My Exile Morning | عزلتي الصباحية

My Exile Morning | عزلتي الصباحية

What’s coming is better than what is gone

في السابق كنت ولا زلت أفضل قضاء صباحاتي
بعزلة عن العالم..
وكنت دائما ما استيقظ قبل الجميع حتى استمتع بهذه العزلة اللذيذة..

ولكن في الفترة الأخيرة استصعب علي ذلك وأصبح يوسف ورهف يستيقظون بوقتي وأحيانًا أخرى قبلي فأصبح من الصعب الاستمتاع بعزلتي الصباحية ..

ولكن أكتشفت عزلة جديدة لذيذة معهم فيها من النشاط والموسيقى أجمل من عزلتي السابقة ..

فأصبحت أعتزل العالم بيوسف ورهف وقهوتي ..
نرقص على أصوات الموسيقى وضحكاتنا تعلوا المكان ورائحة القهوة تعطر الأجواء ..




21/02/2020

Follow:

Youtube || My Last Purchases .. مشترياتي الأخيرة من سيفورا و نورد ستورم & Monica Vinader

Youtube || My Last Purchases .. مشترياتي الأخيرة من سيفورا و نورد ستورم & Monica Vinader

Screen Shot 2018-08-16 at 8.12.51 AM

 

صباح / مسا الخير ..

شلونكم شخبارك .. إن شاءالله دوم طيبين ومستانسين ..

 هالمرة الفيديوعبارة عن مشترياتي الفترة الأخيرة من الأماكن التالية:

محل سيفورا اللي بهيفاء مول

وموقع Nordstorm

و موقع Monica Vinader

** ** **

تكلمت بصفة عامة عن مشترياتي من هذه الأماكن ورأي بالمنتجات ..

رأيكم وملاحظاتكم تهمني ..

لمشاهدة الفيديو اضغطي على اللصورة

Screen Shot 2018-08-16 at 8.12.51 AM

Follow:

Writing || الكتابة

Travel dairy .. dairies .. www.onlydalya.com

wwww.onlydalya.com


Writing is the fuel of the human spirit ..
– Only Dalya ..

** ** **

الكتابة هي الوقود لروح البشر ..

Dalya Only..

** ** **

شارك/ي الاقتباس المناسب من وجهة نظرك لهذه الصورة .. 

Follow:

ME and Your Eyes || أنا وعيناك

ME and Your Eyes || أنا وعيناك

680039AE-3B46-472B-B6DE-B440BE5534DE.JPG

كلماتك ترسلني إلى هناك ..
حيث لا هناك إلا أنا وكلماتك وعيناك..

.. .. ..

IMG_3043.JPG

.. .. ..

 

شاركوني الكلام اللي جا ببالكم أول ما شفتو الصورة ..

 
 

Follow:

The Past || الماضي

The Past || الماضي

Processed with VSCO with kx4 preset

ويبقى شيء من “عبق” الماضي عالق بنا رغم الزمن..
شيء تعجز يد النسيان أن تطاله
يوم شفت الصورة شنو الكلام اللي طرى على بالك ..
.. يالله شاركوني

IMG_2496

Follow:

My Trip to Cairo – رحلتي للقاهرة

My Trip to Cairo – رحلتي للقاهرة

” Life will only change when You become more committed to Your Dreams than you are to Your Comfort Zone”

..

أهلين يا حلوين ..

أن شاء الله تكونو تمام وطيبين .. وبما أن هذه الفترة كثرت سفراتي فقررت أني أبدأ أدونها واحطها في المدونة لتعم الفائدة للجميع ونتشارك الخبرات ..

..

للمعلومية الموضوع طويل شوي من الأفضل تحضري مشروبك المفضل سواء قهوة أو شاي أو أي شي تحبينه وإن شاء الله تستمعي بقراءة التدوينة ..

.. .. ..

يالله نبدأ

.. .. ..

فجأة قررنا نروح مصر حق أسبوع تقريبا ١٠ أيام ..

ليه مصر تحديدًا ؟!!

بكل بساطة زيارة عائلية ومراجعة لدكتور الجلدية حقي..

***

اليوم الخميس الموافق ١٥-٠٣-٢٠١٨

الساعة ٢ونص توجهنا على المطار

قطعنا البوردنغ وتوجهنا على الصالة ..

Processed with VSCO with a5 preset

ولأن هالسفرة كانت بس أنا ويوسف وعمي .. محمد ما كان معنا فما قدرت اصور كثير ..

يا دوب شربت لي قهوة نيسبريسو وتمر ويوسف قعدت اكله خبز ..

وشوي نادو على طيارتنا وطلعنا الطيار..

* * *

الحمدلله تم الصعود للطائرة..

في الطيارة يقدمون لنا القهوة والتمر..

مثل ما تعرفو السفر مع الأطفال مسئولية وتعب كبير ..

والحمدلله أن يوسف كان نايم ..

أقلعت الطيارة على موعدها بدون أي مشاكل..

***

بما أن يوسف نايم قعدت اتفرج فيلم بلال لأن المرة الماضية فوته بالغلط ،، عشان لا انسى اتفرجه فقررت

احط منبه بجوالي..

ممم والحمدلله ما نسيت ..

Processed with VSCO with a5 preset

بجد .. بجد من أروع أفلام الإنمي اللي شفتها بحياتي .. الإخراج روعه والتفاصيل فوق الوصف .. مهما أقول

رح ابخس بحقه ..

حسيت بندم لأني فوته المرة اللي قبل ..

Processed with VSCO with a5 preset

Bilal Movie

*أعذروني على رداءة التصوير لأن يوسف نايم علي ما قدرت اتحكم في زوايا الصور .. بس المهم اني وثقت التجربه 🙂

* * *

أحب اسافر بداية اليوم من الفجر أو العصر عشان اشهد الغروب أو الشروق..

اترككم تستمعون بصور السحب الجاية ..

This slideshow requires JavaScript.

على نهاية الرحلة الجميل صحي .. وقرر يتفرج على السحاب ..

Processed with VSCO with a5 preset

مدري ليه هالسفرة حسيت بتعب كبير .. مع ان عمي مو مقصر معي الله يحفظه .. بس كان كل تفكيري اني أوصل للبيت وارتاح ..

وصلنا القاهرة بالسلامة .. واخذنا الأغراض ورحنا على البيت ..

آه أخيرا وصلنا البيت ..

طبعًا يوسف بيشوف عماته وجدته .. وجلسنا وسولفنا وتسلينا وخرجنا شوي اخذنا النواقص

وردينا البيت ..

طبعا ما طولنا بالخرجة لأنه جايين من سفر وعن نفسي نمت بدري بالأصح أغمي علي من التعب ونمت انا ويوسف ..

* * *

اليوم الثاني من الرحلة الموافق ١٦-٠٣-٢٠١٨

يوم الجمعة ..

صحيت بدري كعادتي ..

أول وحدة أصحى بالبيت 😂

Processed with VSCO with a5 preset

وصلحت لي قهوة .. لزوم الروقان ..

Processed with VSCO with a5 preset

واقعد افرفر في مواقع السوشيل ميديا اتفرج واشوف شنو قاعد يصير بالعالم ..

***

على بعد العصر تجهزنا لأنه كنا معزومين ورحنا مكان جميل اسمه نادي عزبة العرب ..

الظاهر أن أغلب المصريين مشتركين بأندية وكذا وهذا كان أحد الأندية المصرية اللي العوائل تشترك ، وفيه مجموعة من النشاطات مثل السباحة وهم بعد فيه حديقة حيوان مصغرة .. ومكان للألعاب

بصراحة حبيت المكان كثير .. تمنيت يكون عندنا انديه مثله ..

وردينا البيت بعد ما تعيشنا كلنا الحمدلله سهرنا شوي سوا وبعدين كل واحد دخل غرفته ونام

وأحلام سعيدة للجميع ..

وبكذا انتهى يومنا الثاني على خير وسعادة

* * *

اليوم الثالث  الموافق ١٧-٠٣-٢٠١٨

يوم السبت ..

كالعادة أصحى بدري أول وحدة .. واصلح لي كوب قهوة ..

واصبح من طقوس جيتي لمصر أني أصور هذه الصورة 😂

أحس إذا ما صورت هذه الصورة جيتي لمصر ما تحتسب 🤪

Processed with VSCO with a5 preset

طبعًا تطورت شوي وصورت صورة ثانية بشكل ثاني عشان لا تملون من البوزيشنات المتكررة..

Processed with VSCO with a5 preset

اليوم كان خفيف رحت موعدي عند الدكتور كمراجعة سريعة وهو سبب جيتي لمصر وبعدها رجعنا البيت

وبآخر اليوم قررنا نروح مول قريب مننا وهو سيتي ستار ..

هالمول أحسه يحمل الأضداد .. حيث أنه في مناطق منه تحس بالرقي وأماكن تحس بالعشوائية ..

ممكن لهالسبب في ناس تحبه وناس لاء ..

Processed with VSCO with a5 preset

أحيان يجيبون واحد يقعد يعزف على البيانو .. جدًا رائع وأنت تتسوقي تسمعي موسيقى رايقة جدا

وأحيان يقعد يعزف أغاني لأم كلثوم أو عبدالحليم عاد أنا امشي وأدن دن ..

Processed with VSCO with a5 preset

الهدف من جيتنا الحين لهذا المول هو الغدا ورحنا تغدينا في مطعم هندي الظاهر انه تابع للفندق اللي لاصق بهالمول ..

واكله كان جيد ..

448670D5-A8DD-492E-A2F3-AA511503D74F.JPG

بعد ما خلصنا .. طبعًا لازم نمر على

 .. Starbucks حبيب الكل ..

Processed with VSCO with a5 preset

Processed with VSCO with a5 preset

 الغريب في الموضوع أن سعره جدًا رخيص مقارنة بعندنا ..

و الأجمل أن في هالمول بس فيه حول ثلاث فروع لستاربكس .. 💚

Processed with VSCO with a5 preset

Processed with VSCO with a5 preset


Processed with VSCO with a5 preset

Processed with VSCO with a5 preset


Processed with VSCO with a5 preset

Processed with VSCO with a5 preset

ومن ضمن الفعاليات رحنا لعبنا يوسف

طبعًا لعب لين داخ ..

Processed with VSCO with a5 preset

Processed with VSCO with a5 preset

تحت الأرض تقريبا دور للسينما جداً رائعة .. بس للأمانة ما مداني ادخلها لأن يوسف معاي ..

بس ناوية لطلعة رايقة مع محمد يصير ادخل السينما مع البنات ..

4D5464C8-7710-446F-A25E-69AD740A265E.jpg

المهم قعدنا نفرفر لين دخنا .. وطبعًا جا وقت العشا وطلعنا الدور اللي فيه مطاعم ندور على مطعم ناكل منه ..

Processed with VSCO with a5 preset

 الحقيقة المرة بالنسبة لي في مصر أني ما أحب اكلهم ..

فأحيان كثير يغريني شكل المطعام بس احط ببالي أنه ممكن ما يطلع طعم فدايم أمشي ورا سحر وسمر في المطاعم اذا جيد أو لاء .. لأن ذوقنا واحد في الأكل ..

والحمدلله هم يجربوا وأنا بس علي أني ادخل وأكل 🤣😅😂🤪😋

المهم قررنا ندخل هالمطعم .. شكلا وطعمًا جميل ..♥️♥️♥️

Processed with VSCO with a5 preset

Processed with VSCO with a5 preset


الحمد لله مسحنا الصحون ..

وبعدها توكلنا على بيتنا ..

وأنتهى اليوم الثالث ..

***

اليوم الرابع .. الموافق ١٨-٠٣-٢٠١٨

صحيت الصبح وجهزت لي فطور هالمرة قلت تغيير شوي

810A6CE4-6A46-4C9E-8D95-35C49933FA37.JPG

بعدين سويت لي قهوتي ..

402116DC-1CD2-41A8-A978-C3A7329ABF67.JPG

وبحكم أنه وقت دراسة .. فقعدنا تقريبا أغلب الأسبوع بالبيت .. وهالشي أعشقه..

يعني أن خرجنا رحنا قضينا شي ضروري ورجعنا ما طولنا ..

أحب الاستكنان والروقان ..

على العصر كان الجو رايق .. اللي يدرس واللي مشغول بشغله .. وأنا وقتها يوسف كان نايم

فأستغليت الموضوع بأني قمت سويت لي قهوة

A4997A33-96D9-4304-8182-5CCDDAD37221.JPG

وقعدت اشخمط في دفتري ..وارتب افكاري حق المدونة .. 💜

F977F320-75B6-4767-9D73-393DDD93D195.JPG

وكان هاليوم هادي وجميل .. جلسنا سوا بالبيت وفليناها

 وأنتهي..

***

اليوم الخامس الموافق ١٩-٠٣-٢٠١٨

الظاهر خلاص عرفتوا الروتين ..

صحيت الصبح على الساعة ١٠ جهزت لي كوب قهوتي وهالمرة حطيت معها قطعة تيشزكيك

عشان لا تملون 🤣

Processed with VSCO with a5 preset

Processed with VSCO with a5 preset

هاليوم تقريبًا كان شوي حافل بحكم أن اليوم اللي قبله كان بالبيت فقررنا نخرج نتغدا برا ..

***

بعد كذا يوم ٢٠،٢١،٢٢ كان كله بالبيت وكان نفس الروتين ..

***

يوم ٢٣-٠٤-٢٠١٨ الموافق يوم الجمعة  وهو اليوم اللي ما قبل السفر ورجعتنا لجدة

.. كالعادة صحيت الصبح سويت لي قهوة وقعدت مع يوسف

لين جا وقت الغدا .. وطبعًا بما أنه جمعة فأكيد بيكون الغدا برا ..

قررنا نروح كايروا فيستفال Cairo Festival

وكان لم شمل العيلة الجميلة مع الأصدقاء ..

Processed with VSCO with 7 preset

***

هذه صور لنفس المول بس كانت في راس السنة .. طبعًا كانت اجمل ..

Processed with VSCO with a5 preset

Processed with VSCO with a5 preset

***

رحنا على جهة المطعام ..

المطعم اللي اخترناه اسمه عنب مطعم لبناني بصراحة أكله جدا رائع ..

جلساته الخارجية جدا جيدة بس عشان الجو حار قررنا ندخل جوا

وللأسف ليتنا جلسنا برا .. لأن جوا من كثر الناس اصبح مكتوم ..

( 🤪  صورة الطفل اللي بالعربية مو يوسف )

***

هذه صور للمطعم في راس السنة ..

OLYMPUS DIGITAL CAMERA

OLYMPUS DIGITAL CAMERA

OLYMPUS DIGITAL CAMERA

بعدين سوينا شوبنغ صغير ..

Processed with VSCO with a5 preset

Processed with VSCO with a5 preset

وبعد ما خلصنا رجعنا البيت عشان نستعد للسفر..

***

اليوم الأخير.. الموافق ٢٤-٠٤-٢٠١٨ يوم السبت

صحيت الصبح وقعدت مع نفسي شوي عشان ارتب اموري وكان عندنا سفرة بعد أسبوع من رجعتنا من مصر ..

Processed with VSCO with a5 preset

Processed with VSCO with a5 preset

18F46DF3-2D08-46B8-A3B4-F90C9DC087C7.JPG

طبعًا يوسف إلا يبي يطلع في الصورة ..

..

وجا وقت روحة المطار ..

ونحن في المطار نبي نقطع البوردنغ نكتشف ان راحت علينا الرحلة ..

واضطرينا نطلع مرة ثانية من المطار عشان ندخل ثاني بتفتيش جديد مدري مين اللي مخترع هالنظام بس مرررة شين

وضبطنا الحجوزات .. والحمدلله لقينا بنفس اليوم رحلة بس كانت بعد تقريبا ٣ ساعات ..

قطعنا البوردنغ وكل شي وقعدنا في الصالة الخاصة فينا ننتظر موعد رحلتنا..

44493980-E919-43A8-9DCC-BBCD3A48BE5D.JPG

هالمرة يوسف كان جدا متضايق ومو مرتاح وطبعًا كنت على اعصابي بحكم أن محمد ما جا معي في السفرة هذه

  وماشاء الله عليه يوسف كان بس يصيح بأعلى صوته كرهت عمري وقتها .. وقضيت كل وقتي بصالة الالعاب حق الاطفال

Processed with VSCO with 5 preset

Processed with VSCO with 5 preset

الحمدلله عدا الموضوع على خير وطلعنا الطيارة ،،

ويوسف نام ..

ووصلنا لأرض الوطن ..

وانتهت الرحلة على خير ..

اللي زار/زارت مصر شنو افضل الأماكن اللي رحتوها وتنصحوني أروحها..

Follow:

Positive Energy .. طاقة إيجابية

Be the energy you want to attract

كون الطاقة اللي تبي تنجذب لها ..

اتمنى لكم طاقة إيجابية

Follow:

A day in My life..

www.onlydalya.com

I have something a bit different for you today ..

لأن هالمدونة عزيزة وقريبة كثير لقلبي وهي خاصة فيني فحبيت أخليها تحمل طابع خاص فيني بعد ..

وبكذا .. حبيت أشارك معكم يوم بحياتي ..

رح أكتب تفاصيل هاليوم بكل ما فيه من إيجابية أو سلبية أعذروني 🙂 .. والسبب اللي خلاني اندفع واتحمس واكتب هالموضوع هو إني مشتركة بقروب خاص بالبلوقرز وكان فيه تحدي نكتب مواضيع معينة .. وحبيت أشارك معهم وأخترت هالموضوع ..

مع العلم أن هالموضوع كان يقرقع بقلبي من زمان بس كنت أقول يا بنت الناس بلا خبال بس يوم شفت مواضيع البنات تحمست كثير وقلت يالله قدام ..

.. وقبل لا ننسى يالله جهزوا مشروبكم المفضل واستمتعوا ..

www.onlydalya.com

www.onlydalya.com

اخترت هاليوم بعشوائية .. السبت الموافق ٣ مارس، ٢٠١٨

My Morning Routine

أولاً ببدأ بروتين الصباح الخاص فيني ..

المنبه يدق على الساعة ٧ صباحًا  و أحيان يوسف هو اللي يصحيني بصوته الجميل .. واليوم كان يوسف حبيبي هو اللي مصحيني ..

قمت غيرت له ورضعته وكمل نوم .. والحين النوم طاير من عيني وقبل ما أنام كان موضوع البلوق يلعب بعقلي فقررت إني اكتب فيه ..

قمت فرشت اسناني وسويت لي قهوة ،،

 والحين قاعدة على مكتبي المؤقت أسمع موسيقى هادية واتفرج على حسابي انستقرام و مع حماسي لموضوع اليوم قمت وتكلمت في الستوري حق انستقرام بصوتي .. مو دايم اطلع بصوتي ولكن هالمرة حسيت اني تجرأت ..

جنبي ع الطاولة مفكرة جاتني هدية بمناسبة السنة الجديدة فتحتها وقمت كتبت بداية مقدمة هالموضوع .. بعدين دخلت على حساباتي الثانية تويتر  والفيس بوك والتمبلر ..

www.onlydalya.com

www.onlydalya.com

تقريبا عدا ساعة ع الموضوع والحين الساعة صارت ٨:٤٥ دقيقة صباحًا وقاعدة افر في النت اتصفح المواقع اللي تهمني كمشتريات وبنترست عشان ببالي بروجكت أبي احط الأفكار الرئيسية واشوف البدجت حقته عشان ابدأ فيه ..

*  وبيني وبينكم في بالي احط هالبروجكت كمان هنا بالمدونة وإذا تحمست زيادة اصوره فيديو بعد ..

فجأة تذكرت أني ما كتبت مهام اليوم والأسبوع ..

الحين صارت الساعة ٩ صباحا ويوسف صحى .. والحين وقته لازم اكله/ارضعه ونقعد سوا وبحكم أن اليوم سبت وهو إجازة يعني بنقضي الوقت سوا كعيلة ..

بالنسبة لروتين العناية بالبشرة في الصباح اختصرته بعد ولادتي بيوسف وأصبح أفرش أسناني وبعدين أقوم استخدم الكلنزربفرشة الكلاراسونك  وبعدين اغسله ما اكثر لأن بالليل هو الشغل المضبوط ..

www.onlydalya.com

www.onlydalya.com

بعد ما غسلت وجهي اروح تسريحتي واحط مرطب ڤايتامين لبشرتي واكمل واسوي مساج لها وأحط مرطب شفايف وخلصت ..

www.onlydalya.com

www.onlydalya.com

إذا حبيت اسوي ميك اب صباحي فاستخدم سي سي حق شانيل .. احبه خفيف ويعطي لوك ديوي ..  ومسكرة واسوي حواجبي واحط مرطب شفايف أو روج على حسب المود ..

www.onlydalya.com

www.onlydalya.com

حاليا هذا روتيني الصباحي ..

بالنسبة ليوم السبت المفروض يكون عند أهلي نتغدا ولكن بما أن الماما والبابا قرروا يسافروا على تركيا فالحين اصبح الجدول فاضي .. ولسه ما قررنا شنو نسوى 🙂

طبعا بعد اللعب نمنا مرة ثانية كلنا .. والحين انا صحيت والساعة ١٢:١١ الظهر ..

My Day Routine

الحين الظهر الساعة ٢ ..

أختي قبل شوي اتصلت فيني تأكد نجي عندهم البيت نتغدا .. لأن أختي الصغيرة بتجي تطبخ .. طبعًا أنا بقمة الإنشكاح عشان مارح اطبخ 😂 احس حرام اختي الحامل هي اللي بتقوم تطبخ وأنا الكبيرة مع نفسي .. الظاهر أن أمي جابتني أول وحدة بالغلط المفروض أنا آخر العنقود

*صار تعديل .. تغدينا بالبيت يعني أنا سويت الغدا   🙃.. وبعدين رحنا تقهوينا ببيت ماما وفليتها أنا وخواتي طبعا ما مداني اصور شيء .

خرجنا من البيت على الساعة ٤ العصر مريت على سينابون الظاهر أن أختي الثانية متحومة على سنابون متصلة فيني تقولي وانت جايا مري عليه وجيبي لنا قلت لها ابشري ..

وهذا أحلى سينابون ..

www.onlydalya.com

www.onlydalya.com

وسوينا قهوة وأكلناه مع السينابون  وجلسنا نسولف ونفل وكانت أحلى فلة مع خواتي وعيالهم

My Night Routine

بعد العشا رحنا الريدسي مول تعشينا وغيرنا جو شويتين

ورجعنا البيت على الساعة ١١ المساء كنت طافية وقتها بمعنى الكلمة .. وما صدقت يوسف كان نايم على طول وصلنا البيت حطيته بالسرير .

www.onlydalya.com

www.onlydalya.com

بالنسبة لروتين المسا.. فأول شي استخدم مزيل الميك اب ..

Processed with VSCO with a5 preset

www.onlydalya.com

وبعدها اغسل وجهي بالكلاراسونك وافرش اسناني

www.onlydalya.com

www.onlydalya.com

بعدين انشف وجهي وبعدها ابدأ احط التونر ثم الكريم ..

وقبل النوم احط كريم النوم وهو آخر خطوة لي في العناية ..


 

بعدين اروح اجهز بجامتي حق النوم واتعطر واستعد للنوم ،،

 

www.onlydalya.com

www.onlydalya.com

إذا حبيتوا اكتب موضوع منفصل عن روتين عنايتي اليومية والأسبوعية وتفاصيل اكثر عن المنتجات وإيش تسوي ومن وين اكتبوا في التعليق ،،

وبكذا ينتهى يومي بأجمل ما يكون ولا شيء من هذا كله كان مخطط له .. ولا أصلا كنت مخططة أني أكتب هالتدوينة في هذا اليوم ولكن قلت خلاص ..

وكان يوم جميل ..

والحين الساعة ٨ الصبح صحيت بدري عشان اكتب اللي صار على آخر جزئية قبل ما أنسى ..

Processed with VSCO with a5 preset

https://onlydalya.com

بالأخير أتمنى أنكم ما مليتوا من قراءة يومي

وأتمنى لكم يوم سعيد ..

 

Follow:

Ikea Purchases .. مشترياتي من آيكيا

Ikea Purchases  .. مشترياتي من آيكيا

أهلين ..

كيف الحال ؟!! إن شاء الله تمام وعال العال ..

اليوم الموضوع اللي بحكي عنه يمكن كثير ناس تكلمت فيه لين ممكن للبعض اصبح ممل بالنسبة له ..

واللي هو مشترياتي من آيكيا ..

بس هالمرة مشترياتي موب أثاث واكسسوارت منزل !!

هالمرة شريت اكل من عندهم !! ما أقصد المطعم .. اللي اقصده قسم الأغذية 😂

المهم قبل لا نبدأ نجهز قهوتنا عشان نستوعب شنقول 😉

المهم قبل لانبدأ نجهز قهوتنا عشان نستوعب شنقول ..

onlydalya.com

onlydalya.com

بصراحة على كثر ما أروح آيكيا .. واشوف قسم الأكل الا عمري ما رحت وشريت غير الشوكولاته اللي قالي عليها محمد وامشي بدون لا افكر او حتى ألقي نظرة على المنتجات بحكم اني أكون تعبانه وودي اطلع او مستعجلة  ..

ولكن هالمرة تغير الوضع يمكن بحكم اني كنت ابي اسكت يوسف عبال ما محمد يحاسب قلت خلني اروح اشتري له شوكولاته وكذا ..

وأنا ماشية لفت عيني الشوفان .. 😍 وبصراحة نقطة ضعفي خصوصا أنه فيه التوت الأزرق والفواكة الثانية اللي يحبها قلبي ..

لذلك قمت قشيت مثل اللي في الصورة ..

وقلت خلني اجرب موب خسرانه ابد 😌 ..

OLYMPUS DIGITAL CAMERA Processed with VSCO with a5 preset

كل هذه الأشياء ماجات١٠٠ريال بالضبط طلع لي٧٢ ريال فقط .. 🤓

المهم نبدأ بحبيب القلب ..

 الشوفان .. 😻♥️

بجد شهادتي فيه مجروحة ..

من كثر انه طعم صرت اكله بروحه وكرنشي كذا يقرمش وحتى ان حطيت معه حليب واكلته على طول عشان لا يتشربه

الحليب كثير فيه شوي قرمشة ..

لذيذ لذيذ لذيذ ..

أتعب وأنا أقول أنه لذيذ ..

وسعره هم بعد لذيذ .. في حدود الـ ٣٠ ريال ما تتعدى ٣٥ ريال ..

 Processed with VSCO with a6 preset

شايفين شكثر شكله لذيذ .. هذا وأنا ضايفة الحليب وهو مقرمش ..

وفي هذه الصورة أضفت عليه عنب أسود بدون بذر …

يا قلبي ما أقول شكثر لذيذ ..

OLYMPUS DIGITAL CAMERA          Processed with VSCO with a5 preset

بجد ما أبالغ هذا ذوقي وأنا حرة فيه بجد اطعم شوفان ذقته  .. خفيف وهش ..

💜💜💜💜

ونجي للمنتج إللي بعده ..

بسكوت بالزنجبيل .. 🧐

Processed with VSCO with a5 preset

حبيته .. وحاولت اتفلسف فيه وقمت حطيت فوقه جبنة بيضاء مع أوراق من النعناع ورشة كمون ..

بالبداية طلع اليم .. بس بعدين ما قدرت استسيغه 🤪

بس الحقيقة شكله  كان مشهي ..

Facetune_11-02-2018-13-32-50

والحقيقة أنه طعم بروحه بدون الإضافة والفلسفة اللي سويتها .. يعني لو كان مالح كان تمام..

كم سعره ؟!!

بصراحة ما اذكر ولكن سعره جميل وخفيف ..

هل انصح فيه أي .. لكن في اللي احسن منه بكثير ومراحل وهو المنتج اللي بعده ..

بسكوت بالقرفة

OLYMPUS DIGITAL CAMERA          Processed with VSCO with a5 preset

هذا البسكوت الجميل واللذيذ كل عيلتي حبته وخصوصا يوسف القلب ♥️

صار كل ما يشوفه يعطيه شهقة ويصفق بيدينه فديت قلبه والله

كميته كبيرة وسعره هم بعد حلو بس ما اذكر بكم لأن الحقيقة والواقع إني رميت الفاتورة بالغلط .. 😤

هل أنصح فيه نعم وبقوة .. يكفي أن يوسف عجبه 😋😉

يذوب في الفم ويقرمش وحلاوته لذيذة يعتبر من البسكوتات الحالية لكن حلاه موزون

ما يغث ابد ..

والحين نجي للكلام الكبير .. الشوكولاتات ..

♥️♥️  ♥️♥️

هالشوكالاته .. لذيذة .. وطعمة ↡

OLYMPUS DIGITAL CAMERA          Processed with VSCO with a5 preset

اعطيها ٨،٥ من ١٠ .. رح اشتريها اكيد مرة ثانية

.. ..

أما هذا النوع من الشوكولاته ..

OLYMPUS DIGITAL CAMERA          Processed with VSCO with a5 preset

OLYMPUS DIGITAL CAMERA          Processed with VSCO with a5 preset

فهو طعم ولذيذ بس مو مثل الأولى أطعم منهم

 بكثير يعني الأولي ماعندي مشكله اتعنى لها

بس هذولي لاء يعني ممكن ما اشتريهم واجرب أشياء ثانية بدالهم ..

.. ..

وبس في الختام ان شاء الله ما أكون ثقلت عليكم أو اني غثيتكم بموضوع قديم ..

وابيكم تشاركوني بمشترياتكم اللي شريتوها من قسم الأغذية في آيكيا ..

شنو تنصحوني ؟!!!

♥️♥️ ♥️♥️

آخر صورة مع الحبيب ..

Processed with VSCO with a6 preset

Follow:

My weekend Coffee ..

لقيت أن قهوتي تخلي أيام الأسبوع ممكنة .. لكن تخلي نهاية الأسبوع أجمل .. 💜💜

“ I’ve found that my coffee makes my weekdays possible but it makes my weekends beautiful” 💜💜

Follow:

Some People .. بعض الناس 💜

onlydalya.com blog , coffee, life , apple, photo, friendship

onlydalya.com


“ Some people arrive and make such a beautiful impact on your life, you can barely remember what life was like without them “

.. .. ..

بعض الأشخاص لمن يدخلوا حياتك ويتركوا  أثر جميل فيها .. بالكاد تذكر كيف كانت حياتك بدونهم..

Follow:

Coffee is .. القهوة هي

onlydalya.com

onlydalya.com

onlydalya.com

Coffee is self care.

It’s a way to say to your self,

” I Love You. I want you to be Happy. Here’s a little something to make your day better.

Please don’t get arrested”.

.. .. ..

القهوة هي رعاية ذاتية ..

ووسيلة عشان تقولين حق نفسك ..

 أنا أحبك، وأبيك تكونين سعيدة، وهذا شيء بسيط عشان تخلي يومك أفضل..

إنتبهي لا يقبضوا عليك ..

Follow:

Coffe & Book,, قهوة وكتاب

onlydalya.com

صباح الخير .. مساء الخير ..💜

 

موضوع اليوم فضفة من القلب ..

بس يبيلكم تكونوا فاضيين ومعاكم قهوتكم أو المشروب المفضل عندكم ..

انا جهزت قهوتي عشان أبدأ ..

 

onlydalya.com

onlydalya.com

عندما سُئلت: لماذا تقرأين؟

أجابت: أقرأ بحثًا عن المعلومة عندما أشقى بجهلي، وبحثًا عن المتعة عندما أشقى بالواقع من حولي ..🧐

                                                          لـ د. فهد المطيري ..

 

.. .. ..  

 

في الفترة الأخيرة انتشر كثير موضوع الإشاعات والأخبار الكاذبة .. للأسف واتساب اصبح مرجع لكل شخص فلان قال وفلان سوا وكأنه مرجع موثق .. وبالحقيقة هو منبع الإشاعات ..🤨

يمكن كثير ناس ما تهتم بنقل الأخبار الكاذبة بس هل قد فكرت بيوم أن هالخبر اللي ينشره ممكن يضر عيلة ويفكك أسر

العالم الافتراضي عالم واسع ويظن البعض أنه بمجرد ما الموضوع في النت بأنه ما رح يأثر وأنه هو شخص مجهول محد رح يقدر يوصله .. بس للمعلومة يا أخي ..😔

كثير ناس بسبب مسج، تويت، تعليق في فيسبوك ، راحوا فيها وانسجنوا سنوات كثير 🙄.. ومنها الابتزاز ونشر صور ناس بدون إذن ..😞

وعلى بالهم عن العالم الافتراضي .. عالم خيالي كل واحد يطلق الشر اللي فيه وما رح ينصاد..

للأسف هنا التربية لها دور فعال وكبير .. يأثر ع المجتمع بطريقة أو بأخرى..😩

واللي يقهرني واعصابي تنفلت وما اقدر امسكها يوم ألقى كل شخص يدلوا بدلوه ويفتي على كيف أهله ..

هذا حلال وهذا حرام بناء على مسج جاته تضمن حديث ضعيف حتى ما تعب نفسه بالبحث والتأكد من صحته ..

أو اللي يدرعم ويقول هذا مو من عاداتنا وأعرافنا ..🤯

يا حبيبي العادات تختلف بين قبيلة وأخرى وبين عيلة وعيلة تختلف .. تبي تطبق عاداتك واعرافك على دولة كاملة ؟!!😤

وين النظام وين القانون .. بالأخير ترا حنا بدولة فيها قانون ..😎

لذلك أي شخص يقولي سمعت فلان يقول أذوني على طول تتقفل وما اكمل وبس اخذ وضعية المستمع ..

متى أبدأ اسمع وأناقش يوم ألقى شخص يقولي بحثت وتوصلت لهالشي .. يبتدي عندي هنا متعة النقاش

أرفع قبعة الاحترام له ولوقته حتى لو بحثه وصله لطريق مسدود مع الوقت رح يوصل للطريق الصح ..

لكن المهم أنه بحث وقرأ .. مو بس يسمع من فلان وعلان وكأنهم رسل ما يخطون ..

وبالنسبة للبنات .. أغلب البنات همهم الشكل لكن المحتوى فارغ ..👠💅💄🤳🏻

جميل إنك تهتمين بشكل وبمظهرك .. بس هم بعد مثل ما تهتمين بشكلك إهتمي بعد بعقلك

لا تصيرين فارغة من الداخل ..

وبس ..

.. ..

السبب اللي خلاني أتطرق لهالموضوع بأحد القروبات في وحدة تتناقش مع وحدة ثانية وكان رد هالبنت أنه ماتبي تعلق أو حتى تحط إعجاب على صورة فيها امرأة عشان لا تأخذ ذنب ؟!!!!!!!!

كان بس ودي أقولها وين عقلك ؟!!!!!🤯🧐

ولو تشوفون حسابها أنواع التناقض بس .. حاطة صور لاعبين طيب يعني الحين ما رح تاخذين ذنب بمفمومك يوم تحطين صورة لشاب ممكن بنت تعجب فيه ؟!!!!!!!!!!!🤨🤪

بدل ما ننشر هالخرابيط .. خلونا نتفق وننشر الاجابية ونرتقى شوي ونرفع من شأننا ..

وبس شاركوني آرائكم وهل في يوم صارلكم موقف تأذيتوا من هذه الفئة من الناس ؟! ..

هنا بجد وبس .. وأشوفكم بموضوع ثاني ..💜

Follow:

Life .. الحياة

coffee morning , mornings, morning vibes, apple , قهوة ، قهوه ، صباح، نشاط ، صباحات، حيوية

onlydalya.com

” الحياة لا تعطينا كل ما نحب .. ولكن من نحبهم يعطونا الحياة .. “

💜💜💜
“Life does not give us everything we love .. But those we love give us the life ..”

Follow:

My Favorite Oat Brand .. أفضل ماركة چرانولا

oat, breakfast , photo, life style , فطور، شوفان ،نظام حياة ، فطور ملكي ،

Good Morning ,, صباح الخير

oat, breakfast, photo, life style , شوفان ، فطور، صورة

onlydalya.com

كيفكم يا حلوين..

بما أن الأجواء الحين بدت تصير شتوية ودرجة الحرارة بتقل حبتين  ..

فالطاقة عندي بتقل وكل ما تكون الجلسة ع السرير اكثر 😂 طبعا بتكلم عن نفسي أنا 😁..

وبما أني معطيه حق نفسي بريك خفيف فقلت يالله نسوي فطور محترم ونتربع على السرير طول الصبح 😍♥️

وكفطور دائما يفوزعندي الشوفان / الچرانولا بأي طريقة كانت وأصبح يوسف مثلي 😍 ..

oat, breakfast , photo, life style , فطور، شوفان ،نظام حياة ، فطور ملكي ،

onlydalya.com

وللأسف اكثر مشكلة تواجهني هو أني اسوي فطور حق نفسي .. ويكون صحي وما يسمن لاني بصراحة بديت اسمن هذا ان ما سمنت خلاص .. ومشكلتي كسولة مافيني للخرابيط الكثير .. صحيح احيان يجيني مود ابي ابدع بس مو دايم ..

جربت كثير منتجات ودايم يبيلها شغل كثير ..🤨

بودّي بشي بس أضيف له حليب بارد بدون ما اسخنة وخلاص واهم شي يكون لذيذ .. أو اضيف زبادي يوناني .. يعني أي اضافة بسطية بس مو شغل كثير ..🤪

بالامس كنت بمانويل اشتري اكل ليوسف .. قلت خلني امر جهة السيريالز واشوف لي شي كتغيير .. وفجاة عيني طاحت بهالمنتج الجميل شكلاً وطعمًا❤️
والله حتى سعره حلو مو حامض 😂👌🏽❤️

oat, breakfast , photo, life style , فطور، شوفان ،نظام حياة ، فطور ملكي ،

onlydalya.com

والاهم من كل هذا .. انه سهل التحضير فقط أضيف الحليب وفيه كل المكونات اللي احبها من مكسرات وفواكه وبكذا يكون قضينا وقدنا ناكل ❤️

فيني طبع مو جيد .. عيني تاكل قبل بطني، يعني بكل بساطة ممكن ما اكل عشان شكل الاكل ما اعجبني 😓

طبيعية ولا مو طبيعية !!؟ 🙂 ..

المهم وانا قاعدة اكتب الحين قاعدة استمتع بأكله وجا ببالي اضافات حلوة تفتح النفس اكثر .. 💜

ليتني شريت التوت الازرق والأسود والأحمر بعد عشان لا تزعل وارشهم فوق الطبق بيطلع شي خرافي ..

يالله مرة ثانية إن شاء الله ..

oat, breakfast , photo, life style , فطور، شوفان ،نظام حياة ، فطور ملكي ،

onlydalya.com

مدري هنا حسيت ان تصويري تصوير إعلاني .. بس بجد هذا مو إعلان ولا درو عن سما داري 😅🤣

لا اطول عليكم .. شلون تحصلون هذا المنتج الجميل ..بيكون في مانويل جهة السيريالز
قيمته بـ 36.22 ريال ممكن البعض يشوفه غالي بس انا اشوفه على كل هالمواصفات فهو كسعر اوك مع العلم انه لو كان في اي بلد ثاني بيكون أرخص كثير ..💜

🙄

في حاجة تقرقع بقلبي من زمان ودي افهم ليه برا اسعارهم مع الضرايب يطلع ارخص من عندنا وعاد هنا بدون ضرايب .. اجل الحين والوضع تغير مع الضرايب وين بتوصل الاسعار .. الله يستر ..💔

شكله نهايتنا صيام .. عاد صدق يمدحوه صحي وينحف وله فوائد كثير ..  ❣️

oat, breakfast , photo, life style , فطور، شوفان ،نظام حياة ، فطور ملكي ،

onlydalya.com

وبس .. هذه اخر صورة شكل الشوفان من قريب .. بجد شكله يحمس للأكل ..

يالله شاركوني شنو الفطور المفضل عندكم !!؟؟ 

وبس مو حابة اكثر حكي ونخلي البوست شوي خفيف..😋😊

واشوفكم في موضوع ثاني قريب 💜

Follow:

Yousef Breakfast Style.. نظام فطور يوسف

Yousef Breakfast Style.. نظام فطور يوسف

 

أهلين مرة ثانية ..

إن شاء الله تكونوا طيبين ..

الأمومة نعمة من نعم الله ومسئولية بعد .. فلازم نحافظ عليها لأنه محاسبين عليها..

والله يبارك لكل أم ويرزق لكل من تتمنى ..

 كل بعد فترة يوسف ينهي فترة من مراحل عمره ويبتدي مرحلة جديدة وبالنسبة لي كأول مرة أكون أم فأنا قاعدة استكشف وأتعلم ..

Processed with VSCO with a5 preset

بصراحة .. في السابق يوم كنت أشوف اكل الأطفال كان جد ما يستهويني غير السيريلاك وكنت احب أكله حتى وانا كبيرة وبعدين الوضع تغير يوم بديت أشوف كيف الأطفال ومشاكلهم الصحية ..

طبعًا بديت اهتم من عرفت اني حامل بيوسف ..

أول شيء سويته قرأت كثير عن موضوع الطفل والعناية وشنو احتياجاتهم .. بعد ما قريت عن فوائد الرضاعة للطفل والأم بعد.. صممت أن أرضع يوسف طبيعي أكثر وقت ممكن .. وأتمنى إني أتم السنتين ..

و الحين بعد ما صار في مرحلة عمرية أنه لازم أدخل الأكل في وجباته وبدأ معها هاجس هل الأكل كويس؟! هل هو صحي أم لاء هل   حيشكل مشاكل في المستقبل ؟!!

الدولة الحين قاعدة تسوي شغل جبار من ناحية توعية المستهلك حيث أننا كدولة نعاني من السمنة عند الأطفال وهالشي ما ابي يوسف بيوم من الأيام ممكن يعاني منه لذلك صايرة اهتم كثير بأكله ..

والجميل في الموضوع أن المستشفى اللي ولدت يوسف فيها هي مستشفى الطبي الدولي بجدة ومن ضمن برنامجها يوعونك اكثر على موضوع الرضاعة الطبيعي وايش كثر هي مفيدة طبعًآ بالتعاون مع وزارة الصحة وهذا مثل ما هو واضح توجه البلد ..

وبدأ الحماس .. وقررت اني اترك وظيفتي ( في بدائل للأم العاملة ولكن أنا قررت اترك الشغل ) بحكم أني ما كنت اقدر اتخيل إني بلحظة ممكن اترك يوسف لو ساعة فما بالك دوام كامل .. ولذلك تركت الشغل وتفرغت لبيتي ..

هذا مو معناته أن الأم اللي مازالت تشتغل معناه ما تحب ولدها أو العكس .. ولكن أنا ما أتخيل اني اترك يوسف ٨ ساعات وارجع .. لو يعطوني مليون ..

المهم نرجع لموضوعنا 🙂

بإختصار بالنسبة للثلاث الشهور الأولى كنت بس رضاعة طبيعي وينسون ومجلب وموية وتمر بس ..

والثلاثة الأشهر اللي بعد كذا يعني من بداية الرابع إلى السادس وانا أعطيه اكل من هذه الماركة .. بالإضافة للعصيرات الطبيعية وابدأ أعطيه اكل شوي جامد مو كله سوائل ..

Processed with VSCO with a5 preset Processed with VSCO with a5 preset

أعتذر لعدم جودة الصورة لأني كتبت الموضع متأخر واغلب المنتجات خلصت ..

طبعًا رح تلقون بالخلف عبوة سيريلاك بس الحق ما اكل منها .. لأنه تعود على طعم ماركة جيربر فما عجبه طعم السيريلاك وظلت العلبه موجودة كل ما جا أخوي اكل منها ..

والحين نجي للمهم .. من سن ٧ اشهر إلى الآن.. يوسف عمره الحين ٩ شهور وبديت اعطيه هذه الماركة من الأكل كفطور وعشا ..

هي عبارة عن شوفان مع مجموعة جيدة من الحبوب .. احب اضيف معه حليب بارد وعسل كمحلى وقرفة ..

 تعتبر اكثر وجبة يوسف يستمتع فيها ..

Processed with VSCO with a5 preset

وما اكذب عليكم أحيان كثير اشاركه في الأكل من كثر ما ان طعمه جيد 🙂

Processed with VSCO with a5 preset

مدري ليه احس كل ما ياكل يوسف هالاكل احس اني قاعدة اسوي خير فيه واستنانس على نفسي وأكون بقمة سعادتي لأني قاعدة احببه علي الاكل

الصحي ..

وهذا نوع ثاني هم بعد طعم كثير .. التفصيل تلقونه بأسفل الصور

بالنسبة لـ  Organix multigrain porridge with added vitamin B1  شاريته من مانويل تقريبا بـ ٣٥ ريال .. بالعربي اسمه عصيدة مولتغرين مع فيتامين ب١ ..

أما النوع الثاني فهو  Organix Banana & Plum Porridge with added vitamin B1  بالعربي اسمه عصيدة الموز بالمرقوق مع فيتامين ب١ وسعره هم بعد بـ ٣٥ ريال تقريبا وبالنسبة الشي الحلو في هذا النوع أن حبات الشوفان فيه كبيرة وكاملة ..

أما بالنسبة لـ Garber  هم بعد من مانويل وسعره تقريبا في حدود ٢٢ أو ٢٣ ريال وهو عبارة عن وجبة شوفان مضاف له الخوخ والتفاح ولكن حبات الشوفان هنا مطحونة..

معلومة أخيرة .. أنا ما أمنع يوسف من أنه يجرب اكلات ثانية وماسكة بس نظام صحي تماما بالعكس الوجبة الرئيسية هي مثل ما ناكل  كبسة إيدام أي شي بس حذرة لبعض المنتجات مثل الجبنة السايلة كرافت أحس انها دهون ونقطة جبن لذلك مستحيل اخليه يجربها اذا كبر هو حر ياكل اللي يبي .. لكن احرص على طريقة اكله وهو صغير وهم بعد السكر .. دايم استخدم العسل كمحلي لأكله لأن بجد اضرار السكر كثير سيئية هذا مو معناته اني ما احط له سكر .. استخدم السكر في حالات معينة ..

وبس .. امتنى تشاركوني النظام الغذا’ئي حق اطفالكم ..

Follow:

My Brwon Coffee|| قهوتي السمراء

coffee , night , قهوة ، ليل، شتا ، حب ، امراه ، يد ،

onlydalya.com

للقهوة حكايات .. نكهتها ذكريات ..

وحنين لأناس .. معهم كنا .. وكانوا لذة الحياة .. ومازالوا ..

*مقتبس بتصرف ..

 

Follow:

Good Morning.. صباح الخير

coffee , candle , قهوة ، شمعة، شموع ,candles , winter , cold ، شتا، شتاء،

onlydalya.com

Don’t start your day with the broken pieces of yersterday.
Every morning we wake up is the First day of the Rest of our Life.

لا تبدأ يومك بقطع مكسورة من الأمس..

كل صباح نصحاه هو اليوم الأول من باقي حياتنا..

.. ..

سلامتكم .. Peace

Follow:

Walkers Sunglasses || نظارات ماركة ولكرز

مساء الخير ..

قبل فترة حول أسبوعين جتني مسج على الدايركت في انستقرام  من شركة  Walkers Sunglasses

بأن اجرب منتجاتهم ويكون بيننا تعاون .. بآخر البوست رح أزودكم بتخفيض خاص لكم 🙂

بالأول خلونا نشرب قهوة ونسولف لكم على الماركة هذه ورح أشارككم تجربتي فيها ..

sunglasses, نظارات ، fashion ,فاشن, coffee ,قهوه

onlydalya.com

الشركة تعرف عن نفسها بأنها براند ذا جودة عالية بأسعار اقتصادية في متناول الجميع ..

وبتوصل منتجاتها لجميع دول العالم ..

وفعلا بتوصل لدول الخليج وانا في السعودية بجدة .. وصلني المنتج في اربع أيام فقط ..

عشان أكون صادقة .. أكثر شيء لفت نظري وعجبني هو ..

اهتمامهم في سرعة التوصيل والتغليف وهم بعد المنتج نفسه ..

sunglasses, نظارات ، fashion ,فاشن, coffee ,قهوه

onlydalya.com

تغليفهم واهتمامهم بالتفاصيل جدا عاجبني عشان يوصل المنتج وهو سليم ..

sunglasses, نظارات ، fashion ,فاشن, coffee ,قهوه

onlydalya.com

العلبة تحتوي على النظارة طبعًا و الدست باق ( كيس يحميها من الغبرة)

وستكرين واحد مكتوب عليه بالأبيض  Walkers والخلفية بالأسود والإستكر الثاني العكس ..

الكتابة بالأبيض والخلفية بيضاء .. بالإضافة لقطعة قماش بيضاء حق تنظيف النظارة ..

sunglasses, نظارات ، fashion ,فاشن, coffee ,قهوه

onlydalya.com

مثل ما ذكرت قبل أن في أشكال كثير حلوة بس أنا اخترت هالشكل.. ماربل داخل فيها لون الروز قولد ..

sunglasses, نظارات ، fashion ,فاشن, coffee ,قهوه

onlydalya.com

هنا واضح فيها تفاصيل الماربل، وبالجنب مكتوب عليها اسم الماركة ..

sunglasses, نظارات ، fashion ,فاشن, coffee ,قهوه

onlydalya.com

بصراحة ملمس النظارة وثقلها مبين إنها شيء مرتب وفي اللبس كمان تفرق كثير ..

 عجبتني مرة .. والجميل انها متوافقة مع المعايير الأمريكية والأسترالية والأتحاد الأوروبي ..

..

  هالنظارات أبدا ما تلفتني في المحلات بس لمن أشوف احد لابسها وشكله

طالع مرتب تلفتني غير كذا لاء ..

يعني لو ما كلموني يمكن ما كان تخيلت نفسي اشتريها .. بس لمن شفتها تحمست وغيرت نظرتي

 لأني دايم اشتري نظارات High end

هالنوع من النظارات احسه ينفع كثير لبنات الجامعة .. مدري ليه

يوم كنت بالجامعة كانت نظارتي مثل هالستايل بس ماركة ثانية ..

..

sunglasses, نظارات ، fashion ,فاشن, coffee ,قهوه

onlydalya.com

 والسبب اللي خلاني احب نظاراتهم هو أن عدساتها فيها فلتر حماية UV400 وتحمي 100% من الأشعة

فوق البنفسجية .. ومعتمدة من قبل الاتحاد الأوروبي .. وبعض النظارات فيها فلتر الاستقطاب اللي يساعد

على منع إجهاد العين، والحد من انعكاس الشمس على المياه والثلوج والأسطح المعدنية ..

..

بالإضافة أن كل نظاراتهم الشمسية مصنوعة يدويًا ..والفريمات مصنوعة من ACETATE  عالي الجودة

ومع هذه الخامات رح تكون اكثر مقاومة وما تنخرب بسهولة ..

وهم بعد مقاومة للرطوبة ..

وهم بعد عندهم عدة طرق للدفع ..

واتوقع ان عندهم الدفع عن طريق التحويل اتاكد منهم ورح انزل طرق الدفع هنا ..

كل هالحكي اللي ذكرته قبل شوي مذكور بموقعهم وانا ترجمته لكم عشان الاستفادة ..

وللمزيد عندكم الرابط بالأسفل ..

https://www.walkersco.com/en/content/9-faq

sunglasses, نظارات ، fashion ,فاشن, coffee ,قهوه

onlydalya.com

بالأخير احب أشاركم بكود خصم 10% عشانكم يا حلوين ..

ادخلوا على الرابط التالي ..

https://www.walkersco.com/en/

وبعد ما تختارين النظارة اللي تعجبك .. حطي الكود التالي قبل عملية الدفع

DALYA10%

نظارتي اللي اخترتها اسمها وسعرها كالتالي :

MARBLE – ROSE GOLD GIOKO

35,67 € 39,67 €

يعني بالريال السعودي قبل الخصم تطلع 185ريال

وحاليًا مسويين خصم عليها وطالعة بـ 166 ريال وضيفوا عليها 10% حق كود الخصم

يصير يا بلاش  ..

..

وبس ..

أشوفكم على خير ..❤️

Follow:

Coffee and Book قهوة وكتاب ٫٫

 
Processed with VSCO with 4 preset

” Give me a good cup of coffee and a book I love and I’ll be Happy “

“أعطني كوبًا جيدًا من القهوة وكتابٌ أحبه وسأكون سعيدًا “

Follow: