Writing || الكتابة

Travel dairy .. dairies .. www.onlydalya.com

wwww.onlydalya.com

Writing is the fuel of the human spirit ..
– Only Dalya ..

** ** **

الكتابة هي الوقود لروح البشر ..

Dalya Only..

** ** **

شارك/ي الاقتباس المناسب من وجهة نظرك لهذه الصورة .. 

Follow:

Makeup Haul – Products Review Part 1

” May Your Day Be Flawless As Your Makeup “

مساء الخير ..

كيف حالكم ؟! إن شاء الله طيبين ..

رمضان كريم وينعاد عليكم الشهر باليمن والمسرات ،،

وبما أنه قرب العيد والأغلب رح يشتري أشياء جديدة حق العيد من ملابس وميك اب ..

فحبيت هالمرة

 أتكلم عن مجموعة منتجات تجميلية شريتها مؤخرًا من سفرتي لماليزيا ..

الموضوع يبيله روقاااااان ..

لذلك جهزت لي كوب قهوة بطعم الحب و الجمااااااال ..

وأنت بعد جهزي لك مشروبك المفضل وإن شاء الله تستمعتي بهالمدونة ..

www.onlydalya.com

www.onlydalya.com

لـمنتجوهو ..

Bobbi Brown Skin Foundation SPF 15 –

Natural Tan

www.onlydalya.com

www.onlydalya.com

شنو هالفونديشن ؟!!

قوامه مائي وتركيبته خالية من الزيت، وتغطيته خفيفة إلى متوسطة – تركيبته قابله للبناء  – خفيف جدا على البشرة يعني لم تحطي على بشرتك ما تحسي أنك حاطه فونديشن ، يعطي ترطيب خفيف لذلك هو مناسب للبشرة الدهنية والعادية .. يخفي العيوب ويوفر حماية واسعة النطاق من الأشعة فوق البنفسجية .  سهل الاستخدام ومتوفر منه  ٣٠ درجة.

رأي في المنتج..

كثير حبيته لأنه فعلا خفيف على البشرة وما أحس أني حاطة فاونديشن ..

وحبيته أكثر لأنه مو فل كڤر .. يعني اللي تبي فل كڤر مارح يناسبها

This slideshow requires JavaScript.

لأني شريته من ماليزيا فدرجاتهم كثير فاتحة فكانت اغمق درجة عندهم اللي هي

Natural Tan 4.25

كنت وقتها متشمسة واللون نفس لون بشرتي بالضبط يعني بجد كأني مو حاطة شي بوجهي ولكن كني مسوية فلتر مخفيه الشوائب ..

 بشرتي الحمدلله مافيها مشاكل بس شوية تصبغات خفيفة جدا يعني نتفه وشوية احمرار وكان يخفيهم لي من أول طبقة

يعني ما يحتاج اسوي طبقة ثانية ..

هل أنصح فيه ؟!

أكيد وهو خاص فقط للي بشرتهم دهنية والعادية .. الجافة ما ينفع ابدا ..

طريقة استخدامي له ..

أولا : احط مرطب للوجه بحكم أن بشرتي عادية

ثانيِا : في حال كان يوم عادي أحط ضغطة وحدة تكفي كامل وجهي مع رقبتي

أما إذا كانت عندي مناسبة فأحط ضغطتين لزوم الوصاية ..

بعدها أحط البرونزر عشان اسوي دايمنشن لوجهي 😆😜

وبعدها أكمل خطوات الميك أب العادية .. بطبيعة الحال أنا من عشاق الـ

No Make Up Make Up ..

سعر المنتج

أنا شريته من السوق الحرة في ماليزيا تقريبا كان سعره بحدود الـ .١٨٧.٥ ريال

وهنا بالسعودية لقيت سعره في موقع أناس بـ ٢٠٥ ريال شامل الضريبة

مم ..

وبعد لقيته بموقع نمشي مسويين عرض بـ ١٧٦ بس سعره قبل العرض بـ ٢٥٥

ودي أعرف ليه ما يبيعوا المنتج بنفس سعر الشركة الأم

أتوقع سعر ٢٥٥ جدا مبالغ فيه ؟!!

 .. .. .. ..

😍😍😍😍😍

المنتجالثاني ..

Diro Addict Lip Glow

الدرجتيناللياخذتهمهي ..

الأساسيوهو001

واللونالثانيمنالتشكيلةالجديدةبلمعة006

بالإضافةإلىمقشرالشفايفLIP SUGAR SCRUB

Sweet Exfoliation Balm

www.onlydalya.com

www.onlydalya.com

عن نفسي رح أكون غير منصفة لهذه الماركة مهما احكي عنها احس بتقصير ..

أعشق هالماركة حد الجنون .. اللي يشوف تسريحتي يقول فاتحة محل ديور عندي

* للأسف بعد ما خلصت تصوير وإيديت اكتشفت اني نسيت اصور الوان المرطبات ..

بالنسبة لـ 001

 مو أول مرة اشتري هذا المرطب ..

لأنه بالنسبة لي TOP 1

Screen Shot 2018-06-03 at 2.09.19 PM

هالصورة اخذتها من موقع ديور – this picture tooked from Dior website

يعطي لون جميل للشفايف ويرطبها ترطيب عالي ..

وبنفس الوقت ما احس أني حاطة فازلين على شفايفي ..

والأجمل أن لونه على الشفايف يختلف من شخص لشخص ..

يعني بالمختصر .. يكمن سر جمال هالمنتج بأنه يحقق التوازن المثالي بين الميك اب والعناية بالشفايف وبفضل تقنية ديفير ريففير الشهيرة من ديور واللي تتفاعل مع الكيماء الفريدة حق شفايف كل شخص تعطيه لون طبيعي خاص فيه وتلائم لون بشرته..

بالمختصر الشفايف يطلع شكلها فريش ومشعة ..

لذلك تحمست هالمرة وشريت معه لون ثاني غامق شوي ..

 للمعلومية ديور انتجت عدة الوان مختلفة منها المطفي ومنها اللامع وجربتهم بالمحل كلهم حلوين تحتاري وش تاخذي معك

ولكن هالمرة اخذت درجة ثانية غير الاساسي

درجة اللون

006 BERRY – SHEER BERRY

www.onlydalya.com

www.onlydalya.com

Screen Shot 2018-06-03 at 2.08.05 PM

هالصورة اخذتها من موقع ديور – this picture tooked from Dior website

بما أني ما احب احط كثير ميك اب

وأحب ستايل No Make up Make

فقلت خليني اخذ هالدرجة، يعطي لون اغمق شوي من العادي على الشفايف ويخليها حيوية ..

.. ..

ونجي للأخير المقشر وهو

LIP SUGAR SCRUB

Sweet Exfoliation Balm

www.onlydalya.com

www.onlydalya.com

هو مقشر خفيف ومغذي للشفايف فيه حبيبات سكر تذوب في الشفاه بطريقة ناعمة جدا وبشكل جميل جدا وطبيعي ..

هو مو تقشير عميق ولكن تقشر الشفايف وتخليها موردة وهالشي بحد ذاته بالنسبة لي أنا جمال ..

هم بعد فيه نسبة ترطيب عالية بحيث ما يحتاج بعدها تحطي مرطب

يعتبر اثقل شوي من مرطب Diro Addict Lip Glow

هل رح اشتري منه بعد ما يخلص اكيد .. كثير كثير ناسبني

لان شفايفي من النوع اللي تنشف بسرعة وتتقشر فلازم اسوي لها سكراب ..

ولأنه جميل وعاجبني فدايم القى نفسي حطيت منه

منه تقشير للشفايف وترطيب وتغذية جيدة لشفايفي خصوصا برمضان مع الصيام

وقلة شرب الماي هالشي يأثر ببشرتي وهالشي عجبني كثير بحيث انه يرطب دايم شفايفي وما يخلي منظرها جاف..

بالعكس يعطي حيوية ونعومة ولون جميل جدا للشفاه..

سعر المنتج المرطب وهم بعد المقشر كلهم بنفس السعر: ٣٤ دولار يعني تقريبا ١٢٨ ريال

هنا بالسعودية مدري بصراحة بكم ينباع دايم اشتريه اونلاين او أكون مسافرة واشتري كمية 🙂

.. ..

ماحبيت يكون الموضوع طويل كثير خصوصا أنه رمضان وما في وقت 

وبكذا

انتهيت منالجزء الأول وانتظروا الجزء الثاني

أتمنى انه نال على رضاكم وشاركوني آرائكم في المنتجات

Follow:

My Trip to Cairo – رحلتي للقاهرة

My Trip to Cairo – رحلتي للقاهرة

” Life will only change when You become more committed to Your Dreams than you are to Your Comfort Zone”

..

أهلين يا حلوين ..

أن شاء الله تكونو تمام وطيبين .. وبما أن هذه الفترة كثرت سفراتي فقررت أني أبدأ أدونها واحطها في المدونة لتعم الفائدة للجميع ونتشارك الخبرات ..

..

للمعلومية الموضوع طويل شوي من الأفضل تحضري مشروبك المفضل سواء قهوة أو شاي أو أي شي تحبينه وإن شاء الله تستمعي بقراءة التدوينة ..

.. .. ..

يالله نبدأ

.. .. ..

فجأة قررنا نروح مصر حق أسبوع تقريبا ١٠ أيام ..

ليه مصر تحديدًا ؟!!

بكل بساطة زيارة عائلية ومراجعة لدكتور الجلدية حقي..

***

اليوم الخميس الموافق ١٥-٠٣-٢٠١٨

الساعة ٢ونص توجهنا على المطار

قطعنا البوردنغ وتوجهنا على الصالة ..

Processed with VSCO with a5 preset

ولأن هالسفرة كانت بس أنا ويوسف وعمي .. محمد ما كان معنا فما قدرت اصور كثير ..

يا دوب شربت لي قهوة نيسبريسو وتمر ويوسف قعدت اكله خبز ..

وشوي نادو على طيارتنا وطلعنا الطيار..

* * *

الحمدلله تم الصعود للطائرة..

في الطيارة يقدمون لنا القهوة والتمر..

مثل ما تعرفو السفر مع الأطفال مسئولية وتعب كبير ..

والحمدلله أن يوسف كان نايم ..

أقلعت الطيارة على موعدها بدون أي مشاكل..

***

بما أن يوسف نايم قعدت اتفرج فيلم بلال لأن المرة الماضية فوته بالغلط ،، عشان لا انسى اتفرجه فقررت

احط منبه بجوالي..

ممم والحمدلله ما نسيت ..

Processed with VSCO with a5 preset

بجد .. بجد من أروع أفلام الإنمي اللي شفتها بحياتي .. الإخراج روعه والتفاصيل فوق الوصف .. مهما أقول

رح ابخس بحقه ..

حسيت بندم لأني فوته المرة اللي قبل ..

Processed with VSCO with a5 preset

Bilal Movie

*أعذروني على رداءة التصوير لأن يوسف نايم علي ما قدرت اتحكم في زوايا الصور .. بس المهم اني وثقت التجربه 🙂

* * *

أحب اسافر بداية اليوم من الفجر أو العصر عشان اشهد الغروب أو الشروق..

اترككم تستمعون بصور السحب الجاية ..

This slideshow requires JavaScript.

على نهاية الرحلة الجميل صحي .. وقرر يتفرج على السحاب ..

Processed with VSCO with a5 preset

مدري ليه هالسفرة حسيت بتعب كبير .. مع ان عمي مو مقصر معي الله يحفظه .. بس كان كل تفكيري اني أوصل للبيت وارتاح ..

وصلنا القاهرة بالسلامة .. واخذنا الأغراض ورحنا على البيت ..

آه أخيرا وصلنا البيت ..

طبعًا يوسف بيشوف عماته وجدته .. وجلسنا وسولفنا وتسلينا وخرجنا شوي اخذنا النواقص

وردينا البيت ..

طبعا ما طولنا بالخرجة لأنه جايين من سفر وعن نفسي نمت بدري بالأصح أغمي علي من التعب ونمت انا ويوسف ..

* * *

اليوم الثاني من الرحلة الموافق ١٦-٠٣-٢٠١٨

يوم الجمعة ..

صحيت بدري كعادتي ..

أول وحدة أصحى بالبيت 😂

Processed with VSCO with a5 preset

وصلحت لي قهوة .. لزوم الروقان ..

Processed with VSCO with a5 preset

واقعد افرفر في مواقع السوشيل ميديا اتفرج واشوف شنو قاعد يصير بالعالم ..

***

على بعد العصر تجهزنا لأنه كنا معزومين ورحنا مكان جميل اسمه نادي عزبة العرب ..

الظاهر أن أغلب المصريين مشتركين بأندية وكذا وهذا كان أحد الأندية المصرية اللي العوائل تشترك ، وفيه مجموعة من النشاطات مثل السباحة وهم بعد فيه حديقة حيوان مصغرة .. ومكان للألعاب

بصراحة حبيت المكان كثير .. تمنيت يكون عندنا انديه مثله ..

وردينا البيت بعد ما تعيشنا كلنا الحمدلله سهرنا شوي سوا وبعدين كل واحد دخل غرفته ونام

وأحلام سعيدة للجميع ..

وبكذا انتهى يومنا الثاني على خير وسعادة

* * *

اليوم الثالث  الموافق ١٧-٠٣-٢٠١٨

يوم السبت ..

كالعادة أصحى بدري أول وحدة .. واصلح لي كوب قهوة ..

واصبح من طقوس جيتي لمصر أني أصور هذه الصورة 😂

أحس إذا ما صورت هذه الصورة جيتي لمصر ما تحتسب 🤪

Processed with VSCO with a5 preset

طبعًا تطورت شوي وصورت صورة ثانية بشكل ثاني عشان لا تملون من البوزيشنات المتكررة..

Processed with VSCO with a5 preset

اليوم كان خفيف رحت موعدي عند الدكتور كمراجعة سريعة وهو سبب جيتي لمصر وبعدها رجعنا البيت

وبآخر اليوم قررنا نروح مول قريب مننا وهو سيتي ستار ..

هالمول أحسه يحمل الأضداد .. حيث أنه في مناطق منه تحس بالرقي وأماكن تحس بالعشوائية ..

ممكن لهالسبب في ناس تحبه وناس لاء ..

Processed with VSCO with a5 preset

أحيان يجيبون واحد يقعد يعزف على البيانو .. جدًا رائع وأنت تتسوقي تسمعي موسيقى رايقة جدا

وأحيان يقعد يعزف أغاني لأم كلثوم أو عبدالحليم عاد أنا امشي وأدن دن ..

Processed with VSCO with a5 preset

الهدف من جيتنا الحين لهذا المول هو الغدا ورحنا تغدينا في مطعم هندي الظاهر انه تابع للفندق اللي لاصق بهالمول ..

واكله كان جيد ..

448670D5-A8DD-492E-A2F3-AA511503D74F.JPG

بعد ما خلصنا .. طبعًا لازم نمر على

 .. Starbucks حبيب الكل ..

Processed with VSCO with a5 preset

Processed with VSCO with a5 preset

 الغريب في الموضوع أن سعره جدًا رخيص مقارنة بعندنا ..

و الأجمل أن في هالمول بس فيه حول ثلاث فروع لستاربكس .. 💚

Processed with VSCO with a5 preset

Processed with VSCO with a5 preset

Processed with VSCO with a5 preset

Processed with VSCO with a5 preset

Processed with VSCO with a5 preset

Processed with VSCO with a5 preset

ومن ضمن الفعاليات رحنا لعبنا يوسف

طبعًا لعب لين داخ ..

Processed with VSCO with a5 preset

Processed with VSCO with a5 preset

تحت الأرض تقريبا دور للسينما جداً رائعة .. بس للأمانة ما مداني ادخلها لأن يوسف معاي ..

بس ناوية لطلعة رايقة مع محمد يصير ادخل السينما مع البنات ..

4D5464C8-7710-446F-A25E-69AD740A265E.jpg

المهم قعدنا نفرفر لين دخنا .. وطبعًا جا وقت العشا وطلعنا الدور اللي فيه مطاعم ندور على مطعم ناكل منه ..

Processed with VSCO with a5 preset

 الحقيقة المرة بالنسبة لي في مصر أني ما أحب اكلهم ..

فأحيان كثير يغريني شكل المطعام بس احط ببالي أنه ممكن ما يطلع طعم فدايم أمشي ورا سحر وسمر في المطاعم اذا جيد أو لاء .. لأن ذوقنا واحد في الأكل ..

والحمدلله هم يجربوا وأنا بس علي أني ادخل وأكل 🤣😅😂🤪😋

المهم قررنا ندخل هالمطعم .. شكلا وطعمًا جميل ..♥️♥️♥️

Processed with VSCO with a5 preset

Processed with VSCO with a5 preset

الحمد لله مسحنا الصحون ..

وبعدها توكلنا على بيتنا ..

وأنتهى اليوم الثالث ..

***

اليوم الرابع .. الموافق ١٨-٠٣-٢٠١٨

صحيت الصبح وجهزت لي فطور هالمرة قلت تغيير شوي

810A6CE4-6A46-4C9E-8D95-35C49933FA37.JPG

بعدين سويت لي قهوتي ..

402116DC-1CD2-41A8-A978-C3A7329ABF67.JPG

وبحكم أنه وقت دراسة .. فقعدنا تقريبا أغلب الأسبوع بالبيت .. وهالشي أعشقه..

يعني أن خرجنا رحنا قضينا شي ضروري ورجعنا ما طولنا ..

أحب الاستكنان والروقان ..

على العصر كان الجو رايق .. اللي يدرس واللي مشغول بشغله .. وأنا وقتها يوسف كان نايم

فأستغليت الموضوع بأني قمت سويت لي قهوة

A4997A33-96D9-4304-8182-5CCDDAD37221.JPG

وقعدت اشخمط في دفتري ..وارتب افكاري حق المدونة .. 💜

F977F320-75B6-4767-9D73-393DDD93D195.JPG

وكان هاليوم هادي وجميل .. جلسنا سوا بالبيت وفليناها

 وأنتهي..

***

اليوم الخامس الموافق ١٩-٠٣-٢٠١٨

الظاهر خلاص عرفتوا الروتين ..

صحيت الصبح على الساعة ١٠ جهزت لي كوب قهوتي وهالمرة حطيت معها قطعة تيشزكيك

عشان لا تملون 🤣

Processed with VSCO with a5 preset

Processed with VSCO with a5 preset

هاليوم تقريبًا كان شوي حافل بحكم أن اليوم اللي قبله كان بالبيت فقررنا نخرج نتغدا برا ..

***

بعد كذا يوم ٢٠،٢١،٢٢ كان كله بالبيت وكان نفس الروتين ..

***

يوم ٢٣-٠٤-٢٠١٨ الموافق يوم الجمعة  وهو اليوم اللي ما قبل السفر ورجعتنا لجدة

.. كالعادة صحيت الصبح سويت لي قهوة وقعدت مع يوسف

لين جا وقت الغدا .. وطبعًا بما أنه جمعة فأكيد بيكون الغدا برا ..

قررنا نروح كايروا فيستفال Cairo Festival

وكان لم شمل العيلة الجميلة مع الأصدقاء ..

Processed with VSCO with 7 preset

***

هذه صور لنفس المول بس كانت في راس السنة .. طبعًا كانت اجمل ..

Processed with VSCO with a5 preset

Processed with VSCO with a5 preset

***

رحنا على جهة المطعام ..

المطعم اللي اخترناه اسمه عنب مطعم لبناني بصراحة أكله جدا رائع ..

جلساته الخارجية جدا جيدة بس عشان الجو حار قررنا ندخل جوا

وللأسف ليتنا جلسنا برا .. لأن جوا من كثر الناس اصبح مكتوم ..

( 🤪  صورة الطفل اللي بالعربية مو يوسف )

***

هذه صور للمطعم في راس السنة ..

OLYMPUS DIGITAL CAMERA

OLYMPUS DIGITAL CAMERA

OLYMPUS DIGITAL CAMERA

بعدين سوينا شوبنغ صغير ..

Processed with VSCO with a5 preset

Processed with VSCO with a5 preset

وبعد ما خلصنا رجعنا البيت عشان نستعد للسفر..

***

اليوم الأخير.. الموافق ٢٤-٠٤-٢٠١٨ يوم السبت

صحيت الصبح وقعدت مع نفسي شوي عشان ارتب اموري وكان عندنا سفرة بعد أسبوع من رجعتنا من مصر ..

Processed with VSCO with a5 preset

Processed with VSCO with a5 preset

18F46DF3-2D08-46B8-A3B4-F90C9DC087C7.JPG

طبعًا يوسف إلا يبي يطلع في الصورة ..

..

وجا وقت روحة المطار ..

ونحن في المطار نبي نقطع البوردنغ نكتشف ان راحت علينا الرحلة ..

واضطرينا نطلع مرة ثانية من المطار عشان ندخل ثاني بتفتيش جديد مدري مين اللي مخترع هالنظام بس مرررة شين

وضبطنا الحجوزات .. والحمدلله لقينا بنفس اليوم رحلة بس كانت بعد تقريبا ٣ ساعات ..

قطعنا البوردنغ وكل شي وقعدنا في الصالة الخاصة فينا ننتظر موعد رحلتنا..

44493980-E919-43A8-9DCC-BBCD3A48BE5D.JPG

هالمرة يوسف كان جدا متضايق ومو مرتاح وطبعًا كنت على اعصابي بحكم أن محمد ما جا معي في السفرة هذه

  وماشاء الله عليه يوسف كان بس يصيح بأعلى صوته كرهت عمري وقتها .. وقضيت كل وقتي بصالة الالعاب حق الاطفال

Processed with VSCO with 5 preset

Processed with VSCO with 5 preset

الحمدلله عدا الموضوع على خير وطلعنا الطيارة ،،

ويوسف نام ..

ووصلنا لأرض الوطن ..

وانتهت الرحلة على خير ..

اللي زار/زارت مصر شنو افضل الأماكن اللي رحتوها وتنصحوني أروحها..

Follow:

A day in My life..

www.onlydalya.com

I have something a bit different for you today ..

لأن هالمدونة عزيزة وقريبة كثير لقلبي وهي خاصة فيني فحبيت أخليها تحمل طابع خاص فيني بعد ..

وبكذا .. حبيت أشارك معكم يوم بحياتي ..

رح أكتب تفاصيل هاليوم بكل ما فيه من إيجابية أو سلبية أعذروني 🙂 .. والسبب اللي خلاني اندفع واتحمس واكتب هالموضوع هو إني مشتركة بقروب خاص بالبلوقرز وكان فيه تحدي نكتب مواضيع معينة .. وحبيت أشارك معهم وأخترت هالموضوع ..

مع العلم أن هالموضوع كان يقرقع بقلبي من زمان بس كنت أقول يا بنت الناس بلا خبال بس يوم شفت مواضيع البنات تحمست كثير وقلت يالله قدام ..

.. وقبل لا ننسى يالله جهزوا مشروبكم المفضل واستمتعوا ..

www.onlydalya.com

www.onlydalya.com

اخترت هاليوم بعشوائية .. السبت الموافق ٣ مارس، ٢٠١٨

My Morning Routine

أولاً ببدأ بروتين الصباح الخاص فيني ..

المنبه يدق على الساعة ٧ صباحًا  و أحيان يوسف هو اللي يصحيني بصوته الجميل .. واليوم كان يوسف حبيبي هو اللي مصحيني ..

قمت غيرت له ورضعته وكمل نوم .. والحين النوم طاير من عيني وقبل ما أنام كان موضوع البلوق يلعب بعقلي فقررت إني اكتب فيه ..

قمت فرشت اسناني وسويت لي قهوة ،،

 والحين قاعدة على مكتبي المؤقت أسمع موسيقى هادية واتفرج على حسابي انستقرام و مع حماسي لموضوع اليوم قمت وتكلمت في الستوري حق انستقرام بصوتي .. مو دايم اطلع بصوتي ولكن هالمرة حسيت اني تجرأت ..

جنبي ع الطاولة مفكرة جاتني هدية بمناسبة السنة الجديدة فتحتها وقمت كتبت بداية مقدمة هالموضوع .. بعدين دخلت على حساباتي الثانية تويتر  والفيس بوك والتمبلر ..

www.onlydalya.com

www.onlydalya.com

تقريبا عدا ساعة ع الموضوع والحين الساعة صارت ٨:٤٥ دقيقة صباحًا وقاعدة افر في النت اتصفح المواقع اللي تهمني كمشتريات وبنترست عشان ببالي بروجكت أبي احط الأفكار الرئيسية واشوف البدجت حقته عشان ابدأ فيه ..

*  وبيني وبينكم في بالي احط هالبروجكت كمان هنا بالمدونة وإذا تحمست زيادة اصوره فيديو بعد ..

فجأة تذكرت أني ما كتبت مهام اليوم والأسبوع ..

الحين صارت الساعة ٩ صباحا ويوسف صحى .. والحين وقته لازم اكله/ارضعه ونقعد سوا وبحكم أن اليوم سبت وهو إجازة يعني بنقضي الوقت سوا كعيلة ..

بالنسبة لروتين العناية بالبشرة في الصباح اختصرته بعد ولادتي بيوسف وأصبح أفرش أسناني وبعدين أقوم استخدم الكلنزربفرشة الكلاراسونك  وبعدين اغسله ما اكثر لأن بالليل هو الشغل المضبوط ..

www.onlydalya.com

www.onlydalya.com

بعد ما غسلت وجهي اروح تسريحتي واحط مرطب ڤايتامين لبشرتي واكمل واسوي مساج لها وأحط مرطب شفايف وخلصت ..

www.onlydalya.com

www.onlydalya.com

إذا حبيت اسوي ميك اب صباحي فاستخدم سي سي حق شانيل .. احبه خفيف ويعطي لوك ديوي ..  ومسكرة واسوي حواجبي واحط مرطب شفايف أو روج على حسب المود ..

www.onlydalya.com

www.onlydalya.com

حاليا هذا روتيني الصباحي ..

بالنسبة ليوم السبت المفروض يكون عند أهلي نتغدا ولكن بما أن الماما والبابا قرروا يسافروا على تركيا فالحين اصبح الجدول فاضي .. ولسه ما قررنا شنو نسوى 🙂

طبعا بعد اللعب نمنا مرة ثانية كلنا .. والحين انا صحيت والساعة ١٢:١١ الظهر ..

My Day Routine

الحين الظهر الساعة ٢ ..

أختي قبل شوي اتصلت فيني تأكد نجي عندهم البيت نتغدا .. لأن أختي الصغيرة بتجي تطبخ .. طبعًا أنا بقمة الإنشكاح عشان مارح اطبخ 😂 احس حرام اختي الحامل هي اللي بتقوم تطبخ وأنا الكبيرة مع نفسي .. الظاهر أن أمي جابتني أول وحدة بالغلط المفروض أنا آخر العنقود

*صار تعديل .. تغدينا بالبيت يعني أنا سويت الغدا   🙃.. وبعدين رحنا تقهوينا ببيت ماما وفليتها أنا وخواتي طبعا ما مداني اصور شيء .

خرجنا من البيت على الساعة ٤ العصر مريت على سينابون الظاهر أن أختي الثانية متحومة على سنابون متصلة فيني تقولي وانت جايا مري عليه وجيبي لنا قلت لها ابشري ..

وهذا أحلى سينابون ..

www.onlydalya.com

www.onlydalya.com

وسوينا قهوة وأكلناه مع السينابون  وجلسنا نسولف ونفل وكانت أحلى فلة مع خواتي وعيالهم

My Night Routine

بعد العشا رحنا الريدسي مول تعشينا وغيرنا جو شويتين

ورجعنا البيت على الساعة ١١ المساء كنت طافية وقتها بمعنى الكلمة .. وما صدقت يوسف كان نايم على طول وصلنا البيت حطيته بالسرير .

www.onlydalya.com

www.onlydalya.com

بالنسبة لروتين المسا.. فأول شي استخدم مزيل الميك اب ..

Processed with VSCO with a5 preset

www.onlydalya.com

وبعدها اغسل وجهي بالكلاراسونك وافرش اسناني

www.onlydalya.com

www.onlydalya.com

بعدين انشف وجهي وبعدها ابدأ احط التونر ثم الكريم ..

وقبل النوم احط كريم النوم وهو آخر خطوة لي في العناية ..

 

بعدين اروح اجهز بجامتي حق النوم واتعطر واستعد للنوم ،،

 

www.onlydalya.com

www.onlydalya.com

إذا حبيتوا اكتب موضوع منفصل عن روتين عنايتي اليومية والأسبوعية وتفاصيل اكثر عن المنتجات وإيش تسوي ومن وين اكتبوا في التعليق ،،

وبكذا ينتهى يومي بأجمل ما يكون ولا شيء من هذا كله كان مخطط له .. ولا أصلا كنت مخططة أني أكتب هالتدوينة في هذا اليوم ولكن قلت خلاص ..

وكان يوم جميل ..

والحين الساعة ٨ الصبح صحيت بدري عشان اكتب اللي صار على آخر جزئية قبل ما أنسى ..

Processed with VSCO with a5 preset

https://onlydalya.com

بالأخير أتمنى أنكم ما مليتوا من قراءة يومي

وأتمنى لكم يوم سعيد ..

 

Follow:

Ikea Purchases .. مشترياتي من آيكيا

Ikea Purchases  .. مشترياتي من آيكيا

أهلين ..

كيف الحال ؟!! إن شاء الله تمام وعال العال ..

اليوم الموضوع اللي بحكي عنه يمكن كثير ناس تكلمت فيه لين ممكن للبعض اصبح ممل بالنسبة له ..

واللي هو مشترياتي من آيكيا ..

بس هالمرة مشترياتي موب أثاث واكسسوارت منزل !!

هالمرة شريت اكل من عندهم !! ما أقصد المطعم .. اللي اقصده قسم الأغذية 😂

المهم قبل لا نبدأ نجهز قهوتنا عشان نستوعب شنقول 😉

المهم قبل لانبدأ نجهز قهوتنا عشان نستوعب شنقول ..

onlydalya.com

onlydalya.com

بصراحة على كثر ما أروح آيكيا .. واشوف قسم الأكل الا عمري ما رحت وشريت غير الشوكولاته اللي قالي عليها محمد وامشي بدون لا افكر او حتى ألقي نظرة على المنتجات بحكم اني أكون تعبانه وودي اطلع او مستعجلة  ..

ولكن هالمرة تغير الوضع يمكن بحكم اني كنت ابي اسكت يوسف عبال ما محمد يحاسب قلت خلني اروح اشتري له شوكولاته وكذا ..

وأنا ماشية لفت عيني الشوفان .. 😍 وبصراحة نقطة ضعفي خصوصا أنه فيه التوت الأزرق والفواكة الثانية اللي يحبها قلبي ..

لذلك قمت قشيت مثل اللي في الصورة ..

وقلت خلني اجرب موب خسرانه ابد 😌 ..

OLYMPUS DIGITAL CAMERA Processed with VSCO with a5 preset

كل هذه الأشياء ماجات١٠٠ريال بالضبط طلع لي٧٢ ريال فقط .. 🤓

المهم نبدأ بحبيب القلب ..

 الشوفان .. 😻♥️

بجد شهادتي فيه مجروحة ..

من كثر انه طعم صرت اكله بروحه وكرنشي كذا يقرمش وحتى ان حطيت معه حليب واكلته على طول عشان لا يتشربه

الحليب كثير فيه شوي قرمشة ..

لذيذ لذيذ لذيذ ..

أتعب وأنا أقول أنه لذيذ ..

وسعره هم بعد لذيذ .. في حدود الـ ٣٠ ريال ما تتعدى ٣٥ ريال ..

 Processed with VSCO with a6 preset

شايفين شكثر شكله لذيذ .. هذا وأنا ضايفة الحليب وهو مقرمش ..

وفي هذه الصورة أضفت عليه عنب أسود بدون بذر …

يا قلبي ما أقول شكثر لذيذ ..

OLYMPUS DIGITAL CAMERA          Processed with VSCO with a5 preset

بجد ما أبالغ هذا ذوقي وأنا حرة فيه بجد اطعم شوفان ذقته  .. خفيف وهش ..

💜💜💜💜

ونجي للمنتج إللي بعده ..

بسكوت بالزنجبيل .. 🧐

Processed with VSCO with a5 preset

حبيته .. وحاولت اتفلسف فيه وقمت حطيت فوقه جبنة بيضاء مع أوراق من النعناع ورشة كمون ..

بالبداية طلع اليم .. بس بعدين ما قدرت استسيغه 🤪

بس الحقيقة شكله  كان مشهي ..

Facetune_11-02-2018-13-32-50

والحقيقة أنه طعم بروحه بدون الإضافة والفلسفة اللي سويتها .. يعني لو كان مالح كان تمام..

كم سعره ؟!!

بصراحة ما اذكر ولكن سعره جميل وخفيف ..

هل انصح فيه أي .. لكن في اللي احسن منه بكثير ومراحل وهو المنتج اللي بعده ..

بسكوت بالقرفة

OLYMPUS DIGITAL CAMERA          Processed with VSCO with a5 preset

هذا البسكوت الجميل واللذيذ كل عيلتي حبته وخصوصا يوسف القلب ♥️

صار كل ما يشوفه يعطيه شهقة ويصفق بيدينه فديت قلبه والله

كميته كبيرة وسعره هم بعد حلو بس ما اذكر بكم لأن الحقيقة والواقع إني رميت الفاتورة بالغلط .. 😤

هل أنصح فيه نعم وبقوة .. يكفي أن يوسف عجبه 😋😉

يذوب في الفم ويقرمش وحلاوته لذيذة يعتبر من البسكوتات الحالية لكن حلاه موزون

ما يغث ابد ..

والحين نجي للكلام الكبير .. الشوكولاتات ..

♥️♥️  ♥️♥️

هالشوكالاته .. لذيذة .. وطعمة ↡

OLYMPUS DIGITAL CAMERA          Processed with VSCO with a5 preset

اعطيها ٨،٥ من ١٠ .. رح اشتريها اكيد مرة ثانية

.. ..

أما هذا النوع من الشوكولاته ..

OLYMPUS DIGITAL CAMERA          Processed with VSCO with a5 preset

OLYMPUS DIGITAL CAMERA          Processed with VSCO with a5 preset

فهو طعم ولذيذ بس مو مثل الأولى أطعم منهم

 بكثير يعني الأولي ماعندي مشكله اتعنى لها

بس هذولي لاء يعني ممكن ما اشتريهم واجرب أشياء ثانية بدالهم ..

.. ..

وبس في الختام ان شاء الله ما أكون ثقلت عليكم أو اني غثيتكم بموضوع قديم ..

وابيكم تشاركوني بمشترياتكم اللي شريتوها من قسم الأغذية في آيكيا ..

شنو تنصحوني ؟!!!

♥️♥️ ♥️♥️

آخر صورة مع الحبيب ..

Processed with VSCO with a6 preset

Follow:

Walkers Sunglasses || نظارات ماركة ولكرز

مساء الخير ..

قبل فترة حول أسبوعين جتني مسج على الدايركت في انستقرام  من شركة  Walkers Sunglasses

بأن اجرب منتجاتهم ويكون بيننا تعاون .. بآخر البوست رح أزودكم بتخفيض خاص لكم 🙂

بالأول خلونا نشرب قهوة ونسولف لكم على الماركة هذه ورح أشارككم تجربتي فيها ..

sunglasses, نظارات ، fashion ,فاشن, coffee ,قهوه

onlydalya.com

الشركة تعرف عن نفسها بأنها براند ذا جودة عالية بأسعار اقتصادية في متناول الجميع ..

وبتوصل منتجاتها لجميع دول العالم ..

وفعلا بتوصل لدول الخليج وانا في السعودية بجدة .. وصلني المنتج في اربع أيام فقط ..

عشان أكون صادقة .. أكثر شيء لفت نظري وعجبني هو ..

اهتمامهم في سرعة التوصيل والتغليف وهم بعد المنتج نفسه ..

sunglasses, نظارات ، fashion ,فاشن, coffee ,قهوه

onlydalya.com

تغليفهم واهتمامهم بالتفاصيل جدا عاجبني عشان يوصل المنتج وهو سليم ..

sunglasses, نظارات ، fashion ,فاشن, coffee ,قهوه

onlydalya.com

العلبة تحتوي على النظارة طبعًا و الدست باق ( كيس يحميها من الغبرة)

وستكرين واحد مكتوب عليه بالأبيض  Walkers والخلفية بالأسود والإستكر الثاني العكس ..

الكتابة بالأبيض والخلفية بيضاء .. بالإضافة لقطعة قماش بيضاء حق تنظيف النظارة ..

sunglasses, نظارات ، fashion ,فاشن, coffee ,قهوه

onlydalya.com

مثل ما ذكرت قبل أن في أشكال كثير حلوة بس أنا اخترت هالشكل.. ماربل داخل فيها لون الروز قولد ..

sunglasses, نظارات ، fashion ,فاشن, coffee ,قهوه

onlydalya.com

هنا واضح فيها تفاصيل الماربل، وبالجنب مكتوب عليها اسم الماركة ..

sunglasses, نظارات ، fashion ,فاشن, coffee ,قهوه

onlydalya.com

بصراحة ملمس النظارة وثقلها مبين إنها شيء مرتب وفي اللبس كمان تفرق كثير ..

 عجبتني مرة .. والجميل انها متوافقة مع المعايير الأمريكية والأسترالية والأتحاد الأوروبي ..

..

  هالنظارات أبدا ما تلفتني في المحلات بس لمن أشوف احد لابسها وشكله

طالع مرتب تلفتني غير كذا لاء ..

يعني لو ما كلموني يمكن ما كان تخيلت نفسي اشتريها .. بس لمن شفتها تحمست وغيرت نظرتي

 لأني دايم اشتري نظارات High end

هالنوع من النظارات احسه ينفع كثير لبنات الجامعة .. مدري ليه

يوم كنت بالجامعة كانت نظارتي مثل هالستايل بس ماركة ثانية ..

..

sunglasses, نظارات ، fashion ,فاشن, coffee ,قهوه

onlydalya.com

 والسبب اللي خلاني احب نظاراتهم هو أن عدساتها فيها فلتر حماية UV400 وتحمي 100% من الأشعة

فوق البنفسجية .. ومعتمدة من قبل الاتحاد الأوروبي .. وبعض النظارات فيها فلتر الاستقطاب اللي يساعد

على منع إجهاد العين، والحد من انعكاس الشمس على المياه والثلوج والأسطح المعدنية ..

..

بالإضافة أن كل نظاراتهم الشمسية مصنوعة يدويًا ..والفريمات مصنوعة من ACETATE  عالي الجودة

ومع هذه الخامات رح تكون اكثر مقاومة وما تنخرب بسهولة ..

وهم بعد مقاومة للرطوبة ..

وهم بعد عندهم عدة طرق للدفع ..

واتوقع ان عندهم الدفع عن طريق التحويل اتاكد منهم ورح انزل طرق الدفع هنا ..

كل هالحكي اللي ذكرته قبل شوي مذكور بموقعهم وانا ترجمته لكم عشان الاستفادة ..

وللمزيد عندكم الرابط بالأسفل ..

https://www.walkersco.com/en/content/9-faq

sunglasses, نظارات ، fashion ,فاشن, coffee ,قهوه

onlydalya.com

بالأخير احب أشاركم بكود خصم 10% عشانكم يا حلوين ..

ادخلوا على الرابط التالي ..

https://www.walkersco.com/en/

وبعد ما تختارين النظارة اللي تعجبك .. حطي الكود التالي قبل عملية الدفع

DALYA10%

نظارتي اللي اخترتها اسمها وسعرها كالتالي :

MARBLE – ROSE GOLD GIOKO

35,67 € 39,67 €

يعني بالريال السعودي قبل الخصم تطلع 185ريال

وحاليًا مسويين خصم عليها وطالعة بـ 166 ريال وضيفوا عليها 10% حق كود الخصم

يصير يا بلاش  ..

..

وبس ..

أشوفكم على خير ..❤️

Follow: