Shot 2018-08-16 at 8.12.51 AM

Follow:

Ikea Purchases .. مشترياتي من آيكيا

Ikea Purchases  .. مشترياتي من آيكيا

أهلين ..

كيف الحال ؟!! إن شاء الله تمام وعال العال ..

اليوم الموضوع اللي بحكي عنه يمكن كثير ناس تكلمت فيه لين ممكن للبعض اصبح ممل بالنسبة له ..

واللي هو مشترياتي من آيكيا ..

بس هالمرة مشترياتي موب أثاث واكسسوارت منزل !!

هالمرة شريت اكل من عندهم !! ما أقصد المطعم .. اللي اقصده قسم الأغذية 😂

المهم قبل لا نبدأ نجهز قهوتنا عشان نستوعب شنقول 😉

المهم قبل لانبدأ نجهز قهوتنا عشان نستوعب شنقول ..

onlydalya.com

onlydalya.com

بصراحة على كثر ما أروح آيكيا .. واشوف قسم الأكل الا عمري ما رحت وشريت غير الشوكولاته اللي قالي عليها محمد وامشي بدون لا افكر او حتى ألقي نظرة على المنتجات بحكم اني أكون تعبانه وودي اطلع او مستعجلة  ..

ولكن هالمرة تغير الوضع يمكن بحكم اني كنت ابي اسكت يوسف عبال ما محمد يحاسب قلت خلني اروح اشتري له شوكولاته وكذا ..

وأنا ماشية لفت عيني الشوفان .. 😍 وبصراحة نقطة ضعفي خصوصا أنه فيه التوت الأزرق والفواكة الثانية اللي يحبها قلبي ..

لذلك قمت قشيت مثل اللي في الصورة ..

وقلت خلني اجرب موب خسرانه ابد 😌 ..

OLYMPUS DIGITAL CAMERA Processed with VSCO with a5 preset

كل هذه الأشياء ماجات١٠٠ريال بالضبط طلع لي٧٢ ريال فقط .. 🤓

المهم نبدأ بحبيب القلب ..

 الشوفان .. 😻♥️

بجد شهادتي فيه مجروحة ..

من كثر انه طعم صرت اكله بروحه وكرنشي كذا يقرمش وحتى ان حطيت معه حليب واكلته على طول عشان لا يتشربه

الحليب كثير فيه شوي قرمشة ..

لذيذ لذيذ لذيذ ..

أتعب وأنا أقول أنه لذيذ ..

وسعره هم بعد لذيذ .. في حدود الـ ٣٠ ريال ما تتعدى ٣٥ ريال ..

 Processed with VSCO with a6 preset

شايفين شكثر شكله لذيذ .. هذا وأنا ضايفة الحليب وهو مقرمش ..

وفي هذه الصورة أضفت عليه عنب أسود بدون بذر …

يا قلبي ما أقول شكثر لذيذ ..

OLYMPUS DIGITAL CAMERA          Processed with VSCO with a5 preset

بجد ما أبالغ هذا ذوقي وأنا حرة فيه بجد اطعم شوفان ذقته  .. خفيف وهش ..

💜💜💜💜

ونجي للمنتج إللي بعده ..

بسكوت بالزنجبيل .. 🧐

Processed with VSCO with a5 preset

حبيته .. وحاولت اتفلسف فيه وقمت حطيت فوقه جبنة بيضاء مع أوراق من النعناع ورشة كمون ..

بالبداية طلع اليم .. بس بعدين ما قدرت استسيغه 🤪

بس الحقيقة شكله  كان مشهي ..

Facetune_11-02-2018-13-32-50

والحقيقة أنه طعم بروحه بدون الإضافة والفلسفة اللي سويتها .. يعني لو كان مالح كان تمام..

كم سعره ؟!!

بصراحة ما اذكر ولكن سعره جميل وخفيف ..

هل انصح فيه أي .. لكن في اللي احسن منه بكثير ومراحل وهو المنتج اللي بعده ..

بسكوت بالقرفة

OLYMPUS DIGITAL CAMERA          Processed with VSCO with a5 preset

هذا البسكوت الجميل واللذيذ كل عيلتي حبته وخصوصا يوسف القلب ♥️

صار كل ما يشوفه يعطيه شهقة ويصفق بيدينه فديت قلبه والله

كميته كبيرة وسعره هم بعد حلو بس ما اذكر بكم لأن الحقيقة والواقع إني رميت الفاتورة بالغلط .. 😤

هل أنصح فيه نعم وبقوة .. يكفي أن يوسف عجبه 😋😉

يذوب في الفم ويقرمش وحلاوته لذيذة يعتبر من البسكوتات الحالية لكن حلاه موزون

ما يغث ابد ..

والحين نجي للكلام الكبير .. الشوكولاتات ..

♥️♥️  ♥️♥️

هالشوكالاته .. لذيذة .. وطعمة ↡

OLYMPUS DIGITAL CAMERA          Processed with VSCO with a5 preset

اعطيها ٨،٥ من ١٠ .. رح اشتريها اكيد مرة ثانية

.. ..

أما هذا النوع من الشوكولاته ..

OLYMPUS DIGITAL CAMERA          Processed with VSCO with a5 preset

OLYMPUS DIGITAL CAMERA          Processed with VSCO with a5 preset

فهو طعم ولذيذ بس مو مثل الأولى أطعم منهم

 بكثير يعني الأولي ماعندي مشكله اتعنى لها

بس هذولي لاء يعني ممكن ما اشتريهم واجرب أشياء ثانية بدالهم ..

.. ..

وبس في الختام ان شاء الله ما أكون ثقلت عليكم أو اني غثيتكم بموضوع قديم ..

وابيكم تشاركوني بمشترياتكم اللي شريتوها من قسم الأغذية في آيكيا ..

شنو تنصحوني ؟!!!

♥️♥️ ♥️♥️

آخر صورة مع الحبيب ..

Processed with VSCO with a6 preset

Follow: