كل عام وأنتم بخير ٢٠٢٠
فلوق | يوميات رمضان | شفت أهلي بعد غياب شهرين 🙏🏼🤎🤎
“Forgive yourself for what you didn’t know “
مرحبا جميعا
قبل تقريبا اسبوع بعد ما فكو الحظر الكلي واصبح جزئي بعد شهرين من آخر مرة شفت أهلي فيها قررت أزورهم ..
هذا الفلوق عفوي جدا تدور احداثة عن يومين في نهاية الاسبوع اليوم الأول قضيته مع أهلي واليوم الثاني لم رجعت لبيتي وكيف قضيت يومي ..
المهم لا اطول عليكم أضغط على الصورة التالية لمشاهدة الفلوق
🙏🏼🤎
أشوفكم بالفيديو الجاي 🤎🤎
خلوة مع الذات ..
مع زحام هذه الأيام بالكاد أستطيع أخذ نفس عميق والجلوس مع ذاتي لدقائق معدودات فقط..
فلقد اشتقت لها كثيرًا ..
اليوم .. ١٩ فبراير ٢٠٢٠
الساعة.. الـسابعة و ٨ دقائق مساءً
فجأة أجد البيت في هدوء تام .. على أطراف أصابعي دخلت مطبخي وأعددت قهوتي ..
وبداخلي صوت يخبرني بأن رهف سوف تستيقظ .. فدائما رائحة قهوتي تثيرها وتيقظها من النوم ..
الحمدلله لم تستيقظ ..
لأجد نفسي استمتع بكوب قهوتي ..
لحظات من الصمت لا أسمع فيها سوى عقارب الساعة ..
كانت دقائق جميلة جدا .. وقهوتي صنعتها بحب ومزاج عالي ..
فالعادة افكر ولكن هذه المرة قررت عدم التفكير أو مشاهدة أي شيء على اليوتيوب ..
فقط شرب قهوتي وفعل اللاشيء ..
My Exile Morning | عزلتي الصباحية
What’s coming is better than what is gone
في السابق كنت ولا زلت أفضل قضاء صباحاتي
بعزلة عن العالم..
وكنت دائما ما استيقظ قبل الجميع حتى استمتع بهذه العزلة اللذيذة..
ولكن في الفترة الأخيرة استصعب علي ذلك وأصبح يوسف ورهف يستيقظون بوقتي وأحيانًا أخرى قبلي فأصبح من الصعب الاستمتاع بعزلتي الصباحية ..
ولكن أكتشفت عزلة جديدة لذيذة معهم فيها من النشاط والموسيقى أجمل من عزلتي السابقة ..
فأصبحت أعتزل العالم بيوسف ورهف وقهوتي ..
نرقص على أصوات الموسيقى وضحكاتنا تعلوا المكان ورائحة القهوة تعطر الأجواء ..
21/02/2020
Monica Vinader Purchase || تجربة شراء من موقع مونيكا ڤانادر
” Jewelry has the power to be this one little thing that can make you feel Unique.” – Jennie Kwon of Jennie Kwon Designs
OnlyDalya
مرحبا ..
بما أننا سيدات أنيقات نحب نتزين ونتضبط لأنفسنا موب شرط لأحد ثاني وكذا ..
فأكيد الأغلب يحب يتميز بقطعة قطعتين من المجوهرات ..
لي فترة أشوف ماركة مجوهرات منتشرة عند البلوقرز الأجانب وبصراحة القطع ملفته للنظر حيل..
يعني أحب البساطة مع الأناقة .. وهالشي لقيته متوفر بهالبراند الجميل الراقي ..
والأجمل أنه يوصل دايركت للسعودية ..
طبعا نوقف تشويق وهالماركة اسمها Monica Vinader
المشكلة اللي كانت مخوفتني أن في قطع حيل عجبتني كنت ناوية عليها بس هونت بسبب أنه مافي لهم وكيل هنا أو حتى محل رسمي
يعني اقط مبلغ اونلاين ومدري اذا بتوصلني سليمة أو لاء
فقررت أني اشتري شي خفيف أن ما طلع مثل ما ابي قلبي ما ينحرق وجيبي يخترب ..
المهم توجهت لموقع Monica Vinader
وفريت موقعهم لين حصلت الشي اللي أبيه ..
* حاجة لازم تعرفوها عني أحب الألماس أكثر من الذهب يعني لو تخيروني بين سبيكة ذهب وبين خاتم الماس ما يجي نص قيمة السبيكة رح اختار الخاتم..
واذا في إمكانية رح اختار السبيكة وابيعها واشتري فيها خاتم، حلق، سلسال الماس ..😂😍
المهم ..
لقيت حلق عجبني مذهب وفيه فصوص الماس ..
سعره في حدود الـ 2000 ريال سعودي ووقتها كانوا مسويين تخفيض بسبب
الـ 10 Year Anniversary
فأخذته بـ 1600 ريال
وطبعًا التوصيل مجاني للسعودية ..
بعدها بيومين جاني اتصال منهم تأكيد على عنواني
في خلال أسبوع وصلني .. طبعًا هنا الحماس ..
بعدها بكم يوم .. جاني اتصال من شركة الشحن تأكد على العنوان ويشوفوا الوقت المناسب للتوصيل..
وجا يوم التوصيل ..
***
اتصل فيني الظاهر السايق ويقولي في مبلغ لازم تدفعيه ؟!!!
أنا هنا كل المشاعر تلخبطت قلت له المفروض ما ادفع شيئ لأن الموقع دافع كل حاجة
طبعًا اللي يوصل هندي أو باكستاني
ما قال لي أبدا أن في رسوم حق الضرايب وكذا .. وفي الاتصال الأول أبدا محد جاب لي طاري الرسوم الجمركية وكل هذه الأشياء
أنا جد عصبت وحسبت الموضوع نصب .. وكان أسلوبه مستفز يقولي هذا حق توصيل لازم انت يدفع ؟!!!
ارجع للموقع والقى التوصيل مجاني ..
اتصلت عليه وقلت له رجع المنتج ما ابيه ..
ويوم دقيت على خدمة العملاء، ردت علي وحدة تتكلم من طرف خشمها
قلت لها طيب انتوا كلمتوني قبل ليه ما قلت أن في مبالغ جمركية عليه وكذا ..
كذا مرة تتصلوا علي المفروض تبلغوني أن في مبلغ لازم ادفعه أنتوا حتى الدفع بالبطاقة ما عندكم الجهاز ؟!!
المهم لحفتني تلحيفة كرهت عمري .. بمعنى كلامها أنه هذا هو نحن كذا وأن السايق كويس منه قالي قبل يوصل بساعة أن في مبلغ لازم ادفعه
وليته شرح لي حق ايش .. شركة TNT & Fedexمن أسوأ الشركات اللي تعاملت معها ولا أفكر أصلا اتعامل معهم
الله يرحم سمسا يوم كانت ماسكة فيديكس كانت احسن من TNT
المفروض إذا في مبلغ إضافي ولا عندكم جهاز دفع طيب ادوا خبر الواحد يضبط عمره مو قبل ما يوصل بساعة يقولي دبري 318 ريال
فاتورة الضريبة .. VAT Invoice
المهم اتصلت عليه وقلت له خلاص دبرت المبلغ ..
والحمدلله وصل المنتج واستلمته وفكيت على عمري من شفت البوكس ..
***
المهم جهزت لي قهوتي وقعدت افتح البوكس وأنا مروقة وقاعدة اتفرج على الهدية اللي أهديتها نفسي ..
تغير مودي فورا واستمتعت فيها حيل أصلا ما قدرت اصبر ولبستهم على طول ..
حبيتهم حيل ..
وأترككم مع الصور ..
مثل منتو شايفين الإهتمام بتفاصيل الباكجينج
لون الكيس والبوكس خرافه
ينفع بجد تهدينه حق شخص عزيز عليك وما في أعز من نفسك
هذه الرسالة اللي كتبتها حق نفسي .. كل ما انجزت حاجة مستصعبتها أقوم أهدي نفسي عشان الحماس
Only Dalya
🎶وهذا الحلق اللي شريته .. الصمت في حرم الجمال جمال 🎶
وهنا صورة أقرب أكثر للحلق .. Breath taking 😍
بجد مو يستاهلني .. 😍♥️
It is Really a Masterpiece
إذا حابين تشوفون المنتج فيديو شوفوا رابط الفيديو مصورة
الـ Unboxing
على قناتي باليوتيوب
إضغط على الصورة التالية :
تقدري تقدمي الفيديو إلى وقت فتح البوكس من الدقيقة 03:39
وبكذا أنتهى البوست وإن شاءالله يكون خفيف عليكم
ولو أني قرقرت شوي عليكم من ناحية الشحن ..
Youtube || My Last Purchases .. مشترياتي الأخيرة من سيفورا و نورد ستورم & Monica Vinader
صباح / مسا الخير ..
شلونكم شخبارك .. إن شاءالله دوم طيبين ومستانسين ..
هالمرة الفيديوعبارة عن مشترياتي الفترة الأخيرة من الأماكن التالية:
محل سيفورا اللي بهيفاء مول
وموقع Nordstorm
و موقع Monica Vinader
** ** **
تكلمت بصفة عامة عن مشترياتي من هذه الأماكن ورأي بالمنتجات ..
رأيكم وملاحظاتكم تهمني ..
لمشاهدة الفيديو اضغطي على اللصورة
Vlog #001
السلام عليكم ورحمة الله وبركاته ..
مسا /صباح الخير ..
إن شاء الله مبسوطين وكيف العيد وياكم ..
ممم ممم مم ..
مدري شلون أبدا ولكن بكل بساطة حبيت أعلن من منبري هذا أني فتحت قناة باليوتيوب ..
مبدئيًا رح تكون عبارة عن ڤلوقات ورحلات سفر وكل ما يهمني حالها حال المدونة ولكن على هيئة فيديو..
هذا رابط القناة ..
وأتمنى أنه ينال على رضاكم ..
Last days in Ramdan & Eid Celebration || آخر أيام رمضان & وتجهيزات العيد
أول ڤلوق كان عبارة عن يوم قضيته برمضان مع تجيهزات العيد ..
الظاهر أني آخر وحدة تنزل فيديو عن العيد بحكم مرضي في العيد ما قدرت اعمل ايديت على طول..
😅 فسويته بالوقت البدل الضايع
لا تحرموني من دعمكم لي بالاشتراك في القناة
وأعملوا لايك وكمنت اذا عجبكم الفيديو
والقادم أجمل بإذن الله..
Writing || الكتابة
wwww.onlydalya.com
Writing is the fuel of the human spirit ..
– Only Dalya ..
** ** **
الكتابة هي الوقود لروح البشر ..
Dalya Only..
** ** **
شارك/ي الاقتباس المناسب من وجهة نظرك لهذه الصورة ..
ME and Your Eyes || أنا وعيناك
كلماتك ترسلني إلى هناك ..
حيث لا هناك إلا أنا وكلماتك وعيناك..
.. .. ..
.. .. ..
شاركوني الكلام اللي جا ببالكم أول ما شفتو الصورة ..
The Past || الماضي
ويبقى شيء من “عبق” الماضي عالق بنا رغم الزمن..
شيء تعجز يد النسيان أن تطاله
يوم شفت الصورة شنو الكلام اللي طرى على بالك ..
.. يالله شاركوني
My Trip to Cairo – رحلتي للقاهرة
” Life will only change when You become more committed to Your Dreams than you are to Your Comfort Zone”
..
أهلين يا حلوين ..
أن شاء الله تكونو تمام وطيبين .. وبما أن هذه الفترة كثرت سفراتي فقررت أني أبدأ أدونها واحطها في المدونة لتعم الفائدة للجميع ونتشارك الخبرات ..
..
للمعلومية الموضوع طويل شوي من الأفضل تحضري مشروبك المفضل سواء قهوة أو شاي أو أي شي تحبينه وإن شاء الله تستمعي بقراءة التدوينة ..
.. .. ..
يالله نبدأ
.. .. ..
فجأة قررنا نروح مصر حق أسبوع تقريبا ١٠ أيام ..
ليه مصر تحديدًا ؟!!
بكل بساطة زيارة عائلية ومراجعة لدكتور الجلدية حقي..
***
اليوم الخميس الموافق ١٥-٠٣-٢٠١٨
الساعة ٢ونص توجهنا على المطار
قطعنا البوردنغ وتوجهنا على الصالة ..
ولأن هالسفرة كانت بس أنا ويوسف وعمي .. محمد ما كان معنا فما قدرت اصور كثير ..
يا دوب شربت لي قهوة نيسبريسو وتمر ويوسف قعدت اكله خبز ..
وشوي نادو على طيارتنا وطلعنا الطيار..
* * *
الحمدلله تم الصعود للطائرة..
في الطيارة يقدمون لنا القهوة والتمر..
مثل ما تعرفو السفر مع الأطفال مسئولية وتعب كبير ..
والحمدلله أن يوسف كان نايم ..
أقلعت الطيارة على موعدها بدون أي مشاكل..
***
بما أن يوسف نايم قعدت اتفرج فيلم بلال لأن المرة الماضية فوته بالغلط ،، عشان لا انسى اتفرجه فقررت
احط منبه بجوالي..
ممم والحمدلله ما نسيت ..
بجد .. بجد من أروع أفلام الإنمي اللي شفتها بحياتي .. الإخراج روعه والتفاصيل فوق الوصف .. مهما أقول
رح ابخس بحقه ..
حسيت بندم لأني فوته المرة اللي قبل ..
Bilal Movie
*أعذروني على رداءة التصوير لأن يوسف نايم علي ما قدرت اتحكم في زوايا الصور .. بس المهم اني وثقت التجربه 🙂
* * *
أحب اسافر بداية اليوم من الفجر أو العصر عشان اشهد الغروب أو الشروق..
اترككم تستمعون بصور السحب الجاية ..
على نهاية الرحلة الجميل صحي .. وقرر يتفرج على السحاب ..
مدري ليه هالسفرة حسيت بتعب كبير .. مع ان عمي مو مقصر معي الله يحفظه .. بس كان كل تفكيري اني أوصل للبيت وارتاح ..
وصلنا القاهرة بالسلامة .. واخذنا الأغراض ورحنا على البيت ..
آه أخيرا وصلنا البيت ..
طبعًا يوسف بيشوف عماته وجدته .. وجلسنا وسولفنا وتسلينا وخرجنا شوي اخذنا النواقص
وردينا البيت ..
طبعا ما طولنا بالخرجة لأنه جايين من سفر وعن نفسي نمت بدري بالأصح أغمي علي من التعب ونمت انا ويوسف ..
* * *
اليوم الثاني من الرحلة الموافق ١٦-٠٣-٢٠١٨
يوم الجمعة ..
صحيت بدري كعادتي ..
أول وحدة أصحى بالبيت 😂
وصلحت لي قهوة .. لزوم الروقان ..
واقعد افرفر في مواقع السوشيل ميديا اتفرج واشوف شنو قاعد يصير بالعالم ..
***
على بعد العصر تجهزنا لأنه كنا معزومين ورحنا مكان جميل اسمه نادي عزبة العرب ..
الظاهر أن أغلب المصريين مشتركين بأندية وكذا وهذا كان أحد الأندية المصرية اللي العوائل تشترك ، وفيه مجموعة من النشاطات مثل السباحة وهم بعد فيه حديقة حيوان مصغرة .. ومكان للألعاب
بصراحة حبيت المكان كثير .. تمنيت يكون عندنا انديه مثله ..
وردينا البيت بعد ما تعيشنا كلنا الحمدلله سهرنا شوي سوا وبعدين كل واحد دخل غرفته ونام
وأحلام سعيدة للجميع ..
وبكذا انتهى يومنا الثاني على خير وسعادة
* * *
اليوم الثالث الموافق ١٧-٠٣-٢٠١٨
يوم السبت ..
كالعادة أصحى بدري أول وحدة .. واصلح لي كوب قهوة ..
واصبح من طقوس جيتي لمصر أني أصور هذه الصورة 😂
أحس إذا ما صورت هذه الصورة جيتي لمصر ما تحتسب 🤪
طبعًا تطورت شوي وصورت صورة ثانية بشكل ثاني عشان لا تملون من البوزيشنات المتكررة..
اليوم كان خفيف رحت موعدي عند الدكتور كمراجعة سريعة وهو سبب جيتي لمصر وبعدها رجعنا البيت
وبآخر اليوم قررنا نروح مول قريب مننا وهو سيتي ستار ..
هالمول أحسه يحمل الأضداد .. حيث أنه في مناطق منه تحس بالرقي وأماكن تحس بالعشوائية ..
ممكن لهالسبب في ناس تحبه وناس لاء ..
أحيان يجيبون واحد يقعد يعزف على البيانو .. جدًا رائع وأنت تتسوقي تسمعي موسيقى رايقة جدا
وأحيان يقعد يعزف أغاني لأم كلثوم أو عبدالحليم عاد أنا امشي وأدن دن ..
الهدف من جيتنا الحين لهذا المول هو الغدا ورحنا تغدينا في مطعم هندي الظاهر انه تابع للفندق اللي لاصق بهالمول ..
واكله كان جيد ..
-
- www.onlydalya.com
بعد ما خلصنا .. طبعًا لازم نمر على
.. Starbucks حبيب الكل ..
Processed with VSCO with a5 preset
الغريب في الموضوع أن سعره جدًا رخيص مقارنة بعندنا ..
و الأجمل أن في هالمول بس فيه حول ثلاث فروع لستاربكس .. 💚
Processed with VSCO with a5 preset
Processed with VSCO with a5 preset
Processed with VSCO with a5 preset
ومن ضمن الفعاليات رحنا لعبنا يوسف
طبعًا لعب لين داخ ..
Processed with VSCO with a5 preset
تحت الأرض تقريبا دور للسينما جداً رائعة .. بس للأمانة ما مداني ادخلها لأن يوسف معاي ..
بس ناوية لطلعة رايقة مع محمد يصير ادخل السينما مع البنات ..
المهم قعدنا نفرفر لين دخنا .. وطبعًا جا وقت العشا وطلعنا الدور اللي فيه مطاعم ندور على مطعم ناكل منه ..
الحقيقة المرة بالنسبة لي في مصر أني ما أحب اكلهم ..
فأحيان كثير يغريني شكل المطعام بس احط ببالي أنه ممكن ما يطلع طعم فدايم أمشي ورا سحر وسمر في المطاعم اذا جيد أو لاء .. لأن ذوقنا واحد في الأكل ..
والحمدلله هم يجربوا وأنا بس علي أني ادخل وأكل 🤣😅😂🤪😋
المهم قررنا ندخل هالمطعم .. شكلا وطعمًا جميل ..♥️♥️♥️
Processed with VSCO with a5 preset
-
- Processed with VSCO with a5 preset
الحمد لله مسحنا الصحون ..
وبعدها توكلنا على بيتنا ..
وأنتهى اليوم الثالث ..
***
اليوم الرابع .. الموافق ١٨-٠٣-٢٠١٨
صحيت الصبح وجهزت لي فطور هالمرة قلت تغيير شوي
بعدين سويت لي قهوتي ..
وبحكم أنه وقت دراسة .. فقعدنا تقريبا أغلب الأسبوع بالبيت .. وهالشي أعشقه..
يعني أن خرجنا رحنا قضينا شي ضروري ورجعنا ما طولنا ..
أحب الاستكنان والروقان ..
على العصر كان الجو رايق .. اللي يدرس واللي مشغول بشغله .. وأنا وقتها يوسف كان نايم
فأستغليت الموضوع بأني قمت سويت لي قهوة
وقعدت اشخمط في دفتري ..وارتب افكاري حق المدونة .. 💜
وكان هاليوم هادي وجميل .. جلسنا سوا بالبيت وفليناها
وأنتهي..
***
اليوم الخامس الموافق ١٩-٠٣-٢٠١٨
الظاهر خلاص عرفتوا الروتين ..
صحيت الصبح على الساعة ١٠ جهزت لي كوب قهوتي وهالمرة حطيت معها قطعة تيشزكيك
عشان لا تملون 🤣
Processed with VSCO with a5 preset
هاليوم تقريبًا كان شوي حافل بحكم أن اليوم اللي قبله كان بالبيت فقررنا نخرج نتغدا برا ..
***
بعد كذا يوم ٢٠،٢١،٢٢ كان كله بالبيت وكان نفس الروتين ..
***
يوم ٢٣-٠٤-٢٠١٨ الموافق يوم الجمعة وهو اليوم اللي ما قبل السفر ورجعتنا لجدة
.. كالعادة صحيت الصبح سويت لي قهوة وقعدت مع يوسف
لين جا وقت الغدا .. وطبعًا بما أنه جمعة فأكيد بيكون الغدا برا ..
قررنا نروح كايروا فيستفال Cairo Festival
وكان لم شمل العيلة الجميلة مع الأصدقاء ..
***
هذه صور لنفس المول بس كانت في راس السنة .. طبعًا كانت اجمل ..
***
رحنا على جهة المطعام ..
المطعم اللي اخترناه اسمه عنب مطعم لبناني بصراحة أكله جدا رائع ..
جلساته الخارجية جدا جيدة بس عشان الجو حار قررنا ندخل جوا
وللأسف ليتنا جلسنا برا .. لأن جوا من كثر الناس اصبح مكتوم ..
( 🤪 صورة الطفل اللي بالعربية مو يوسف )
***
هذه صور للمطعم في راس السنة ..
بعدين سوينا شوبنغ صغير ..
Processed with VSCO with a5 preset
وبعد ما خلصنا رجعنا البيت عشان نستعد للسفر..
***
اليوم الأخير.. الموافق ٢٤-٠٤-٢٠١٨ يوم السبت
صحيت الصبح وقعدت مع نفسي شوي عشان ارتب اموري وكان عندنا سفرة بعد أسبوع من رجعتنا من مصر ..
طبعًا يوسف إلا يبي يطلع في الصورة ..
..
وجا وقت روحة المطار ..
ونحن في المطار نبي نقطع البوردنغ نكتشف ان راحت علينا الرحلة ..
واضطرينا نطلع مرة ثانية من المطار عشان ندخل ثاني بتفتيش جديد مدري مين اللي مخترع هالنظام بس مرررة شين
وضبطنا الحجوزات .. والحمدلله لقينا بنفس اليوم رحلة بس كانت بعد تقريبا ٣ ساعات ..
قطعنا البوردنغ وكل شي وقعدنا في الصالة الخاصة فينا ننتظر موعد رحلتنا..
هالمرة يوسف كان جدا متضايق ومو مرتاح وطبعًا كنت على اعصابي بحكم أن محمد ما جا معي في السفرة هذه
وماشاء الله عليه يوسف كان بس يصيح بأعلى صوته كرهت عمري وقتها .. وقضيت كل وقتي بصالة الالعاب حق الاطفال
Processed with VSCO with 5 preset
الحمدلله عدا الموضوع على خير وطلعنا الطيارة ،،
ويوسف نام ..
ووصلنا لأرض الوطن ..
وانتهت الرحلة على خير ..
اللي زار/زارت مصر شنو افضل الأماكن اللي رحتوها وتنصحوني أروحها..
Positive Energy .. طاقة إيجابية
Be the energy you want to attract
كون الطاقة اللي تبي تنجذب لها ..
اتمنى لكم طاقة إيجابية
A day in My life..
I have something a bit different for you today ..
لأن هالمدونة عزيزة وقريبة كثير لقلبي وهي خاصة فيني فحبيت أخليها تحمل طابع خاص فيني بعد ..
وبكذا .. حبيت أشارك معكم يوم بحياتي ..
رح أكتب تفاصيل هاليوم بكل ما فيه من إيجابية أو سلبية أعذروني 🙂 .. والسبب اللي خلاني اندفع واتحمس واكتب هالموضوع هو إني مشتركة بقروب خاص بالبلوقرز وكان فيه تحدي نكتب مواضيع معينة .. وحبيت أشارك معهم وأخترت هالموضوع ..
مع العلم أن هالموضوع كان يقرقع بقلبي من زمان بس كنت أقول يا بنت الناس بلا خبال بس يوم شفت مواضيع البنات تحمست كثير وقلت يالله قدام ..
.. وقبل لا ننسى يالله جهزوا مشروبكم المفضل واستمتعوا ..
www.onlydalya.com
اخترت هاليوم بعشوائية .. السبت الموافق ٣ مارس، ٢٠١٨
My Morning Routine
أولاً ببدأ بروتين الصباح الخاص فيني ..
المنبه يدق على الساعة ٧ صباحًا و أحيان يوسف هو اللي يصحيني بصوته الجميل .. واليوم كان يوسف حبيبي هو اللي مصحيني ..
قمت غيرت له ورضعته وكمل نوم .. والحين النوم طاير من عيني وقبل ما أنام كان موضوع البلوق يلعب بعقلي فقررت إني اكتب فيه ..
قمت فرشت اسناني وسويت لي قهوة ،،
والحين قاعدة على مكتبي المؤقت أسمع موسيقى هادية واتفرج على حسابي انستقرام و مع حماسي لموضوع اليوم قمت وتكلمت في الستوري حق انستقرام بصوتي .. مو دايم اطلع بصوتي ولكن هالمرة حسيت اني تجرأت ..
جنبي ع الطاولة مفكرة جاتني هدية بمناسبة السنة الجديدة فتحتها وقمت كتبت بداية مقدمة هالموضوع .. بعدين دخلت على حساباتي الثانية تويتر والفيس بوك والتمبلر ..
www.onlydalya.com
تقريبا عدا ساعة ع الموضوع والحين الساعة صارت ٨:٤٥ دقيقة صباحًا وقاعدة افر في النت اتصفح المواقع اللي تهمني كمشتريات وبنترست عشان ببالي بروجكت أبي احط الأفكار الرئيسية واشوف البدجت حقته عشان ابدأ فيه ..
* وبيني وبينكم في بالي احط هالبروجكت كمان هنا بالمدونة وإذا تحمست زيادة اصوره فيديو بعد ..
فجأة تذكرت أني ما كتبت مهام اليوم والأسبوع ..
-
- onlydalya.com
الحين صارت الساعة ٩ صباحا ويوسف صحى .. والحين وقته لازم اكله/ارضعه ونقعد سوا وبحكم أن اليوم سبت وهو إجازة يعني بنقضي الوقت سوا كعيلة ..
بالنسبة لروتين العناية بالبشرة في الصباح اختصرته بعد ولادتي بيوسف وأصبح أفرش أسناني وبعدين أقوم استخدم الكلنزربفرشة الكلاراسونك وبعدين اغسله ما اكثر لأن بالليل هو الشغل المضبوط ..
www.onlydalya.com
بعد ما غسلت وجهي اروح تسريحتي واحط مرطب ڤايتامين لبشرتي واكمل واسوي مساج لها وأحط مرطب شفايف وخلصت ..
www.onlydalya.com
إذا حبيت اسوي ميك اب صباحي فاستخدم سي سي حق شانيل .. احبه خفيف ويعطي لوك ديوي .. ومسكرة واسوي حواجبي واحط مرطب شفايف أو روج على حسب المود ..
www.onlydalya.com
حاليا هذا روتيني الصباحي ..
بالنسبة ليوم السبت المفروض يكون عند أهلي نتغدا ولكن بما أن الماما والبابا قرروا يسافروا على تركيا فالحين اصبح الجدول فاضي .. ولسه ما قررنا شنو نسوى 🙂
طبعا بعد اللعب نمنا مرة ثانية كلنا .. والحين انا صحيت والساعة ١٢:١١ الظهر ..
My Day Routine
الحين الظهر الساعة ٢ ..
أختي قبل شوي اتصلت فيني تأكد نجي عندهم البيت نتغدا .. لأن أختي الصغيرة بتجي تطبخ .. طبعًا أنا بقمة الإنشكاح عشان مارح اطبخ 😂 احس حرام اختي الحامل هي اللي بتقوم تطبخ وأنا الكبيرة مع نفسي .. الظاهر أن أمي جابتني أول وحدة بالغلط المفروض أنا آخر العنقود
*صار تعديل .. تغدينا بالبيت يعني أنا سويت الغدا 🙃.. وبعدين رحنا تقهوينا ببيت ماما وفليتها أنا وخواتي طبعا ما مداني اصور شيء .
خرجنا من البيت على الساعة ٤ العصر مريت على سينابون الظاهر أن أختي الثانية متحومة على سنابون متصلة فيني تقولي وانت جايا مري عليه وجيبي لنا قلت لها ابشري ..
وهذا أحلى سينابون ..
www.onlydalya.com
وسوينا قهوة وأكلناه مع السينابون وجلسنا نسولف ونفل وكانت أحلى فلة مع خواتي وعيالهم
My Night Routine
بعد العشا رحنا الريدسي مول تعشينا وغيرنا جو شويتين
-
- Processed with VSCO with a6 preset
ورجعنا البيت على الساعة ١١ المساء كنت طافية وقتها بمعنى الكلمة .. وما صدقت يوسف كان نايم على طول وصلنا البيت حطيته بالسرير .
www.onlydalya.com
بالنسبة لروتين المسا.. فأول شي استخدم مزيل الميك اب ..
www.onlydalya.com
وبعدها اغسل وجهي بالكلاراسونك وافرش اسناني
www.onlydalya.com
بعدين انشف وجهي وبعدها ابدأ احط التونر ثم الكريم ..
وقبل النوم احط كريم النوم وهو آخر خطوة لي في العناية ..
-
- onlydalya.com
بعدين اروح اجهز بجامتي حق النوم واتعطر واستعد للنوم ،،
www.onlydalya.com
إذا حبيتوا اكتب موضوع منفصل عن روتين عنايتي اليومية والأسبوعية وتفاصيل اكثر عن المنتجات وإيش تسوي ومن وين اكتبوا في التعليق ،،
وبكذا ينتهى يومي بأجمل ما يكون ولا شيء من هذا كله كان مخطط له .. ولا أصلا كنت مخططة أني أكتب هالتدوينة في هذا اليوم ولكن قلت خلاص ..
وكان يوم جميل ..
والحين الساعة ٨ الصبح صحيت بدري عشان اكتب اللي صار على آخر جزئية قبل ما أنسى ..
https://onlydalya.com
بالأخير أتمنى أنكم ما مليتوا من قراءة يومي
وأتمنى لكم يوم سعيد ..
Ikea Purchases .. مشترياتي من آيكيا
أهلين ..
كيف الحال ؟!! إن شاء الله تمام وعال العال ..
اليوم الموضوع اللي بحكي عنه يمكن كثير ناس تكلمت فيه لين ممكن للبعض اصبح ممل بالنسبة له ..
واللي هو مشترياتي من آيكيا ..
بس هالمرة مشترياتي موب أثاث واكسسوارت منزل !!
هالمرة شريت اكل من عندهم !! ما أقصد المطعم .. اللي اقصده قسم الأغذية 😂
المهم قبل لا نبدأ نجهز قهوتنا عشان نستوعب شنقول 😉
المهم قبل لانبدأ نجهز قهوتنا عشان نستوعب شنقول ..
onlydalya.com
بصراحة على كثر ما أروح آيكيا .. واشوف قسم الأكل الا عمري ما رحت وشريت غير الشوكولاته اللي قالي عليها محمد وامشي بدون لا افكر او حتى ألقي نظرة على المنتجات بحكم اني أكون تعبانه وودي اطلع او مستعجلة ..
ولكن هالمرة تغير الوضع يمكن بحكم اني كنت ابي اسكت يوسف عبال ما محمد يحاسب قلت خلني اروح اشتري له شوكولاته وكذا ..
وأنا ماشية لفت عيني الشوفان .. 😍 وبصراحة نقطة ضعفي خصوصا أنه فيه التوت الأزرق والفواكة الثانية اللي يحبها قلبي ..
لذلك قمت قشيت مثل اللي في الصورة ..
وقلت خلني اجرب موب خسرانه ابد 😌 ..
كل هذه الأشياء ماجات١٠٠ريال بالضبط طلع لي٧٢ ريال فقط .. 🤓
المهم نبدأ بحبيب القلب ..
الشوفان .. 😻♥️
بجد شهادتي فيه مجروحة ..
من كثر انه طعم صرت اكله بروحه وكرنشي كذا يقرمش وحتى ان حطيت معه حليب واكلته على طول عشان لا يتشربه
الحليب كثير فيه شوي قرمشة ..
لذيذ لذيذ لذيذ ..
أتعب وأنا أقول أنه لذيذ ..
وسعره هم بعد لذيذ .. في حدود الـ ٣٠ ريال ما تتعدى ٣٥ ريال ..
شايفين شكثر شكله لذيذ .. هذا وأنا ضايفة الحليب وهو مقرمش ..
وفي هذه الصورة أضفت عليه عنب أسود بدون بذر …
يا قلبي ما أقول شكثر لذيذ ..
بجد ما أبالغ هذا ذوقي وأنا حرة فيه بجد اطعم شوفان ذقته .. خفيف وهش ..
💜💜💜💜
ونجي للمنتج إللي بعده ..
بسكوت بالزنجبيل .. 🧐
حبيته .. وحاولت اتفلسف فيه وقمت حطيت فوقه جبنة بيضاء مع أوراق من النعناع ورشة كمون ..
بالبداية طلع اليم .. بس بعدين ما قدرت استسيغه 🤪
بس الحقيقة شكله كان مشهي ..
والحقيقة أنه طعم بروحه بدون الإضافة والفلسفة اللي سويتها .. يعني لو كان مالح كان تمام..
كم سعره ؟!!
بصراحة ما اذكر ولكن سعره جميل وخفيف ..
هل انصح فيه أي .. لكن في اللي احسن منه بكثير ومراحل وهو المنتج اللي بعده ..
بسكوت بالقرفة
هذا البسكوت الجميل واللذيذ كل عيلتي حبته وخصوصا يوسف القلب ♥️
صار كل ما يشوفه يعطيه شهقة ويصفق بيدينه فديت قلبه والله
كميته كبيرة وسعره هم بعد حلو بس ما اذكر بكم لأن الحقيقة والواقع إني رميت الفاتورة بالغلط .. 😤
هل أنصح فيه نعم وبقوة .. يكفي أن يوسف عجبه 😋😉
يذوب في الفم ويقرمش وحلاوته لذيذة يعتبر من البسكوتات الحالية لكن حلاه موزون
ما يغث ابد ..
والحين نجي للكلام الكبير .. الشوكولاتات ..
♥️♥️ ♥️♥️
هالشوكالاته .. لذيذة .. وطعمة ↡
اعطيها ٨،٥ من ١٠ .. رح اشتريها اكيد مرة ثانية
.. ..
أما هذا النوع من الشوكولاته ..
فهو طعم ولذيذ بس مو مثل الأولى أطعم منهم
بكثير يعني الأولي ماعندي مشكله اتعنى لها
بس هذولي لاء يعني ممكن ما اشتريهم واجرب أشياء ثانية بدالهم ..
.. ..
وبس في الختام ان شاء الله ما أكون ثقلت عليكم أو اني غثيتكم بموضوع قديم ..
وابيكم تشاركوني بمشترياتكم اللي شريتوها من قسم الأغذية في آيكيا ..
شنو تنصحوني ؟!!!
♥️♥️ ♥️♥️
آخر صورة مع الحبيب ..
My weekend Coffee ..
لقيت أن قهوتي تخلي أيام الأسبوع ممكنة .. لكن تخلي نهاية الأسبوع أجمل .. 💜💜
“ I’ve found that my coffee makes my weekdays possible but it makes my weekends beautiful” 💜💜
Some People .. بعض الناس 💜
onlydalya.com
“ Some people arrive and make such a beautiful impact on your life, you can barely remember what life was like without them “
.. .. ..
بعض الأشخاص لمن يدخلوا حياتك ويتركوا أثر جميل فيها .. بالكاد تذكر كيف كانت حياتك بدونهم..
Coffee is .. القهوة هي
onlydalya.com
Coffee is self care.
It’s a way to say to your self,
” I Love You. I want you to be Happy. Here’s a little something to make your day better.
Please don’t get arrested”.
.. .. ..
القهوة هي رعاية ذاتية ..
ووسيلة عشان تقولين حق نفسك ..
أنا أحبك، وأبيك تكونين سعيدة، وهذا شيء بسيط عشان تخلي يومك أفضل..
إنتبهي لا يقبضوا عليك ..
Coffe & Book,, قهوة وكتاب
صباح الخير .. مساء الخير ..💜
موضوع اليوم فضفة من القلب ..
بس يبيلكم تكونوا فاضيين ومعاكم قهوتكم أو المشروب المفضل عندكم ..
انا جهزت قهوتي عشان أبدأ ..
onlydalya.com
عندما سُئلت: لماذا تقرأين؟
أجابت: أقرأ بحثًا عن المعلومة عندما أشقى بجهلي، وبحثًا عن المتعة عندما أشقى بالواقع من حولي ..🧐
لـ د. فهد المطيري ..
.. .. ..
في الفترة الأخيرة انتشر كثير موضوع الإشاعات والأخبار الكاذبة .. للأسف واتساب اصبح مرجع لكل شخص فلان قال وفلان سوا وكأنه مرجع موثق .. وبالحقيقة هو منبع الإشاعات ..🤨
يمكن كثير ناس ما تهتم بنقل الأخبار الكاذبة بس هل قد فكرت بيوم أن هالخبر اللي ينشره ممكن يضر عيلة ويفكك أسر
العالم الافتراضي عالم واسع ويظن البعض أنه بمجرد ما الموضوع في النت بأنه ما رح يأثر وأنه هو شخص مجهول محد رح يقدر يوصله .. بس للمعلومة يا أخي ..😔
كثير ناس بسبب مسج، تويت، تعليق في فيسبوك ، راحوا فيها وانسجنوا سنوات كثير 🙄.. ومنها الابتزاز ونشر صور ناس بدون إذن ..😞
وعلى بالهم عن العالم الافتراضي .. عالم خيالي كل واحد يطلق الشر اللي فيه وما رح ينصاد..
للأسف هنا التربية لها دور فعال وكبير .. يأثر ع المجتمع بطريقة أو بأخرى..😩
واللي يقهرني واعصابي تنفلت وما اقدر امسكها يوم ألقى كل شخص يدلوا بدلوه ويفتي على كيف أهله ..
هذا حلال وهذا حرام بناء على مسج جاته تضمن حديث ضعيف حتى ما تعب نفسه بالبحث والتأكد من صحته ..
أو اللي يدرعم ويقول هذا مو من عاداتنا وأعرافنا ..🤯
يا حبيبي العادات تختلف بين قبيلة وأخرى وبين عيلة وعيلة تختلف .. تبي تطبق عاداتك واعرافك على دولة كاملة ؟!!😤
وين النظام وين القانون .. بالأخير ترا حنا بدولة فيها قانون ..😎
لذلك أي شخص يقولي سمعت فلان يقول أذوني على طول تتقفل وما اكمل وبس اخذ وضعية المستمع ..
متى أبدأ اسمع وأناقش يوم ألقى شخص يقولي بحثت وتوصلت لهالشي .. يبتدي عندي هنا متعة النقاش
أرفع قبعة الاحترام له ولوقته حتى لو بحثه وصله لطريق مسدود مع الوقت رح يوصل للطريق الصح ..
لكن المهم أنه بحث وقرأ .. مو بس يسمع من فلان وعلان وكأنهم رسل ما يخطون ..
وبالنسبة للبنات .. أغلب البنات همهم الشكل لكن المحتوى فارغ ..👠💅💄🤳🏻
جميل إنك تهتمين بشكل وبمظهرك .. بس هم بعد مثل ما تهتمين بشكلك إهتمي بعد بعقلك
لا تصيرين فارغة من الداخل ..
وبس ..
.. ..
السبب اللي خلاني أتطرق لهالموضوع بأحد القروبات في وحدة تتناقش مع وحدة ثانية وكان رد هالبنت أنه ماتبي تعلق أو حتى تحط إعجاب على صورة فيها امرأة عشان لا تأخذ ذنب ؟!!!!!!!!
كان بس ودي أقولها وين عقلك ؟!!!!!🤯🧐
ولو تشوفون حسابها أنواع التناقض بس .. حاطة صور لاعبين طيب يعني الحين ما رح تاخذين ذنب بمفمومك يوم تحطين صورة لشاب ممكن بنت تعجب فيه ؟!!!!!!!!!!!🤨🤪
بدل ما ننشر هالخرابيط .. خلونا نتفق وننشر الاجابية ونرتقى شوي ونرفع من شأننا ..
وبس شاركوني آرائكم وهل في يوم صارلكم موقف تأذيتوا من هذه الفئة من الناس ؟! ..
هنا بجد وبس .. وأشوفكم بموضوع ثاني ..💜
Life .. الحياة
onlydalya.com
” الحياة لا تعطينا كل ما نحب .. ولكن من نحبهم يعطونا الحياة .. “
💜💜💜
“Life does not give us everything we love .. But those we love give us the life ..”
My Favorite Oat Brand .. أفضل ماركة چرانولا
Good Morning ,, صباح الخير
onlydalya.com
كيفكم يا حلوين..
بما أن الأجواء الحين بدت تصير شتوية ودرجة الحرارة بتقل حبتين ..
فالطاقة عندي بتقل وكل ما تكون الجلسة ع السرير اكثر 😂 طبعا بتكلم عن نفسي أنا 😁..
وبما أني معطيه حق نفسي بريك خفيف فقلت يالله نسوي فطور محترم ونتربع على السرير طول الصبح 😍♥️
وكفطور دائما يفوزعندي الشوفان / الچرانولا بأي طريقة كانت وأصبح يوسف مثلي 😍 ..
onlydalya.com
وللأسف اكثر مشكلة تواجهني هو أني اسوي فطور حق نفسي .. ويكون صحي وما يسمن لاني بصراحة بديت اسمن هذا ان ما سمنت خلاص .. ومشكلتي كسولة مافيني للخرابيط الكثير .. صحيح احيان يجيني مود ابي ابدع بس مو دايم ..
جربت كثير منتجات ودايم يبيلها شغل كثير ..🤨
بودّي بشي بس أضيف له حليب بارد بدون ما اسخنة وخلاص واهم شي يكون لذيذ .. أو اضيف زبادي يوناني .. يعني أي اضافة بسطية بس مو شغل كثير ..🤪
بالامس كنت بمانويل اشتري اكل ليوسف .. قلت خلني امر جهة السيريالز واشوف لي شي كتغيير .. وفجاة عيني طاحت بهالمنتج الجميل شكلاً وطعمًا❤️
والله حتى سعره حلو مو حامض 😂👌🏽❤️
onlydalya.com
والاهم من كل هذا .. انه سهل التحضير فقط أضيف الحليب وفيه كل المكونات اللي احبها من مكسرات وفواكه وبكذا يكون قضينا وقدنا ناكل ❤️
فيني طبع مو جيد .. عيني تاكل قبل بطني، يعني بكل بساطة ممكن ما اكل عشان شكل الاكل ما اعجبني 😓
طبيعية ولا مو طبيعية !!؟ 🙂 ..
المهم وانا قاعدة اكتب الحين قاعدة استمتع بأكله وجا ببالي اضافات حلوة تفتح النفس اكثر .. 💜
ليتني شريت التوت الازرق والأسود والأحمر بعد عشان لا تزعل وارشهم فوق الطبق بيطلع شي خرافي ..
يالله مرة ثانية إن شاء الله ..
onlydalya.com
مدري هنا حسيت ان تصويري تصوير إعلاني .. بس بجد هذا مو إعلان ولا درو عن سما داري 😅🤣
لا اطول عليكم .. شلون تحصلون هذا المنتج الجميل ..بيكون في مانويل جهة السيريالز
قيمته بـ 36.22 ريال ممكن البعض يشوفه غالي بس انا اشوفه على كل هالمواصفات فهو كسعر اوك مع العلم انه لو كان في اي بلد ثاني بيكون أرخص كثير ..💜
🙄
في حاجة تقرقع بقلبي من زمان ودي افهم ليه برا اسعارهم مع الضرايب يطلع ارخص من عندنا وعاد هنا بدون ضرايب .. اجل الحين والوضع تغير مع الضرايب وين بتوصل الاسعار .. الله يستر ..💔
شكله نهايتنا صيام .. عاد صدق يمدحوه صحي وينحف وله فوائد كثير .. ❣️
onlydalya.com
وبس .. هذه اخر صورة شكل الشوفان من قريب .. بجد شكله يحمس للأكل ..
يالله شاركوني شنو الفطور المفضل عندكم !!؟؟
وبس مو حابة اكثر حكي ونخلي البوست شوي خفيف..😋😊
واشوفكم في موضوع ثاني قريب 💜
My Brwon Coffee|| قهوتي السمراء
onlydalya.com
للقهوة حكايات .. نكهتها ذكريات ..
وحنين لأناس .. معهم كنا .. وكانوا لذة الحياة .. ومازالوا ..
*مقتبس بتصرف ..
Good Morning.. صباح الخير
onlydalya.com
Don’t start your day with the broken pieces of yersterday.
Every morning we wake up is the First day of the Rest of our Life.
لا تبدأ يومك بقطع مكسورة من الأمس..
كل صباح نصحاه هو اليوم الأول من باقي حياتنا..
.. ..
سلامتكم .. Peace
Happiness is .. السعادة هي
السلام عليكم ..
كيف الحال إن شاء الله طيبين ومبسوطين وبقمة سعادتكم يا رب ..
في موضوع مقرقع بقلبي له فترة ويمس كثير الحالة النفسية عند كل شخص فينا ..
ألا وهو تعريف السعادة عند الشخص ..
طبعًا الموضوع فلسفي شويتين فلذلك الأفضل كل واحد يحضر الكافيين حقه ( قهوة/شأي) ..
Jeddah 13, January 2018
كل شخص له مفهومه الخاص بالنسبة للسعادة .. البعض يشوف السعادة بوجود أشخاص في حياته والبعض الآخر يشوفها في الماديات ..والبعض يشوفها بانه يتملك بيت العمر .. أو الحصول على وظيفة .. والقائمة تطول ..
من وجهة نظري أشوف أن السعادة ممكن نلقاها في كل شيء.. يعني نحن اللي نصنع السعادة .. ما اقدر احصرها في شيء واحد أحس إني اظلمها ..
يعني مثلا ..
أكون بقمة سعادتي يوم اصبح على يوسف وأشوف ابتسامته العريضة مرسومة على وجهه .. أو أكون مع زوجي سهرانين وفالينها محشات وسواليف واستهبال ..
أكون سعيدة يوم أسوي كوب قهوة وأقعد في ركني الخاص بكل هدوء وأقرالي كتاب ..
أو إني التقط صورة بكمرتي مثل ما كنت أتخيل..
أو أني اخرج وامشي على البحر ..
أصحى الصبح وأكون بعافيتي والحمد لله ..
أكيد طبعا السفر .. انا من عشاق السفر
أو،،
أو،،
أو،،
كثيرة هي اللحظات اللي نكون فيها سعيدين واحس حرام نحصر السعادة في المال أو وجود أشخاص معينين بحياتنا ..
حيث مؤخرًا لاحظت اكثر الناس كل همها المادة وبس .. صحيح المادة مهمة بس هم بعد في أشياء ثاني مهمة .. وأتوقع أن سبب شعورهم بهالشي ممكن لأنه/لأنها تتابع ناس على السوشيال ميديا مظهرين جزء بسيط من يومياتهم وودها/وده إنهم يعيشون بنفس وضعهم وما يدروا هذولي شنوا عندهم..
في النهاية بدون مثاليات..
استمتع بكل لحظة واخلق السعادة ولا تنتظر السعادة من أحد ..
سوي الشي اللي يخليك مبسوط وسعيد وبنفس الوقت خلك واقعي يعني مو تقول أن سعادتي مثلا بأن تشتري شيء فوق طاقتك المادية ..
حبة حبة ورح توصل للي تبيه .. يعني ما أقول لا تصير طموح بالعكس لكن بوضعك الحالي لا تكلف/تكلفي نفسك فوق طاقتها ..
بالأخير هذا مو معناته ما رح نكون تعيسين وحزينين طول الوقت.. إلا ما تجي أوقات ما نقدر نتحكم بمشاعرنا لكن لا تطول مرحلة الحزن والزعل .. نطلق العنان لمشاعرنا شوي من حزن وكئابة بس المهم انه لا تطول عشان لا تصير اغلب حياتنا على هذا المود ..
وبس ..
ويارب يكون الموضوع خفيف وما طولت عليكم كثير بالحكي ..
و أشوفكم على خير يا رب وكل حياتكم سعادة في سعادة ..
The wisdom of life .. حكمة الحياة
If you are depressed, you are living in the past.
If you are anxious, you are living in the future.
If you are at peace, you are living in the present.
– Lao Tzu
إذا كنت مكتئب، فأنت عايش في الماضي ..
إذا كنت قلق، فأنت عايش في المستقبل ..
إذا كنت في سلام، فأنت عايش في الحاضر ..
